“Ogas 28–Septemba 3. 1 Korin 8–13: ‘Yupela Em dispela Bodi bilong Krais,’” Kam, Bihainim Mi—Bilong ol Wanwan Manmeri na ol Famili (Isipela): Niupela Testamen 2023 (2022)
“Ogas 28–Septemba 3. 1 Korin 8–13,” Kam, Bihainim Mi—Bilong ol Wanwan Manmeri na ol Famili (Isipela): 2023
Ogas 28–Septemba 3
1 Korin 8–13
“Yupela Em dispela Bodi bilong Krais”
God i givim yumi ol wei long aburusim temtesen.
Insait long 1 Korin 10:1–13, Pol i raitim long ol lain pipol long taim bilong Moses. Ol i bin pait wantaim temtesen maski ol i lukim planti mirakel (lukim Exodus 13:21 and Exodus 14:13–31). Ridim 1 Korin 10:1–13. Wanem samting tru yu lainim long ol Isralait? Wanem ol wei bilong “aburusim” temtesen Papa long Heven i givim yu?
Sakramen i bungim yumi olsem ol memba bilong Sios bilong Krais.
Ridim wanem samting Pol i lainim long sakramen insait long ol dispela ves. Tingting long olsem wanem na sakramen i ken halivim “planti” pipol long kamap “wan” wantaim Krais (1 Korin 10:17). Olsem wanem na kisim sakramen i ken halivim yu long pilim olsem yu stap klostu long Krais na long ol lain husat i bilip long Em? Yu pilim olsem wanem long sakramen bihain long yu ridim ol dispela ves?
Ol presen bilong spirit i save blesim olgeta pikinini bilong Papa long Heven.
Insait long 1 Korin 12:1–11, Pol i rait long ol presen bilong spirit. Yu save lukim ol dispela kain presen long yu yet, insait long ol narapela, o insait long ol pipol insait long ol skripsa? Olsem wanem na ol presen bilong yu long spirit i save blesim ol narapela? Tingting long olsem wanem na yu ken painim “tru ol gutpela presen” (1 Korin 12:31).
“Yupela em dispela bodi bilong Krais.”
Pol i tok olsem ol Sios memba i olsem ol lek han bilong bodi. Wanem samting ol toktok bilong Pol i tisim yu long olsem wanem yumi mas mekim long wanpela narapela?
“Siariti i no save feil.”
Ritim wanem samting Pol i ritim long siariti insait long 1 Korin 13:4–8. Wanem ol hap tok insait long ol dispela ves i mekim yu tingim Seivia? Wanem samting bai yu mekim long kamap moa olsem Em?
Singsing: “Love Is Spoken Here,” Children’s Songbook, 190–91.
“Dispela bret yumi brukim, em i kam bung wantaim dispela bodi bilong Krais? Bilong wanem yumi planti i olsem wanpela bret, na wanpela bodi” (1 Korin 10:16–17).