Bwebwenato eo kōn Wōjke Olive eo, jān Brad Teare

M̧aaj 16–22

Jekab 5–7

Irooj ej Jerbal Ippād

Katak, kejōkļo̧kjeņ, im jar n̄an jeļā ekōjkan an maron̄ em̧m̧an am̧ katakin ajri ro m̧ool ko loi ilo Jekab 5–7. Je jabdewōt en̄jake ko kwōj būki.

Je En̄jake ko Rej Im̧we Eok

Kajjitōk bwe ren Kwaļo̧k

N̄an jino juon ekōnono kōn ennaan ko loi ilo Jekab 5–7, kajjitōk ippān ajri ro n̄an kōnono kōn men ko ilo mour ko aer me rejipan̄ er en̄jake iakwe eo an Jemedwōj Ilan̄ im Jisōs Kraist. Ekōjkan ad kwaļok ad iakwe n̄an ro jet?

Katakin Katak eo: Ajri ro Reddikļo̧k

Jekab 5

Mijenede ro rej jerbal n̄an ajri ro nejin Jemedwōj Ilan̄.

Kejōkļo̧kjeņ kōn ekōjkan am̧ maron̄ kwaļo̧k bwebwenato eo (allegory) kōn wōjke olive ko ilo juon wāween me ajri ro remaron̄ meļeļe.

M̧akūtkūt ko Maron̄ Kōm̧m̧ani

• Kwaļo̧k juon pija in juon wōjke, ak ilo̧k n̄an nabōj n̄an lale juon wōjke, im etale ilo tukadu in m̧ōttan eo aorōk tata an bwebwenato (allegory) eo kōn wōjke olive ko ilo Jekab 5. N̄an waanjon̄ak: Irooj in jikin kallib eo (eo emaron̄ bōk jikin Jsōs) kar lukkuun in jerbal n̄an lale wōjke olive ko katōkan (eo emaron̄ jutak kōn mijenede ro) kōnke Eaar kea ekanooj ļap kōn er. Eaar kūr rijerbal ro (ro remaron̄ jutak kōn mijenede ro) n̄an jipan̄ kōjparok wōjke ko. Kālet juon ak ruo eoon ko jān Jekab 5 n̄an riit n̄an ajri ro (ko āinwōt eoon ko 71–72).

• Kajjitōk ippān ajri ro eļan̄n̄e rejeļa jabdewōt eo eaar jerbale juon mijen, ak kōnono kōn jabdewōt eo kwojeļa kajien. Jipan̄ ajri ro ba kajien ilo juon māp jikin ko ewōr mijenede ro rej jerbal ie. Kōmeļeļeik bwe Jekab eaar keidi laļ in n̄an juon kumi in wōjke olive ko. Wōjke ko rej āinwōt armej ro ioon laļ in, im kōjparok wōjke kein ej āinwōt ta eo mijenede ro rej kōm̧m̧an n̄an ajri ro nejin Anij. Ta ko mijenede ro rej kōm̧m̧an n̄an kōjeraam̧m̧an ajri ro nejin Jemedwōj Ilan̄? Kappukōt ippān doon jet uwaak ko n̄an kajjitōk in ilo al eo āinwōt “Called to Serve” (Children’s Songbook, 174–75). Ekōjkan ad maron̄ āinwōt mijenede ro?

Jerbal in mijenede ej juon wāween jemaron̄ jipan̄ ajri ro nejin Anij bar jepļaak n̄an E.

Jekab 6:5

Jemedwōj Ilan̄ ej iakwe eok.

Ekōjkan am̧ maron̄ katakin ajri ro bwe Anij ej iakwe aolep ajri ro Nejin im erļo̧k An “pein tūriam̧o” n̄an er?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an atbakwōj doon. Ekōjkan ad en̄jake n̄e juon eo ej iakwe kōj ej atbakwōj kōj? Riiti Jekab 6:5 n̄an ajri ro, im kōmeļeļeik bwe eoon ko “[Anij] ej eddāp n̄an kom̧” im pā in tūriam̧o eo pein ej erļo̧kwaj n̄an kom̧” ej katakin bwe Jemedwōj Ilan̄ ej iakwe kōj im ekōņaan bwe jān bar jepļaakļo̧k n̄an E juon raan.

• Al ippān doon juon al kōn iakwe, eo āinwōt “I Feel My Savior’s Love” (Children’s Songbook, 74–75). Kajjitōk ippān ajri ro n̄an ba etan men ko me rej jipan̄ er en̄jake iakwe eo an Rilo̧mo̧o̧r eo.

Jekab 7:1–23

Imaron̄ jutak kōn ta eo ijeļā ej m̧ool.

Jekab ej juon waanjon̄ak ejejjet kōn juon eo naan in kam̧ool eo an edim eaar jipan̄ e jutak kōn m̧ool eo ilo jelm̧ae jum̧ae.

M̧akūtkūt ko Maron̄ Kōm̧m̧ani

• Bwebwenato kōn bwebwenato eo an Jekab im Sherem (Jekab 7:1–23) ilo juon wāween ajri ro remaron̄ meļeļe. Komaron̄ kōjerbal “Jebta 10: Jekōb im Serem” (Bwebwenato Ko Jen Buk in Mormon,, 27–29, ak pija eo an ilo ChurchofJesusChrist.org). Innām bar kwaļo̧k bwebwenato eo, bōtaab ilo iien in kōtļo̧k bwe ajri ro ren jipan̄ kanne meļeļe ko ie. Kajjitōk ippāer ta eo rej ekkatak jān Jekab. Ekōjkan ad maron̄ ļoor waanjon̄ak eo an?

• Kajjitōk ippān ajri ro n̄an al juon al kōn kālet jim̧we eo, ko āinwōt “Kwon Beran In Kōmōn Jimwe” ak “Stand for the Right” (Al Ko Al In Ajri, Children’s Songbook, 488, 159). Kajjitōk ippāer n̄an jutak jabdewōt iien rej al naan ko āinwōt jim̧we ak m̧ool.

Katakin Katak eo: Ajri ro Rōrūttoļo̧k

Jekab 5

Irooj ej kea kōn armej ro An.

Jekab eaar kwaļo̧k bwebwenato (allegory) eo kōn wōjke olive ko n̄an jipan̄ kūr armej ro An n̄an itok n̄an Kraist. Emaron̄ in dedeļo̧k ejja jibadbad in wōt n̄an kajjojo ajri ro kwoj katakin.

M̧akūtkūt ko Maron̄ Kōm̧m̧ani

• Riit im kōmeļeļeik ajri ro eoon ko raorōk ej kwaļo̧k ilo tukadu in bwebwenato (allegory) eo kōn wōjke olive ko, ko āinwōt Jekab 5:3–4, 28–29, 47, im 70–72, im kajjitōk ippān ajri ro n̄an jin̄aik pijak ko kōn ta eo eoon kein rej kōmeļeļeik. Ta eo jemaron̄ katak jān eoon kein kōn ekōjkan an Irooj en̄jake kōn armej ro An? Kajjitōk ippān ajri ro n̄an etan ke rej kōjparok juon wōjke olive ilo am̧ kwaļo̧k ilo tukadu in eoon ko 61–71 (remaron̄ kōm̧m̧an kōl āinwōt rej kōb, wutdikdik, im ko eierļo̧k). Kajjitōk ippān jet ajri ro n̄an riiti Jekab 5:11, 41, 47, im 72, kappukōt men ko me rej kwaļo̧k ewi jon̄an an Irooj in jikin kallib eo Jisōs Kraist kar kōjparok wōjke ko. Ta eo Rilo̧mo̧or eo eaar kōm̧m̧ane n̄an kwaļo̧k An kea kake kōj? Pija in alooj eo “Old Testament Olive Vineyard” (ChurchofJesusChrist.org) emaron̄ in jipan̄ kōn m̧akūtkūt in.

• Kōllaajrak jet iaan kōkaļļe ko ilo Jekab 5 ioon boot eo, ko āinwōt jikin kallib eo, irooj in jikin kallib eo, eo karejeran, ritōl ro an Kabun̄ ak mijenede ro, im armej ro an Anij. Innām kōm̧m̧ane bar juon laajrak, ilo laajrak eo jotak wōt, kōn men ko kōkaļļe kein remaron̄ jutak kake, āinwōt laļ in, Rilo̧mo̧o̧r eo, ritōl ro an Kabun̄ in ak mijenede ro, im armej ro an Anij. Riit ippān doon eoon ko jān Jekab 5 me rej kwaļo̧k kōkaļļe kein, im jipan̄ ajri ro jin̄aik ļain ko ioon boot eo rej kakkejel kōkaļļe ko ippān bōlen meļeļe ko aer, (lale, n̄an waanjon̄ak, eoon ko 3–4, 28–29, 47, 70–72).

Jekab 6:4–5

Jemedwōj Ilan̄ ej iakwe eō im enaaj jeorļo̧k aō bōd n̄e ij ukweļo̧k.

Ej aorōk n̄an jipan̄ ajri ro kwoj katakin meļeļe bwe Anij ej iakwe er im enaaj iien otemjej jeorļo̧k aer bōd ilo aer m̧ool in ukweļo̧k.

M̧akūtkūt ko Maron̄ Kōm̧m̧ani

• Kōm̧m̧ane juon jaat ioon boot eo kōn ruo kaļōm̧ ko Jemedwōj Ilan̄ im Kōj. Riit ippān doon Jekab 6:4–5, im kajjitōk ippān jimettan in kūlaaj eo n̄an kappukōt eoon ko me rej jerbal n̄an Anij im jimettan eo juon n̄an kappukōt eoon ko me rej jerbal n̄an kōj. Je ta eo rej loe ilo kaļōm̧ eo ekkar. Jipan̄ er kwaļo̧k meļeļe in naan ko rejjab meļeļe.

• Kwaļo̧k bwebwenato eo an Elder Allen D. Haynie’s kōn bwidej ilo juon pedkat ilo ennaan eo an“Remembering in Whom We Have Trusted” (Ensign ak Liahona, Nob. 2015, 121–22). Ta eo bwebwenato in ej katakin kōj kōn ta eo jej aikuj in kōm̧m̧ane n̄an lo̧mo̧o̧r ilo aelōn̄ in Anij? Bar ta jej ekkatak jān Jekab 6:4–5?

Jekab 7:1–23

Imaron̄ jutak kōn ta eo ijeļā ej m̧ool.

Ekōjkan am̧ maron̄ im̧we ajri ro n̄an jutak kōn m̧ool eo āinwōt kar Jekab?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧an kōl kōn ekōnono eo ikōtaan Jekab im Semer, kōjerbal Jekab 7:1–23 āinwōt juon unin tōl. Ak kwaļo̧k pija eo “Jacob and Sherem” (ChurchofJesusChrist.org). Kajjitōk ippān ajri ro n̄an kōnono kōn m̧ōttan ko rem̧m̧an tata ippāer kōn bwebwenato eo. Ekōjkan an Jekab kar jutak kōn ta eo eaar jeļā eaar jim̧we? Kajjitōk ippān ajri ro n̄an kwaļo̧k en̄jake ko aer ke raar jutak kōn ta eo ejim̧we, ak kwaļo̧k eo am̧ make.

• Kajjitōk ippān ajri ro n̄an al juon al kōn kālet jim̧we eo, ko āinwōt “Kwon Beran In Kōmōn Jimwe” ak “Stand for the Right” (Al Ko Al In Ajri, Children’s Songbook, 488, 159). Ajije er n̄an kūrub ko, im kajjitōk ippān ajri ro n̄an kōm̧m̧ane juon bōļāāk eim̧we ak peba kileplep me ej jutak kōn juon men me rej jutak kaki ak tōmak ie.

Kōketak n̄an Ekkatak ilo Mweo

Kajjitōk ippān ajri ro n̄an ļōmņak kōn juon wāween remaron̄ jipan̄ baam̧ļe ko aer en̄jake iakwe eo an Rilo̧mo̧o̧r—n̄an wanjon̄ak, kōn kōmeļeļeik ta eo raar katak kake kōn ekōjkan an Irooj in jikin kallib eo kōjparok wōjke olive ko.

Kōkōm̧anm̧anļo̧k Ad Katakin

Ajri ro rekōņaan kwaļo̧k ta eo rej ekkatak. Men̄e reiddik, ajri ro remaron̄ kōkajoorļo̧k ro uwaan baam̧le ko aer. Kōketak er n̄an kwaļo̧k ippān baam̧le ko aer men ko rej katak ilo Būraimere. (Lale Teaching in the Savior’s Way, 30.)