Balsamo ni Galaad, ni Anne Henrie

Nobiembre 4–10

Hebreo 1–6

Ni Jesucristo, “ti Akin-aramid ti Agnanayon a Pannakaisalakan”

Ti panangisurat kadagiti naespirituan a parikna ket tulongannaka nga ammuem no ania ti isursuro ti Espiritu Santo kenka. Ti panagtignay kadagiti impresion ket mangipakita iti pammatim a dagitoy a parikna ket pudno.

Isuratmo Dagiti Impresionmo

Addaantayo amin iti bambanag nga isuko tapno umawat iti ebanghelio ni Jesucristo—dakes man dagita nga ugali, biddut a pampammati, naalas a pannakigimgimong, wenno maysa pay a banag. Para kadagiti Gentil, masansan a kaipapanan ti kumbersion ti mangiddian kadagiti palso a didiosen. Nupay kasta, kadagiti Hebreo (Hudio), ti kumbersion ket impaneknekna, a no saan a narigrigat, maysa a narikrikut. Kalpasan ti amin, dagiti kinupkupikupanda a pammati ken kannawidan ket nagramut iti panagdaydayaw iti pudno a Dios ken dagiti pannursuro dagiti propetana, itanggayana iti napalabas a rinibu a tawen. Ngem insuro dagiti Apostol a natungpal ti paglintegan ni Moises ken ni Jesucristo ket dayta a nangatngato a linteg ti pagrukudan itan para kadagiti mamati. Ti kadi panangawat iti Kristianismo kaipapananna a nasken nga isuko dagiti Hebreo dagiti immun-una a pammati ken pakasaritaanda? Ti Surat kadagiti Hebreo ket nagpanggep a tumulong a mangrisut kadagiti kasta a saludsod babaen ti panangisuro dagiti paglintegan ni Moises, dagiti propeta, ket napateg amin dagiti ordinansa,ngem ni Jesucristo ti kakaindaklan (kitaen iti Hebreo 1:1–4; 3:1–6; 7:23–28). Kinapudnona, mangitudo amin dagitoy a banag ket ipaneknek a ni Cristo kas Anak ti Dios ken ti naikari a Mesias nga ur-urayen dagiti Judio. Ti mensahe para kadagiti Hebreo, ken para kadatayo amin, ket nasken no dadduma nga isukotayo dagiti kannawidan tapno ni Jesucristo ti sentro dagiti panagdaydayaw ken biagtayo—ta babaen ken ni Cristo “awatentayo ti asi” (Hebreo 4:16).

Dagiti Kapanunotan para iti Bukod a Panagadal iti Nasantuan a Kasuratan

Hebreo

Asino ti nagsurat iti ti Surat kadagiti Hebreo?

Dinamag ti sumagmamano nga iskolar no insurat ni Pablo ti ti Surat kadagiti Hebreo. Ti estilo ti pannakaisurat ti Hebreo ket maigiddiat kadagiti dadduma a surat ni Pablo, ket saan a nanaganan ti otor dagiti kaunaan a bersion ti teksto. Nupay kasta, gapu ta dagiti kapanunotan a nayebkas iti Hebreo, a naipamaysa iti dadduma a pannursuro ni Pablo dagiti Santo ti Ud-udina nga Aldaw, tungtungpalenda ti Kristiano a kannawidan, naawatda nga uray kaskasano naikappeng ni Pablo iti panagsurat iti daytoy a surat.

Kitaen met iti Pangiwanwan iti Nasantuan a Kasuratan, “Dagiti Sursurat ni Pablo.”

Hebreo 1–5

Ni Jesucristo ti “napaypayso a ladawan” ti Nailangitan nga Ama.

Adu nga Hudio ti agrigat a mangaklon a ni Jesucristo ti Anak ti Dios. Isuro ti ti Surat kadagiti Hebreo nga amin a banag maipapan ken Jesus ket ipaneknek ken impagwadan ti Amana. Bayat ti panangbasam iti umuna a lima a kapitulo ti Hebreo, maddaan iti listaan kadagiti titulo ni Jesucristo, akem, kababalin, ken dagiti aramid a nadakamat a masarakam. Ania ti isuro dagitoy a bambanag maipapan iti mangisalakan? Ania ti isuroda kenka maipapan iti Nailangitan nga Ama?

Ania ti mainayon dagiti sumaganad a palawag manipud ken ni Elder Jeffrey R. Holland iti pannakaawatmo kadagiti pannursuro kadagitoy a kapitulo? “Immay ni Jesus … tapno mapadur-as ti panniriganna iti Dios ken tapno nagpakaasi kadakuada nga inda ayaten ti Nailangitan nga Amada kas kanayon a panagayatna kadakuada. … Kasta ti panangtaraon kadagiti mabisin, panagagas iti masakit, panangtubngar iti panaginsisingpet, dumawdawatda iti pammati—daytoy ti panangipakita kadatayo ni Cristo iti dana ti Ama” (“The Grandeur of God,” Ensign wenno Liahona,Nob. 2003, 72).

Hebreo 2:9–18; 4:12–16; 5:7–8

Nagsagaba ni Jesucristo iti pannakasuot ken kinalap-it tapno maawatanna ket tulongannak.

Mariknam kadi a mabalin nga “umadanitay ngarud a sitatalged iti trono ti parabur” ket mangsapul iti kaasi? (Hebreo 4:16). Ti maysa a mensahe ti Surat kadagiti Hebreo ket iti baet dagiti basbasoltayo ken pagkapsutan, maasitgan ti Dios ket magun-od ti paraburna. Ania ti masarakam iti Hebreo 2:9–18; 4:12–16; 5:7–8 a mangpapigsa iti panagtalekmo a ni Jesucristo tulongannakanto kadagiti mortal a karit kenka? Ibilangmo ti panangisurat iti maysa a diurnal dagiti kapanunotam ken panagriknam maipapan iti no ania ti naaramid ti Mangisalakan para kenka.

Kitaen met iti Mosiah 3:7–11; Alma 7:11–13; 34.

Hebreo 3:7–4:11

Tapno maawat dagiti bendision ti Dios, kasapulak a “saan patangkenen” ti pusok.

Nupay nakumbertda iti Kristianismo, sumagmamano kadagiti Santo a Judio ti nakatakuat a narigat a naan-anay ti umawat iti ebanghelio ni Jesucristo ken dagiti bendisionna. Ninamnama ni Pablo nga allukoyen dagiti Judio a mangliklik iti biddut a naaramid dagiti kapuonanda babaen ti panangisalaysayna ti estoria dagiti nagkauna nga Israelita—ti panangtallikudda kadagiti bendision ti Dios gapu iti kaawan ti pammatida. (Mabalinmo a basaen ti estoria ni Pablo a naiparipirip iti Numeros 14:1–12, 26–35.)

Ibilangmo no kasano a ti Hebreo 3:7–4:11 ket mabalin a mayaplikar kenka. Tapno maaramid daytoy, mabalinmo nga utoben dagiti saludsod a kas kadagitoy:

• Kasano a kinarit dagiti Israelita ti Apo? (Kitaen iti Hebreo 3:8–11). Ania dagiti bunga ti addaan iti natangken a panagpuspuso?

• Kaanu nga intulokko a pinatangken ti pusok? Addada kadi aniaman a bendision a kayat nga ited ti Dios kaniak a diak maawat gapu iti kinaawan ti pammati?

• Ania ti maaramidko tapno maadda-an iti maysa a nalukneng ken nasneban a puso? (Kitaen met iti Ether 4:15; Dagiti Provevio 3:5–6; Alma 5:14–15).

Kitaen met iti 1 Nephi 2:16; 15:6–11; Jacob 1:7–8; Alma 12:33–36.

Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening

Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:

Hebreo 1:8–9

Kadagiti ania a wagas nga impakita ni Jesus nga ipatpategna ti kinalinteg ket kagurana ti kinadakes? No addaantayo kadagiti saan a nainkalintegan a panagkalikagum, ania ti mabalintayo a mangbalbaliw kadakuada?

Hebreo 2:1–4

Makapanunotka kadi iti maysa nga adalen a banag a makatulong iti pamiliam tapno maawatan no ania ti kayat a sawen ti agtalinaed a natibker a nakatengngel kadagiti kinapudno ti ebanghelio “a nangngegantayo”? Mabalinmo nga iladawan daytoy iti maysa a banag a narigat a tenglen. Kasano a dagiti panagkagumaantayo a mangasikaso iti pammaneknektayo kas mangtiliw ken mangtengngel iti daytoy a banag? Kasano a masiguradotayo “dagiti banag a nangngegantayo” ket saan a “mapukaw”nga umadayo kadatayo? (bersikulo 34).

Hebreo 2:9–10

Ti agsukisok iti ragup dagiti balikas a “kapitan ti pakaisalakananda,” mabalinmo a rugian babaen ti panangilawlawag ti no ania ti maysa a kapitan. Ania ti aramiden ti kapitan? Kasano a mayarig a kasla kapitan ni Jesucristo kadatayo ken ti pannakaisalakantayo?

Hebreo 5:1–5

Dagitoy a bersikulo ket makatulong kenka a maaddaan iti panaglilinnawag maipapan iti no ania ti kayat a sawen nga awagan ti Dios a maaddaan iti priesthood wenno mangipatungpal iti dadduma pay nga awag iti Simbaan babaen ti maysa nga addaan iti turay. Ania ti masursurotayo manipud iti pagwadan ni Jesucristo maipapan kadagiti panangawat ken panagipatungpal kadagiti awag?

Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.

Panangpadur-as iti Bukod a Panagadal

Padasen ti nadumaduma a pamuspusan. Imbes a kanayon a panagadal kadagiti nasantuan a kasuratan iti sigud a wagas, ibilang dagiti sumagmamano a kapanunotan iti panagadal. Para iti sumagmamano a kapanunotan, kitaen iti “Dagiti Kapanunotan a Mangpasayaat iti Bukod a Panagadal” iti rugi ti daytoy a resource.

Sarungkaran ni Cristo ti Baro a Lubong, ni Walter Rane