Kōjerbal Itok, Ļoor Eō—N̄an Kajjojo Armej im Baam̧le Ko

Bok in Ekkatak in, ej n̄an Wōn?

Bok in ej n̄an kajjojo armej im baam̧ļe ko ilo Kabun̄ in. Kar kōm̧m̧ane n̄an jipan̄ eok ekkatak gospel eo—men̄e ippam̧ make ak ippān baam̧ļe eo am̧. Eļan̄n̄e kwoj jan̄in kar ekkatak gospel eo raan otemjej m̧oktaļo̧k, bok in emaron̄ jipan̄ eok ijjino. Eļan̄n̄e em̧ōj an wōr kadede am̧ juon iminene em̧m̧an kōn ekkatak gospel eo, bok in emaron̄ jipan̄ eok kōm̧m̧an bwe en ļapļo̧k am̧ meļeļe en̄jake ko am̧.

ļeo im lio pālele rej ekkatak jeje ko rekwojarjar

Ewi Wāween Aō Kōjerbal Bok In Ekkatak In?

Kōjerbal bok in ekkatak in ilo jabdewōt wāween me ejipan̄ eok. Kwomaron̄ loe bwe elukkuun jipan̄ āinwōt juon unin tōl ak jipan̄ n̄an ekkatak jeje ko rekwojarjar ippam̧ make ak ippān baam̧le eo. Kwomaron̄ barāinwōt kōjerbale n̄an nokon in jota. Laajrak ko rej kalikkar pedped in katak ko raorōk rej pād ilo Kallim̧ur Ekāāl, ļōmņak ko n̄an katak kōn itia im m̧akūtkūt ko n̄an kajjojo armej im baam̧le ko, im kōm̧m̧an jikin n̄an je im̧we ko am̧.

Itok, Ļoor Eō—N̄an Kajjojo Armej im Baam̧le ko ejjab meļeļein n̄an pinej tarin ak jiāe ippān men ko jet rem̧m̧an kwoj kōm̧m̧ani n̄an ekkatak gospel eo. Ļoor tōl eo an Jetōb n̄an kālet wāween am̧ kōm̧m̧ane ekkatak eo am̧ make kōn naan an Anij.

Ekōjkan an Bok in Ekkatak in Ekkeijel n̄an Ta eo ej Waļo̧k ilo Kabun̄ in?

Laajrak ko ilo bok in ekkatak in rej ellaajrak ekkar n̄an juon jikejuuļ in riit wiik otemjej. Bok eo Itok, Ļoor Eō kein jipan̄ n̄an Būraimere, n̄an Jabōt jikuuļ, im n̄an kūlaaj ko an Doulul eo an Priesthood eo an Aron im Doulul eo an Jiron̄ Ro n̄an ļoore ejja jikejuuļ eo wōt. N̄an rejtake kijejeto ko am̧ n̄an ekkatak im mour kōn gospel eo ilo m̧weo, rūkaki ro am̧ ilo m̧ōn jar eo renaaj lewaj n̄an eok iien ko rem̧m̧an n̄an kwaļo̧k en̄jake ko am̧, ļōmņak ko, im kajjitōk ko kōn eoon ko an jeje ko rekwojarjar me em̧ōj am̧ kar ekkatak kaki ilo m̧weo.

Kōnke Jabōt Jikuuļ ej kōm̧m̧an wōt ruo wōt alen ilo juon allōn̄, rūkaki ro an Jabōt Jikuuļ remaron̄ kālet n̄an etal wōt jene ak kobaik laajrak ko ekkeijeļ wōt ippān jikejuuļ eo an wiik otemjej. Menin emaron̄ barāinwōt menin aikuj (n̄an jim̧or Jabōt Jikuuļ im Būraimere) ilo wiik ko n̄e iien kweilo̧k ko an Kabun̄ in rejjab kōm̧m̧an kōn wōt kweilo̧k eo eļap an stake ak un ko jet. Ilo wiik kein kom̧ij ruwainene n̄an wōnm̧aanļo̧k wōt n̄an ekkatak Kallim̧ur Ekāāl ilo m̧weo.

Ij ke Aikuj in Ļoor Jikejuuļ eo?

Jikejuuļ eo enaaj jipan̄ eok riiti aolepen Kallim̧ur Ekāāl n̄an jem̧ļo̧k in iiō eo. N̄an kakobaba, ļoor ejja jikejuuļ eo wōt āinwōt an ro jet maron̄ tōl n̄an en̄jake ko eļap meļeļeier ilo m̧weo, m̧ōn jar eo, im ijoko jabdewōt. Ak jab en̄jake ke kwolokjak kōn jikejuuļ ak bōk am̧ anemkwoj n̄an riiti kajjojo eoon; jikejuuļ ej juon wāween tōl n̄an jipan̄ eok iuun eok m̧aanļo̧k. Men eo eaorōk ej bwe kwoj ekkatak gospel eo ippam̧ make im barāinwōt āinwōt juon baam̧le.