“Maaj 2–8. 2 Nipai 31–33: ‘En̄in Ej Iaļ Eo,’” Itok, Ļoor Eō—N̄an Būraimere: Bok in Mormon 2020 (2020)
“Maaj 2–8. 2 Nipai 31–33,” Itok, Ļoor Eō—N̄an Būraimere: 2020
Jisōs ej Katakin Rikaļoor ro An, jān Justin Kunz
Maaj 2–8
2 Nipai 31–33
“En̄in Ej Iaļ Eo”
Jino kōppopo eo am̧ n̄an riiti 2 Nipai 31–33. Pukot tōl an Jetōb kōn ta eo n̄an katakin ajri ro. Unin tōl in emaron̄ lewaj n̄an eok ļōmņak ko.
Je En̄jake ko Rej Im̧we Eok
Kajjitōk bwe ren Kwaļo̧k
Kōnke Nipai eaar kwaļo̧k kōn peptaij eo an Kraist, kajjitōk ippān ajri ro n̄an kwaļo̧k jet men raar ekkatak kōn peptaij. Remaron̄ bar kwaļo̧k kōn ļōmņak im en̄jake ko aer make kōn peptaij eo aer make ak peptaij eo an ro m̧ōttaer ak ro uwaan baam̧le eo.
Katakin Katak eo: Ajri ro Reddikļo̧k
Jisōs Kraist eaar kwaļo̧k kilen aō jepļaak ļo̧k n̄an Jemedwōj Ilan̄.
Nipai eaar kwaļo̧k n̄an ļoor waanjon̄ok im katak ko an Rilo̧mo̧o̧r ej iaļ eo n̄an “bōk lo̧mo̧o̧r ilo aelōn̄ in kiin̄ eo an Anij” (2 Nipai 31:21).
M̧akūtkūt ko Maron̄ Kōm̧m̧ani
-
Kwaļo̧k pija eo ilo unin tōl eo an wiik in ilo Itok, Ļoor—N̄an Kajjojo Armej im Baam̧le ko ilo am̧ kōmeļeļeik bwebwenato in peptaij eo an Jisōs (lale 2 Nipai 31:4–13). Kōmeļeļeik bwe peptaij ej juon bun̄tōn n̄an ioon iaļ eo n̄an ro̧o̧l im mour ippān Jemedwōj Ilan̄. Kajjitōk ippān juon eo ej kab m̧ōj an peptaij n̄an kwaļo̧k n̄an ajri ro elmen an en̄jake kōn peptaij.
-
Kōmeļeļeik bwe Jisōs Kraist eaar katakin kōj ta eo jej aikuj in kōm̧m̧ane n̄an ro̧o̧l ļo̧k n̄an Ippān ālkin ad mej. Jin̄aik juon iaļ ioon boot eo, im likūt juon pija in Kraist ilo jem̧ļo̧kin. Leļo̧k n̄an ajri ro pija ko me rej pinej jenkwan katak ko an Kraist (tōmak ilo Kraist, ukweļo̧k, peptaij, im menin letok eo an Jetōb Kwojarjar, im niknik n̄an jem̧ļo̧kin). Jipan̄ er likūti pija ko ilo iaļ eo.
-
Jipan̄ ajri ro ekkatak laajrak in tōmak ko. Al ippān doon juon al kōn juon iaan pedped in katak ko an gospel in, āinwōt “Tōmak,” “When I Am Baptized,” ak “Choose the Right Way” (Children’s Songbook, 96–97, 103, 160–61).
Elmen aō kwojkwoj ioon naan ko an Kraist.
Elmen an en̄jake ko am̧ kōn “kwoj[kwoj] ioon naan ko an Kraist”2 Nipai 32:3) jipan̄ ajri ro meļeļe naan in?
M̧akūtkūt ko Maron̄ Kōm̧m̧ani
-
Kajjitōk ippān ajri ro n̄an kwaļo̧k etan jet iaan m̧ōn̄ā ko enno ippāer, im kūr er n̄an kwaļo̧k kilen aer kwojkwoj ioer. Riiti 2 Nipai 32:3, im kajjitōk ippān ajri ro n̄an ron̄jake ta eo Nipai ej ba jen kwojkwoj ioon. Ta meļeļein kwojkwoj ioon jeje ko rekwojarjar? Kōmeļeļeiki bwe jeje ko rekwojarjar ren pād juon wōt jikin ijo jemaron̄ lo naan ko an Kraist.
-
Je naan kein Anij im Irooj ioon boot eo. Kajjitōk ippān ajri ro n̄an kōppeļo̧k jeje ko aer rekwojarjar im pukot naan kein. Jipan̄ er eļan̄n̄e emenin aikuj. Kam̧ool bwe ilo riiti jeje ko rekwojarjar, jemaron̄ jeļā kōn Anij.
Jemedwōj Ilan̄ ekōņaan bwe in jar aolep iien.
Eoon kein remaron̄ im̧we ajri ro kōm̧m̧an bwe jar en m̧ōttan mour ko.
M̧akūtkūt ko Maron̄ Kōm̧m̧ani
-
Kajjitōk ippān ajri ro n̄āāt rej jar. Rej ke jar ilo jibbon̄? ilo bon̄? m̧okta jān m̧ōn̄ā? Jipan̄ ajri ro ļōmņak kōn m̧akūkūt ko n̄an kwaļo̧k n̄āāt jej maron̄ jar, āinwōt ilo ad jerkak, kiki, im m̧ōn̄ā—ak iien ko jet. Riit n̄an er ļain eo kajuon ak karuo jān 2 Nipai 32:9, im kwaļo̧k naan in “jar iiem otemjej.”
-
Kajjitōk ippān ajri ro elmen aer jar. Ta eo rej kōm̧m̧ane kōn bōraer, peier, im ko jet? Ta men ko rej ba? Kajjitōk ippāer n̄an anto̧o̧ne ke kwojaje kilen jar, im kōtļo̧k bwe ren katakin eok. Etke Jemedwōj Ilan̄ ekōņaan bwe jen jar?
Jemaron̄ kōnono n̄an Anij ilo jar.
Katakin Katak: Ajri ro Rōtūttoļo̧k
Jisōs Kraist eaar kwaļo̧k kilen aō jepļaak ļo̧k n̄an Jemedwōj Ilan̄.
Jemaron̄ jepļaakļo̧k n̄an Anij ālkin mour in ilo ļoor katak ko an Jisōs Kraist tōmak ilo Kraist, ukweļo̧k, peptaij, im menin letok eo an Jetōb Kwojarjar, im niknik n̄an jem̧ļo̧kin.
M̧akūtkūt ko Maron̄ Kōm̧m̧ani
-
Kwaļo̧k juon pije ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko, im kajjitōk ippān ajri ro n̄an kwaļo̧k ta eo rejeļā kōn peptaij eo an Jisōs (lale Matu 3:13–17). Likūt elaajrak in naan kein ilo boot eo: Jisōs eaar kam̧ool n̄an Jemen bwe Enaaj pokake E. Kajjitōk ippān ajri ro bwe ren riiti 2 Nipai 31:7 āinwōt juon kūlaaj im likūt naan ko ilo jim̧weier.
-
Kajjitōk ippān ajri ro ta eo rej ba n̄an juon eo ej pojak in peptaij, im jipan̄ er likūt aer naan in kapilōk ilo juon kaat eo remaron̄ leļo̧k n̄an ro jet. Elmen ad maron̄ ļoor waanjon̄ok eo an Jisōs ālkin ad peptaij?
-
Kōmeļeļeik bwe katak eo an Kraist ekoba men ko Jisōs Kraist eaar kwaļo̧k bwe jen aikuji n̄an jepļaakļo̧k n̄an Jemedwōj Ilan̄. Je ioon peba ko jet tōmak ilo Kraist, ukweļo̧k, peptaij, menin letok eo an Jetōb Kwojarjar, im niknik n̄an jem̧ļo̧kin, im kōjeplōklōki ilo ruum̧ eo. Riit n̄an ajri ro 2 Nipai 31:11–19, im kajjitōk ippān ajri ro n̄an bōk kūņaer keto-ketak ioon peba ko ilo aer ron̄ naan kein. Jipan̄ er ļōmņak kōn juon en̄jake raar ioone kōn naan kein.
Elmen aō kwojkwoj ioon naan ko an Kraist.
Etke ajri ro raikuj in meļeļe aorōk eo n̄an kwojkwoj ioon naan ko an Kraist?
M̧akūtkūt ko Maron̄ Kōm̧m̧ani
-
Kajjitōk ippān ajri ro n̄an anto̧o̧ne juon kejota. Ta m̧ōn̄ā ko rekōņaan bwe en pād? Ta eo renaaj kar kan̄n̄e jinoin? Innām kajjitōk ippāer n̄an anto̧o̧ne ta kwojkwoj eo ilo jeje ko rekwojarjar emaron̄ meļeļein ilo am̧ riiti 2 Nipai 32:3. Etke Nipai ej kōjerbal naan in kwojkwoj n̄an katakin kōj kile ad maron̄ ekkattak naan in Anij? Etke eaar jab ba riit? Ta meļeļein kwojkwoj ioon jeje ko rekwojarjar? Kwaļo̧k n̄an ajri ro kōn kōjeraam̧m̧an ko kwoj būki ilo am̧ kwojkwok ioon jeje ko rekwojarjar.
-
Kadedeļo̧k peij in m̧akūtkūt in ippān ajri ro, im kajjitōk ippāer n̄an kōm̧m̧ane juon kōttōbar n̄an kōm̧m̧ane juon men n̄an kwojkwoj ioon jeje ko rekwojarjar wiik in.
Jemedwōj Ilan̄ ekōņaan bwe in jar aolep iien.
Setan ej kapo kōj bwe jen jab jar. Ļōmņak elmen am̧ maron̄ jipan̄ ajri ro jum̧ae kapo in n̄an “jar aolep iien” (2 Nipai 32:9).
M̧akūtkūt ko Maron̄ Kōm̧m̧ani
-
Kālete juon naan kōn jar jān 2 Nipai 32:8–9, je ioon boot eo, im pinej kajjojo naan kōn jidik peba. Kajjitōk ippān ajri n̄an bōk kūņaer kōm̧akūt peba eo juon ilo̧k juon m̧ae iien rekajidede ta naan eo.
-
Riiti 2 Nipai 32:8–9 ippān doon, im kajjitōk ippān ajri ro n̄an kwaļo̧k ta eo raar ekkatak kōn jar jān eoon kein. Ta meļeļein “jar iien otemjej”? (eoon 9). Elmen ad kōm̧m̧ane menin?
-
Ta eo ekōm̧m̧an bwe juon en jab kōņaan jar? Kwaļo̧k juon en̄jake n̄e kwoj jar men̄e kwojjab kōņaan. Ewi wāween en̄jake ko ami? Kajjitōk ippān juon ajri bwe en riiti io̧ļapen 2 Nipai 32:8, im leļo̧k n̄an ajri ro iien n̄an kōļmenļo̧kjeņ kake. Etke Setan ejjab kōņaan bwe jen jar? Elmen ad kakeememej kōj make n̄an jar men̄e jejjab kōņaan?
Kōketak n̄an Ekkatak ilo Mweo
Rōjan̄ ajri ro n̄an pukot juon—m̧ōttaer, jatieer ak jeieer, ak ro jet ilo baam̧le—me remaron̄ katakin er kilen jar.
Kōkōm̧anm̧an Ad Katakin
Ajri ro reniknik. Kajjitōk ippān ajri ro n̄an mour kake bwebwenato in jeje ko rekwojarjar im al ko. Kōjerbal piktokin aer niknik n̄an kōļapļo̧k aer ekkatak. (Lale Teaching in the Savior’s Way, 25–26.)