“Nobiembre 11–17. Hebreo 7–13: ‘Nangato a Saserdote dagiti Naimbag a Bambanag nga Umayto’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Nobiembre 11–17. Hebre 7–13,” Umaykayo, Sumurot Kaniak—Para kadagiti Indibidual ken Pamilia: 2019
Bendisionan ni Melchizedek ni Abram, ni Walter Rane
Nobiembre 11–17
Hebreo 7–13
“Ti Nangato a Saserdote kadagiti Nasayaat a Banag nga Umay”
Bayat ti panangbasam iti Hebreo 7–13, mabalin a makaawatka kadagiti impresion babaen ti Espiritu Santo Ibilang dagiti wagas a mabalinmo ida nga isurat kas pagarigan, mabalinmo ida nga isurat ditoy a balabala, kadagiti igid dagiti nasantuan a kasuratam, wenno iti Gospel Library app.
Isuratmo Dagiti Impresionmo
Uray dagiti napudno a Santo adda panawen nga agsagabada iti “pannakauy-uyaw ken dagiti ladladingit” a mabalin a makadayyeg iti panagtalekda (kitaen iti Hebreo 10:32–38). Ammo ni Pablo a dagiti kumbert a Judio iti Kristianismo napadpadasanda ti nakaro a pannakaidadanes gapu iti baro a pammatida. Tapno mangparegtada nga agtalinaed a napudno kadagiti pammaneknekda, impalagipna kadakuada ti nabayagen a kannawidan dagiti napudno a mamati manipud iti bukodda a pakasaritaan: ni Abel, Enoc, Noe, Abraham, Sara, Jose, Moises—“a kaadu dagiti saksi” a dagiti kari ti Dios ket pudno ken napateg nga urayen (Hebreo 12:1). Maibinglay daytoy a tawid ti pammati babaen dagiti amin a kumita ken “ni Jesus [kas] pangulo ken mangtungpal ti pammatitayo” (Hebreo 12:2). Gapu Kenkuana , tunggal oras nga iturongnatayo dagiti panagrigat nga “umadayo,” ngem intay koma “umadani a buyugen ti puso a napudno, iti naan-anay a kinatalged ti pammati” (Hebreo 10:22, 38). Para kadatayo, kas kadagiti nagkauna a Santo, ni Jesucristo kadatayo ti “kangatuan a padi dagiti naimbag a bambanag nga umayto” (Hebreo 9:11).
Dagiti Kapanunotan para iti Bukod a Panagadal iti Nasantuan a Kasuratan
Ti Melchizedek Priesthood ti nangatngato a priesthood.
Iti sinigsiglo, nagbiag dagiti Hudio babaen ti Kinapadi a Levitico, nga ad-adda nga ammo kas Aaronic Priesthood. Ngem babaen iti pakabuklan ti ebanghelio ni Jesucristo immay ti nain-indaklan a Melchizedek Priesthood, a nangted kadagiti mas nain-indaklan a bendision. Ania ti masursurom maipapan iti Melchizedek Priesthood manipud iti Hebreo 7? Dagitoy ti sumagmamano a pagarigan dagiti kinapudno a mabalinmo a masapulan:
-
Joseph Smith Patarus, Hebreo 7:3, 21:Kadagiti naordenan iti Melchizedek priesthood “naaramid nga umasping iti Anak ti Dios” agtaeng a “[papadi] iti agnanayon.”
-
Hebreo 7:11:Ti Kinapadi a Levitico ket saan a mangidaton iti “kinaan-anay” ket ngarud sinukatan ti Melchizedek (kitaen iti DkK 84:18–22).
-
Hebreo 7:20–21: Awaten ti Melchizedek Priesthood babaen iti panagsapata(kitaen iti DkK 84:19-44).
Ania dagiti bendision a naawatmo manipud iti Melchizedek Priesthood ken dagiti nainaig nga ordinansa?
Kitaen met iti Alma 13:1–13; Doktrina ken Katulagan 121:36–46; Gospel Topics, “Melchizedek Priesthood,” topics.lds.org; Pangiwanwan iti Nasantuan a Kasuratan, “Melchizedek,” scriptures.lds.org; Henry B. Eyring, “Faith and the Oath and Covenant of the Priesthood,” Ensign wenno Liahona, Mayo 2008, 61–64; Dallin H. Oaks, “The Keys and Authority of the Priesthood,” Ensign wenno Liahona, Mayo 2014, 49–52.
Dagiti nagkauna ken kabaruanan nga ordinansa ket mangitudo ken ni Jesucristo.
Dagiti naigiddiat nga agbasbasa a Hebreo iti daytoy a surat ket malasinda unay ti nagkauna a tabernakulo ken dagiti inladawan ni Pablo nga ordinansa. Ngem adda sumagmamano a dina unay ammo a ti panggep dagitoy nga ordinansa ket itudo ti pangsubbot a sakripisio ni Jesucristo.
Idi panawen ti biblia, iti tinawen a nasagrado nga aldaw nga maawagan iti Aldaw ti Pannakasubbot, simrek ti maysa a high priest iti nasagrado a lugar (wenno Kasagraduan dagiti Nasagraduan) iti templo iti Jerusalem ket nangidaton iti kalding wenno kordero a mangsubbot iti basbasol ti Israel. Inlawlawag ni Pablo a ni Jesucristo ti high priest a mangidaton iti maymaysa a sakripisio—ti Bukodna a biag—a mangsubbot iti basbasol ti lubong (kitaen iti Hebreo 9:24–10:14 ).
Panunotem maipapan kadagiti ordinansa a pakiramanam iti agdama. Kasano a dagitoy nga ordinansan ket mangitudo kenka ken ni Jesucristo?
Tapno masursuro ti ad-adu pay maipapan kadagiti nagkauna a seremonia a Judio ken ti simbolismoda, kitaen dagiti video a “The Tabernacle” and “Sacrifice and Sacrament” (LDS.org).
Kasapulan ti pammati ti panagtalek kadagiti kari ti Dios.
No dawaten kenka ti maysa a tao nga iladawam ti pammati, ania ti ibagam? Sister Anne C. Pingree, sigud a miembro ti Sapasap a Panguluen ti Relief Society, ti nangala iti pagsasao manipud iti Hebreo 11 a mangted iti daytoy a kaipapanan: “Pammati, ti naespirituan a kabaelan nga inuyotan kadagiti kari a ‘nakitan iti adayo’ ngem mabalin a di magun-od iti daytoy a biag, ket awan duadua a pangrukod kadagitoy pudno a mamati”(“Seeing the Promises Afar Off,” Ensign wenno Liahona, Nob. 2003, 14).
Ibilang ti panangparnuay iti bukodmo a kaipapanan ti pammati bayat ti panangutobmo kadagiti kapanunotan iti Hebreo 11. Ania ti isuro ti pagarigan dagiti tao a naagapad iti daytoy a kapitulo kadakayo maipapan iti pammati? (Kitaen met iti Ether 12:6–22.)
Kitaen met iti Alma 32: 21, 26–43; Jeffrey R. Holland, “An High Priest of Good Things to Come,”Ensign, Nob. 1999, 36–38; Gospel Topics, “Faith in Jesus Christ,” topics.lds.org.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Ibilang ti panangawisyo kadagiti miembro ti pamilia a mangibinglay kadagiti naespirituan a padasda idi nariknada ti “nalawagan” iti kinapudno. Kasano a makatulong kadatayo dagitoy a padas a “pagtalinaeden ngarud ti kompiansa[tayo]” kadagiti panawen ti pannubok wenno panagdudua?
Kasano a matulongam dagiti miembro ti pamiliam nga agsursuro manipud kadagiti napudno a pagwadan a nadakamat iti Hebreo 11? Mabalin a naragsak a payakem dagiti estoria ti sumagmamano kadagitoy a pagarigan. Wenno nalabit mabalin a paglilinnawagan ti pamiliam dagiti pagwadan ti sabali a napudno a tao nga ammom—agraman dagiti kapuonam, dagiti dadaulo ti Simbaan, ken dagiti miembro ti komunidadmo.
Segun iti daytoy a bersikulo, apay nga immannugot ni Jesus nga agandur iti sakit ken panagsagsagaba iti krus? Ania ti isuro daytoy kadatayo maipapan iti no kasano iti agandur kadagiti pannubok? Nangted ni Presidente Russell M. Nelson iti makatulong a sumagmamano a nauneg a pannakaammo ken pannakaawat iti daytoy a bersikulo ti mensahena a “Joy and Spiritual Survival” (Ensign wenno Liahona,Nob. 2016, 81–84).
Apay a dusaen ken ilintegnatayo ti Apo? Ania ti madlaw dagiti miembro ti pamilia maipapan iti wagas ti Apo a makakita iti pannusa bayat ti sangsangkamaysa a panangadalmo kadagitoy a bersikulo? Kasano nga apektuan dagitoy a bersikulo ti wagasmo a mangted wenno umawat iti pannusa?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Agusar iti musika a mangawis iti Espiritu ken masursuruan iti doktrina Kinuna ti Umuna a Panguluen, “Addaan ti Musika kadagiti awan beddengna a bileg a manggunay [kadatayo] iti dakdakkel nga espiritualidad (“First Presidency Preface,” Hymns, x). Nalabit maysa a kanta maipapan iti pammati, a kas iti “Napudno iti Pammati” (Dagiti Himno, blg 254), a mangsuplemento iti panaglilinnawag iti pamilia manipud iti Hebreo 11.
Dagiti simbolo ti nagkauna a templo ti Jerusalem ken dagiti ordinansa maipanggep iti akem ni Jesucristo ket insuroda maipapan iti akem ni Jesucristo.