Kraist Ej Katakin Rikaļoor Ro An, jān Justin Kunz

M̧aaj 2–8

2 Nipai 31–33

“Iaļ eo In”

Laajrak in ej elmakote pedped ko komaron̄ loi eļap meļeļeier ilo 2 Nipai 31–33. Bōtaab men ko raorōktata kwonaaj katak ilo ekkatak eo am̧ naaj itok jān unoojdikdik ko an Jetōb. Kappukot tōl in, im je im̧we ko me rej itok.

Je En̄jake ko Rej Im̧we Eok

Ilubwilijin naan ko kar ļo̧o̧ki āliktata an Nipai, jej lo kean̄ in: “Irooj eaar jiron̄ eō, im ij aikuj pokake” (2 Nipai 33:15). Menin āinwōt ej juon kōkadudu ejejjet in mour eo an Nipai. Eaar kappukot ankilaan Irooj im kōn peran kajjieon̄ pokake—Men̄e bwe meļeļe in likūt mour eo an ilo kauwōtata n̄an bōk būrāāj piliej ko jān Laban, jōk juon wa n̄an kijoon lo̧jet eo, ak tiljek katakin katak eo an Kraist kōn alikkar im kajoor. Nipai emaron̄ kar kōnono ilo kareel kōn aikuj eo n̄an “bun̄ m̧aanļo̧k kōn dim ilo Kraist,” kōn ļoor “iaļ in erānin̄ im eaidik eo ej tōlļo̧k n̄an mour indeeo” (2 Nipai 31:20, 18), kōnke ej iaļ eo eaar ļoore. Eaar jeļā jān en̄jake bwe iaļ eo in, men̄e ear pen ilo jet iien ko, ej barāinwōt kōlan̄lōn̄, im bwe “ejjeļo̧k bar juon iaļ ak āt letok ium̧win lan̄ bwe armej ren maron̄ mour ilo aelōn̄ in Anij” (2 Nipai 31:21).

Ļōmņak ko n̄an Ekkatak Jejej ko Rekwojarjar Ippam Make

2 Nipai 31–32

Jisōs Kraist im katak eo An rej iaļ ko de eo n̄an mour indeeo.

Eļan̄n̄e kwoj aikuj in ba ilo tukadu in iaļ eo n̄an mour indeeo ilo jet wōt naan ko, ta eo kwonaaj kar ba? Nipai, kōn piktokin ealikkar im ļamwaan, kar kōm̧m̧ane ilo wāween in: tōmak ilo Kraist, ukweļo̧k, peptaij, bōk menin letok eo an Jetōb Kwojarjar, im niknik n̄an jem̧ļo̧k in. Ālkin am̧ ekkatak katak ko an Nipai ilo 2 Nipai 31–32, ļōmņak kōn ekōjkan am̧ naaj kar kōmeļeļeik er n̄an juon armej ilo naan ko am̧ make. Ļōmņak kōn ekōjkan mour kōn katak kein kar kōjeraam̧m̧an eok. Komaron̄ ļōmņak kōn katak ko an Nipai ilo 2 Nipai 31:18–20 ilo im ļōn̄aj kijejeto ko am̧ make n̄an “bun̄ m̧aanļo̧k” ilo iaļ eo an gospel eo.

Lale barāinwōt 3 Nipai 11:32–39; 27:13–22; D. Todd Christofferson, “The Doctrine of Christ,” Ensign ak Kweilo̧k eo eļap, Māe 2012, 86–90; Brian K. Ashton, “Katak ko an Kraist,” Ensign ak Kweilo̧k eo eļap, Okt. 2016, 106–9.

Ļoor katak ko an Jisōs Kraist ej tōlļo̧k kōj n̄an mour indeeo.

2 Nipai 31:4–13

Jisōs Kraist eaar kōm̧m̧ane juon waanjon̄ak eweppān an pokake ke Eaar peptaij.

Men̄e peptaij eo am̧ eaar kōm̧m̧an inne ak 80 iiō ko remootļo̧k, eaar juon iien eaorōk—kwar deļo̧n̄e juon bujen toon wōt am̧ mour n̄an ļoor Jisōs Kraist. Ļōmņak kōn peptaij eo am̧ ke kwoj riit kōn peptaij eo an Rilo̧mo̧o̧r eo ilo 2 Nipai 31:4–13. Etke Rilo̧mo̧o̧r eo eaar peptaij? Ekōjkan an un ko Eaar peptaij āinļo̧k wōt n̄an un ko kwar peptaij? Ta eo kwoj kōm̧m̧ane rainin n̄an wōnm̧aanļo̧k wōt n̄an ļoor waanjon̄ak eo an Rilo̧mo̧o̧r kōn pokake?

Kain̄i eo an kwojkwoj ej juon iien em̧m̧an wiik otemjej n̄an kwe n̄an bar kallim̧ur n̄an ļoor Jisōs Kraist. Iien eo tok juon kwoj bōk m̧ōttan kwojkwoj eo, ļōmņak in riiti 2 Nipai 31:13 im kejōkļo̧kkjeņ kōn kijejeto eo am̧ n̄an “ļoor Nejin, kōn aolepān m̧wilaļ in buruō” im am̧ m̧ōņōņō “bok ioomi etan Kraist.”

2 Nipai 31:17–20; 32

Jetōb Kwojarjar eo enaaj kwaļo̧k n̄an eō ta eo ij aikuj kōm̧m̧ane.

Eļan̄n̄e peptaij im kapen rej “kōjām eo [jej] aikuj deļo̧n̄ ie” eaidin̄ im aidik (2 Nipai 31:17), aidik ta eo jej kōm̧m̧ane n̄e jej pād ioon iaļ eo? Ej ta eo armej ro doon Nipai raar kejōkļo̧kjeņ kake (lale 2 Nipai 32:1). Ta uwaak ko Nipai eaar litok? 2 Nipai 31:19–20 im jebta 32? Ta uwaak ko kwoj loi kōn kwe make?

Lale barāinwōt David A. Bednar, “Receive the Holy Ghost,” Ensign ak Liahona, Nob. 2010, 94–97; “Holy Ghost,” Gospel Topics, topics.ChurchofJesusChrist.org.

2 Nipai 33

Bok in Mormon ej kareel aolep n̄an tōmak ilo Kraist.

Ilo 2 Nipai 33, āinwōt an Nipai kar kōjem̧ļo̧k jeje ko an, eaar kōmeļeļeik un ko etke eaar jeje ilo jino in tata. Ta un ko kwoj loi ilo jebta in? Ļōmņak kōn ta eo kwaar riiti n̄an kiiō ilo 1 Nipai im 2 Nipai im kakeememej ko komaron̄ in kar būki. Ekōjkan an kar bwebwenato ko im katak ko kadedeļo̧k jibadbad ko an Nipai n̄an eok? N̄an waanjon̄ak, ekōjkan aer kar kareel eok n̄an “tōmak ilo [Kraist], im n̄an niknik n̄an jem̧ļo̧kin”? (eoon 4). Ļōmņak in ļooke en̄jake ko ak kwaļo̧ki ippān juon uwaan baam̧ļe eo ak m̧ōttam.

Ļōmņak ko n̄an Ekkatak Jeje ko Rekwojarjar eo an Baam̧ļe im Nokon in Jota eo an Baam̧ļe

Ilo am̧ riiti jeje ko rekwojarjar ippān baam̧ļe eo am̧, Jetōb eo emaron̄ jipan̄ eok jeļā ta pedped ko n̄an kalikkar im ekōnono n̄an maron̄ tōpar aikuj ko an baam̧le eo am̧. Ijin rej jet ļōm̧ņak ko.

2 Nipai 31:5–13

Ewōr ke ro uwaan baam̧le eo rej kōppopo n̄an peptaij, ak ewōr en ke ej kab m̧ōj an peptaij? Bōlen remaron̄ kwaļo̧k etke raar jokālet n̄an kar peptaij. Ekkar n̄an katak ko an Nipai, ta jet un ko jej aikuj in kar peptaij? Ta jet iaan kōjeraam̧m̧an ko jej būki n̄e jej peptiaj?

2 Nipai 31:17–21

Ekōjkan am̧ maron̄ jipan̄ baam̧le eo am̧ meļeļe kōn waanjon̄ak eo an Nipai kōn “iaļ eo erānin̄ im eaidik”? (2 Nipai 31:18). N̄an waanjon̄ak, komaron̄ jerbal ippān doon n̄an pijaik juon pija in iaļ eo me Nipai eaar kōmeļeļeik ilo 2 Nipai 31:17–21, kōkaļļeiki kōn men ko jej aikuj kōm̧m̧ani n̄an deļo̧n̄ ilo iaļ eo im wōnm̧aanļo̧k wōt ioon. Ekōjkan an Rilo̧mo̧o̧r kar jipan̄ kōj wōnm̧aanļo̧k ilo iaļ eo?

2 Nipai 31:20

Eļan̄n̄e kwoj kōņaan jipan̄ baam̧ļe eo am̧ em̧m̧anļo̧k aer meļeļe ekōjkan ad niknik n̄an jem̧ļo̧k in, peij 6 in Preach My Gospel ewōr juon meļeļe ej jipan̄ ie; barāinwōt ennaan eo an Elder Dale G. Renlund“Armej ro Rekwojarjar ilo Raan-ko Āliktata rej Kajjieon̄ Wōt” (Ensign ak Kweilo̧k eo Eļap, Eprōļ 2015, 56–58).

2 Nipai 32:8–9

N̄an jipan̄ ro uwaan baam̧le eo meļeļe bwe jemaron̄ “jar iien otemjej,” komaron̄ kōm̧m̧ane juon laajrak kōn jekjek ko me jemaron̄ jar kaki (ak pijaik pija ko n̄an bōk jikier). Innām baam̧le eo am̧ emaron̄ al juon al me ej katakin kōn jar, āinwōt ““ N̄e Kwoj Ruj Tok Jen Ion Kinem?” (Al, nō. 33), bōk jikin jet iaan naan ko ilo al eo kōn naan ko jān laajrak ko aer. Ekōjkan an Irooj kōjeraam̧m̧an kōj n̄e jej jar iien otemjej?

2 Nipai 33:1–2

Ta eo emaron̄ tōl armej ro n̄an “kapene būrueer ņae Jetōb Kwōjarjar”? Ekōjkan ad maron̄ kanooj lale Jetōb Kwojarjar bwe en wōr “jikin ilo [kōj]”?

N̄an eļapļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Kōkōm̧anm̧anļo̧k Ad Katakin

Anōk Rilo̧mo̧o̧r eo. Ej jipan̄ n̄an ekkatak ekōjkan an Rilo̧mo̧o̧r eo kar katakin—ļamļam ko Eaar kōjerbali im men ko Eaar ba. Bōtaab kajoor eo an Jisōs n̄an katakin im ļōn̄aj ro jet āliktata eaar itok jān wōn kar E im ekōjkan An kar mour. An ļapļo̧k tiljek in am̧ kajjieon̄ n̄an mour āinwōt Jisōs Kraist im pedped ioon kajoor in pinmuur eo An, an ļapļo̧k am̧ make naaj katakin ilo wāween eo An.

N̄an Kakūrm̧ool Aolep Jim̧we, jān Liz Lemon Swindle