“Septemba 4–10. 1 Korin 14–16: ‘God I No dispela Man bilong mekim Faul tintin, tasol bilong Bel Isi,’” Kam, Bihainim Mi—Bilong Wanwan Manmeri na ol Famili (Isipela ): Niupela Testamen 2023 (2022)

“Septemba 4–10. 1 Korin 14–16,” Kam, Bihainim Mi—Bilong ol Wanwan Manmeri na ol Famili (Isipela): 2023

Septemba 4–10

1 Korin 14–16

“God I No dispela Man bilong Mekim Faul Tingting, tasol bilong Bel Isi”

1 Korin 14:3, 31–33, 39–40

Mi ken painim dispela presen bilong profesi.

Wanem em presen bilong profesi? Em dispela pawa bilong lukluk i go long bihain taim?. Em i bilong ol profet tasol? O yumi olgeta ken kisim dispela presen? Tingting long ol dispela askim taim yu stadi 1 Korin 14:3, 31–33, 39–40.

1 Korin 15:1–34, 53–58

Jisas Krais i winim dai.

Sampela ol Seint insait long Korin i tingting olsem bai i “no gat kirap bek bilong dai” (1 Korin 15:12). Ritim wanem samting Pol i raitim i go long ol insait long 1 Korin 15. Olsem wanem na laip bilong yu bai senis sapos yu no bilip long Kirap bek bilong Sevia? Wanem samting ol dispela toktok i min long yu: “Sapos Krais i no kirap, feit bilong yu bai nogat tasol”? (ves 17).

1 Korin 15:29

Yumi ken mekim baptism bilong ol tumbuna bilong yumi.

Yumi lainim insait long 1 Korin 15:29 olsem ol Kristen insait long taim bilong Pol i bin mekim baptisim bilong ol dai lain. Olsem wanem bai yu tok klia long narapela bilong wanem na yumi save mekim baptisim bilong ol lain i dai pinis? (lukim “Wanem Em ol Baptisim bilong ol Dai Lain?” [video], ChurchofJesusChrist.org).

1:22

1 Korin 15:35–54

Ol bodi bilong ol lain i Kirap bek i no olsem ol lain i stap laip long hia.

Sampela ol Korin i tingting planti long bodi bilong ol lain i Kirap bek i luk olsem wanem. Ritim wanem Pol i tisim insait long 1 Korin 15:35–54. Em i tokwanem bodi bilong lain husait i stap laip na bodi bilong ol lain i Kirap bek i no wankain?

Tingting long ol samting o piksa we i ken halivim ol famili bilong yu long kisim klia tingting na save long tising bilong Pol insait long ol dispela ves. Olsem eksampel, yu ken yusim metol we i ros pinis na metol i no save ros (kain olsem stil ain) long soim narakain namel long dispela i save bagarap na ino save bagarap (lukim ol ves 52–54).

sunkamap — “I gat wanpela glori bilong san” (1 Korin 15:41).

Singsing: “Em i Kirap!,” Hymns, no. 199.

Krais i kamap long Mary long tum gaden — Bilong Wanem yu Krai?, © Simon Dewey 2021. Yusim wantaim pemisen i kam long Altus Fine Art/www.altusfineart.com