Te tahi atu ā mātēria

E nehenehe te rahira’a o teie mau mātēria e ’itehia i roto i te fa’anahora’a roro uira nō te Vaira’a buka ’evanelia i ni’a i te ChurchofJesusChrist.org.

Te mau hīmene ’e te Buka hīmene nā te mau tamari’i [Chant pour les enfants]

E tītau manihini te pehe mo’a i te Vārua ’e e ha’api’i te reira i te ha’api’ira’a tumu nā roto i te hō’ē rāve’a e ’ore roa e mo’ehia. Ta’a ’ē noa atu te fa’a’ohipara’a i te mau nene’ira’a o Te mau hīmene ’e o te te Buka hīmene nā te mau tamari’i [Chant pour les enfants] e nehenehe ’outou e ’ite mai i te mau haruharura’a fa’aro’o ’e te video nō te mau hīmene purera’a e rave rahi ’e nō te mau hīmene nā te mau tamari’i i ni’a i te music.ChurchofJesusChrist.org ’e i roto i te mau fa’anahora’a ’āfa’ifa’i Gospel Media.

Mau buka nō te Séminaire ’e te Institut

E hōro’a te mau buka nō te Séminaire ’e te Institut i te mau tuatāpapara’a ’ā’amu ’e te mau mana’o tauturu nō te mau parau tumu ’e te mau ’ā’amu e ’itehia i roto i te mau pāpa’ira’a mo’a.

Mau ve’a a te ’Ēkālesia

Tē vai ra i roto i te Hoa, te Nō te Pūai o te Feiā ’Āpī, ’e te Liahona te mau ’ā’amu ’e te mau ’ohipa ri’i ’o tē nehenehe e fa’ananea atu ā i te mau parau tumu tā ’outou e ha’api’i ra mai roto atu i te Mai, pe’e mai—nō te ta’ata hō’ē ’e te ’utuāfare.

Gospel Topics [Te mau tumu parau o te ’evanelia]

I roto i te Te mau tumu parau o te ’evanelia (topics.ChurchofJesusChrist.org) e ’itehia ia ’oe te mau ha’amāramaramara’a tumu nō ni’a i te mau tumu parau rau o te ’evanelia, ’e tae noa atu te mau hono nō te mau mātēria maita’i, mai te mau a’ora’a o te ’āmuira’a rahi e au i te hō’ē tumu parau, te mau parau pāpa’i, te mau pāpa’ira’a mo’a, ’e te mau video. E nehenehe ato’a e ’itehia ia ’outou te Gospel Topics Essays [Mau vauvaura’a nō ni’a i te ’evanelia], ’o tē hōro’a i te mau pāhonora’a hōhonu i te mau uira’a nō ni’a i te ha’api’ira’a tumu ’e te ’ā’amu o te ’Ēkālesia.

Te mau ’ā’amu o te Faufa’a Tahito

E nehenehe Te mau ’ā’amu o te Faufa’a Tahito e tauturu i te mau tamari’i ’ia ha’api’i mai i te ha’api’ira’a tumu ’e i te mau ’ā’amu e ’itehia i roto i te Faufa’a Tahito. E nehenehe ato’a e ’itehia ia ’outou te mau video nō teie mau ’ā’amu i roto i te fa’anahora’a roro uira nō te Vaira’a buka ’evanelia, ’e i ni’a i te MediaLibrary.ChurchofJesusChrist.org.

Buka pēni nō te mau ’ā’amu o te mau pāpa’ira’a mo’a : Faufa’a Tahito

Tē vai ra i roto i teie buka te mau ’api ’ohipara’a ’ārearea tei fa’ata’ahia nō te ha’amaita’i i te ’apora’a te mau tamari’i i te ha’api’ira’a i roto i te Faufa’a Tahito.

Mau video ’e te mau hōho’a

E nehenehe te mau hōho’a, te mau video ’e te tahi atu mau rāve’a ha’apararera’a e tauturu ia ’outou ’e tō ’outou ’utuāfare ’ia hāro’aro’a i te ha’api’ira’a tumu ’e ’ia hi’o i te mau ’ā’amu e tū’ati i te mau pāpa’ira’a mo’a. ’A haere i ni’a i te Gospel Media i ni’a ia ChurchofJesusChrist.org nō te hi’o i te ha’aputura’a mātēria rāve’a ha’apararera’a a te ’Ēkālesia. Tē vai ato’a nei te Gospel Media nō te mau fa’anahora’a ’āfa’ifa’i. E rave rahi hōho’a tā ’outou e nehenehe e fa’a’ohipa ’o tē ’itehia i roto i te Buka hōho’a nō te ’evanelia.

Ha’api’ira’a mai tā te Fa’aora

E tauturu te Ha’api’ira’a mai tā te Fa’aora ia ’outou ’ia ’apo mai ’e ’ia fa’a’ohipa i te mau parau tumu nō te ha’api’i mai tā te Fa’aora te huru.