Septemba 18–24

2 Corinthians 8–13

“God i Laikim tumas husat I save Givim wantaim Hamamas”

2 Korin 8:1–15; 9:5–15

Mi ken hamamas na serim wanem samting mi gat wantaim ol narapela.

Insait long 2 Korin 8:1–15 na 2 Korin 9:5–15, Pol i tisim long lukautim ol tarangu lain. Wanem samting i mekim bel bilong yu kirap long toktok bilong Pol? Beten long save olsem wanem bai yu halivim wanpela husait gat nid.

Yu save long wanpela husat i save “givim wantaim hamamas”? (2 Korin 9:7). Olsem wanem bai yu sev wantaim hamamas?

Sapos yu gat ol yangpela pikinini, yu ken halivim ol mekim ol medol i tok “Mi wanpela husat i save givim wantaim hamamas.” Yu ken givim ol dispela medal long ol pikinini bilong yu taim yu lukim ol i sevim wanpela narapela wantaim hamamas.

2 Korin 11:1–6, 13–15; 13:5–9

“Skelim yupela yet, sapos yupela i stap insait long bilip o nogat.”

Pol i tok, “Skelim yupela yet, sapos yupela i stap insait long bilip o nogat” (2 Korin 13:5). Em minim wanem long “stap insait long bilip”? Lukluk na painim ol taim yu ken skelim bilip bilong yu. Taim yu mekim olsem, tingting long dispela hap tok “dispela isi pasin i stap insait long Krais” (2 Korin 11:3). Olsem wanem na yu painim isi pasin insait long Krais na gospel bilong Em?

2 Korin 12:5–10

Marimari bilong Seivia i ken halivim mi painim strong insait long ol wiknes bilong mi.

Pol i raitim olsem em i bin gat wanpela “nil insait long skin” (o wanpela trabel) olsem em i laik bai God i rausim dispela long laip bilong em. I gat taim yu bin pilim olsem? Tingting long ol “nil” taim yu ritim 2 Korin 12:5–10. Wanem samting yu lainim long Jisas Krais insait long ol dispela ves? Wanem samting yu lainim long ol traim na hevi?

Singsing: “‘Give,’ Said the Little Stream,” Children’s Songbook, 236.

“Olgeta man i mas tingting gut pastaim insait long bel bilong em larim em,givim ino wantaim bel hevi,o ting olsem em mas givim: God i save laikim man i hamamas long givim” (2 Korin 9:7).