fāmili ʻoku nau ako e folofolá

Ngaahi Maʻuʻanga Tokoni Lahi Ange

ʻE ala maʻu ʻa e ngaahi maʻuʻanga tokoni ko ʻení ʻi he polokalama Gospel Library mo e ChurchofJesusChrist.org.

Ngaahi Himí mo e Tohi Hiva ʻa e Fānaú

ʻOku fakaafeʻi ʻe he hiva toputapú ʻa e Laumālié, tokoni ke tau ongoʻi e ʻofa ʻa e ʻOtuá, mo akoʻi ʻa e tokāteliné ʻi ha founga fakangalongataʻa. Makehe mei he ngaahi tatau kuo paaki ʻo e Ngaahi Himí mo e Tohi Hiva ʻa e Fānaú, te ke lava ʻo maʻu e hiki tatau ʻo e ngaahi fasi mo e ngaahi vitiō ʻo ha ngaahi himi lahi mo ha ngaahi hiva maʻá e fānaú ʻi he music.ChurchofJesusChrist.org mo e ongo polokalama Sacred Music mo e Gospel Media.

Ngaahi Tohi Lēsoni ʻo e Seminelí mo e ʻInisititiutí

‘Oku ʻomi ʻe he ʻū tohi lēsoni seminelí mo e ʻinisititiutí ha puipuituʻa fakahisitōlia mo e ngaahi fakamatala fakatokāteline ki he ngaahi tefitoʻi moʻoni mo e ngaahi fakamatala ʻi he folofolá.

ʻŪ Makasini ʻa e Siasí

ʻOku ʻomi ʻi he makasini Kaumeʻá, Ki Hono Fakamālohia ʻo e Toʻu Tupú, mo e Liahoná ha ngaahi talanoa mo ha ngaahi ʻekitivitī ʻe ala tokoni ki he ngaahi tefitoʻi moʻoni ʻokú ke akoʻi mei he Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí.

Ngaahi Tefito ʻo e Ongoongoleleí

Te ke lava ʻo maʻu ʻi he Ngaahi Tefito ʻo e Ongoongoleleí (topics.ChurchofJesusChrist.org) ha ngaahi fakamatala tefito fekauʻaki mo ha ngaahi tefito kehekehe ʻo e ongoongoleleí, fakataha mo ha ngaahi fehokotakiʻanga ki ha ngaahi maʻuʻanga tokoni ʻaonga, hangē ko ha ngaahi lea fekauʻaki mei he konifelenisi lahí, ngaahi fakamatala, potufolofola, mo ha ngaahi vitiō. Te ke lava foki ʻo maʻu ʻa e Ngaahi ʻĒsei ki he Ngaahi Tefito ʻo e Ongoongoleleí, ʻa ia ʻoku ʻomi ai ha fakamatala loloto ange fekauʻaki mo e ngaahi meʻa fakatokāteline mo fakahisitōliá, kae pehē ki ha tali ki ha ngaahi fehuʻi kehekehe fekauʻaki mo e Siasí mo hono ngaahi akonakí.

Ngaahi Talanoa ʻo e Fuakava Foʻoú

ʻE ala tokoni ʻa e Ngaahi Talanoa ʻo e Fuakava Foʻoú ki he fānaú ke nau ako ʻa e tokāteline mo e ngaahi talanoa ʻi he Fuakava Foʻoú.  

Ngaahi Vitioó mo e Tā Valivalí

ʻE ala tokoni ʻa e ʻū tā valivalí, vitioó mo e ngaahi mītia kehé ke mahino ki ho fāmilí ʻa e tokāteline mo e ngaahi talanoa ʻi he folofolá. Vakai ki he Gospel Media ʻi he GospelMedia.ChurchofJesusChrist.org ke vakaiʻi e ngaahi maʻuʻanga tokoni fakamītia ʻa e Siasí. ‘Oku toe maʻu atu foki ʻa e Gospel Media ko ha polokalama fakatelefoni toʻotoʻo. Ko e lahi e ngaahi fakatātā ʻoku lava ke ke fakaʻaongaʻí ʻoku maʻu ʻi he Tohi Fakatātā ʻo e Ongoongoleleí.

Ko e Faiako ʻi he Founga ʻa e Fakamoʻuí

ʻE lava ke tokoni atu ʻa eKo e Faiako ʻi he Founga ʻa e Fakamoʻuí ke ke ako mo ngāue ʻaki ʻa e ngaahi tefitoʻi moʻoni ʻo e faiako faka-Kalaisí.