Rinipai ro raar kam̧ool bwe raan eo bwe ekar jab bon̄e.

Joun Raan, Juon Bon̄, im Juon Raan, jān Jorge Cocco

Jeptōm̧ba 7–13

3 Nipai 1–7

“Kwon Kotak Bōram̧ im Kwōn Mōņōņō”

Eļan̄n̄e kwoj aikuj eļapļo̧k ļōmņak ilo am̧ kōppopo n̄an katakin, lale “Bar Jet Kein Katakin n̄an Katakin Ajri ro” im “Tōpar Aikuj ko an Ajri ro Reddikļo̧k” ilo jinoin kein ekkatak in.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k ta katak eo rej keememej wiik eo ļo̧k kōn kōkkaļļe ko Samuel Rileman eo eaar ba enaaj jipan̄ armej ro jeļā bwe Jisōs enaaj ļo̧tak. Ba n̄an ajri ro bwe rainin renaaj kōnono kōn armej ro raar lo an waļo̧k kōkkaļļe ko.

pija ej bōk jikin katakin

Katakin Katak ko: Ajri ro Reddikļo̧k

3 Nipai 1:4–15, 19–21

Juon iju eaar waļo̧k bwe Jisōs em̧ōj an ļo̧tak.

Ebun̄bun̄ bwebwenato eo ilo Kallim̧ur Ekāāl kōn ļo̧tak eo an Rilo̧mo̧o̧r eo, aaet ippan ajri ro. Wiik in ej juon iien em̧m̧an n̄an katakin ajri ro ilo kūlaaj kōn menin kabwilōn̄lōn̄ ko Rinipai ro raar kam̧oole bwer Jisōs em̧ōj an lo̧tak.

M̧akūtkūt ko Maron̄ Kōm̧m̧ani

• Mokta jen kūlaaj, likūt juon iju ioon wooļ eo. Kajjitōk ippān ajri ro n̄an pukot jen men ioon wooļ eo me ejjkā an pād ijeņ. Ba n̄an ajri ro bwe Rinipai ro raar lo juon iju ilo lan̄ bwe Jisōs em̧ōj an lo̧tak. Kwaļo̧k bwebwenato eo ilo 3 Nipai 1:4–15, and 19–21. Kwomaron̄ bar kōjerbal “Jebta 41: The Signs of Christ’s Birth” (Book of Mormon Stories, 114–16, ak ilo corresponding video ilo ChurchofJesusChrist.org).

• Kwaļo̧k n̄an ajri ro juon pijain lo̧tak eo an Rilo̧mo̧o̧r (lale Gospel Art Book, no.30), im al juon al em̧m̧an kōn Kūrijm̧ōj, āinwōt “The Nativity Song” (Children’s Songbook, 52–53). Jipan̄ ajri ro meļeļe bwe Rinipai ro raar ettoļo̧k jān ijo Jisōs eaar lo̧tak ie, ak raar jeļā Eaar lo̧tak kōnke kōkkaļļe ko raar loi. Kam̧ool bwe men̄e jaar jab lo lo̧tak eo an Rilo̧mo̧o̧r, Jetōb Kwojarjar emaron̄ jipan̄ kōj jeļā kōn bwebwenato ko rem̧ool ilo jeje ko rekwojarjar.

3 Nipai 1:20

Naan ko an rikanaan ro eaar kūrm̧ool.

Irooj eaar ba n̄an Nipai, “I[naaj] kwaļo̧k n̄an laļ bwe Inaaj kakūrm̧ool aolep men ko Iaar kōm̧m̧an bwe ren kōnono jān lo̧n̄iin rikanaan ro rekwōjarjar Aō.” (3 Nipai 1:12).

M̧akūtkūt ko Maron̄ Kōm̧m̧ani

• Kwaļo̧k juon pijain an Anij kar kōnono n̄an rikanaan ro, āinwōt Noa (Gospel Art Book, nos. 7–8; lale Jenesis 6–7) im Samuel Rileman eo (Gospel Art Book, no. 81; lale Hilamōn 14:1–7). Kajjitōk ippān ajri ro n̄an kwaļo̧k ta eo rejeļā kōn bwebwenato kein.

• Riit n̄an ajri ro 1 Nipai 1:20, im kwaļo̧k naan in kam̧ool eo am̧ bwe naan ko an rikanaan ro rej aolep iien kūrm̧ool. Kajjitōk ippān ajri ro n̄an ron̄jakae rikanaan ro ilo kweilo̧k eo eļap ej itok.

3 Nipai 5:13.

Imaron̄ ļoor Jisōs Kraist

Mormon eaar kwaļo̧k, “Ij juon rikaļooraņ Jisōs Kraist.” Ewi wāween am̧ jipan̄ ajri ro bar lo er make āinwōt rikaļoor ro?

M̧akūtkūt ko Maron̄ Kōm̧m̧ani

• Riiti 3 Nipai 5:13, im kajjitōk ippān ajri ro n̄an āliji naan in “Ij juon rikaļooraņ Jisōs Kraist.” Katakin er bwe juon rikaļooraņ Jisōs Kraist ej kejjieon̄ in ļoor E. Kwaļo̧k jet men ko Mormon eaar kōm̧m̧ane n̄an āinwōt Jisōs, āinwōt kwaļo̧k naan ko an Anij im pokake kien ko an Anij (lale 3 Nipai 5:13–18). Jipan̄ ajri ro ļōmņake wāween ko remaron̄ āinwōt rikaļoor ro.

• Ioon juon peba jidikdik, jipan̄ ajri ro anōke peier im m̧wijitti ļo̧k. Je “Ij juon rikaļooraņ Jisōs Kraist” ilo turājet eo juon, im kajjitōk ippān ajri ro n̄an jin̄aik jet me remaron̄ kōm̧m̧ane n̄an erom̧ juon rikaļoor ilo turājet eo juon (kwomaron̄ aikuj in jipan̄ er ļōmņake ļōmņak ko). Al ippān doon juon al kōn ļoor Rilo̧mo̧o̧r eo, āinwōt “I’m Trying to Be like Jesus” (Children’s Songbook, 78–79).

pija ej bōk jikin katakin

Katakin Katak ko: Ajri ro Rerūttoļo̧k

3 Nipai 1:4–21

Anij ej kallim̧ur, letok n̄an rikanaan ro An, aolep iien ej kūrm̧ool.

Bwebwenato eo ilo 3 Nipai 1:4–21 emaron̄ jipan̄ kalōk tōmak eo an ajri ro bwe Anij ej iien otemjej kōjparok kallim̧ur ko An.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an keidi kanaan ko an Samuel Rileman eo ilo Hilamōn 14:1–7 kōn kakūrm̧ool ko ie ilo 3 Nipai 19:21. Kam̧ool bwe kallim̧ur ko an Anij kōnono jen rikanaan ro An rej aolep iien kūrm̧ool.

• Riit ippān ajri ro bwebwenato eo loe ilo 3 Nipai 1:4–10. Kajjitōk ippān ajri ro ewi wāween aer maron̄ kar en̄jake eļan̄n̄e ren kar juon iaan ritōmak ro ilo tōre eo. Kajjitōk ippān ajri ro n̄an riiti aolepen bwebwenato eo ilo eoon 11–15 im kakkobabatok wāween ko n̄an kadedeļo̧k jeņtej in: “Katak eo an bwebwenato in ej …” Ewi wāween ad kwaļo̧k leke ilo Anij n̄e jej inepata ak ebweer?

• Kwaļo̧k jet men me rikanaan eo ad eaar kallim̧uri kōj kake. Ta eo jemaron̄ kōm̧m̧ane n̄an kwaļo̧k ad tōmak bwe naan ko an rikanaan eo rej itok jān Anij?

3 Nipai 2:11–12; 3:13–14, 24–26

Jej kajoor n̄e jej ippān doon.

Rinipai ro raark aikuj kuk ippān doon n̄an kōjparok eo aer ilo kaniōk. Ewi wāween am̧ jipan̄ ajri ro lo bwe kuk ippān doon ippān ro m̧ōttad rem̧m̧an emaron̄ bar leļo̧k n̄an er jetōbin kajoor?

M̧akūtkūt ko Maron̄ Kōm̧m̧ani

• Riit ippān ajri ro eoon kein, im kajjitōk ippāer n̄an pukot ta unin an kar Rinipai ro kuk ippān doon im kōn kōjeraam̧m̧an ko raar itok n̄an er: 3 Nipai 2:11–12 im 3:13–14, 24–26. Etke eaorōk bwe jen “ippān doon” rainin ippān baam̧le ko ad im ilo kabun̄ in? Ewi wāween an ippān doon kōm̧m̧an bwe jen kajoor ilo jetōb?

• Kōjerbal juon kein katakin n̄an katak bwe jej kajoor n̄e jej ippān doon jen n̄e jej jeno̧ļo̧k. N̄an waanjon̄ok, kajjitōk ippān ajri ro n̄an kajjieon̄ buļoke juon aļļaļ innām bwijin aļļaļ ak peote jidik peba innām bwijin peba. Ewi wāween ad āinwōt aļļaaļ ko ak juon peba? Elmen ad maron̄ kōkajoor doon n̄e jej kuk ippān doon ilo baam̧le ko ad ak ilo kabun̄ in?

• Kōmeļeļeik bwe Jisōs ej aini armej ro An n̄an Kabun̄ rainin kōn jerbal in mijinede (lale 3 Nipai 5:24–26). Kajjitōk ippān mijinede ro rej jerbal aolep raan ak ward mijinede eo n̄an kwaļo̧k en̄jake ko kwaļo̧k wāween an armej ro kar kajoor n̄an deļo̧n̄e tok Kabun̄ in.

3 Nipai 4:30–33; 5:12–26; 6:14; 7:15–26

Ij juon rikaļooraņ Jisōs Kraist.

Ewi wāween am̧ maron̄ jipan̄ ajri ro lo er make āinwōt rikaļoor ro an Jisōs Kraist, āinwōt kar Mormon? (lale 3 Nipai 5:13).

M̧akūtkūt ko Maron̄ Kōm̧m̧ani

• Kwaļo̧k juon pijain Mormon (āinwōt Gospel Art Book, no.73). Kajjitōk ippān kajjojo ajri n̄an bōk kūņaer im āliji ta eo Mormon eaar ba ilo 3 Nipai 5:13: “Imaron̄ juon rikaļooraņ Jisōs Kraist.” Ta meļeļein n̄an erom̧ juon rijilōk an Jisōs Kraist? (lale KB 41:5).

• Kōjeno̧ļo̧k kūlaaj eo n̄an rup kurup ko reddik, im leļo̧k n̄an kajjojo kurup n̄an riit kōn juon iaan waanjon̄ok kein ilaļ kōn rikaļooraņ: Rileman ro me raar oktak (lale 3 Nipai 4:30–33; 6:14). Mormon (lale 3 Nipai 5:12–26), im (lale 3 Nipai 7:15–26). Ewi wāween an armej rein rikaļooraņ ro rem̧ool an Jisōs Kraist? Ta eo jemaron̄ kōm̧m̧ane n̄an ļoor waanjon̄ok ko aer?

pija ej bōk jikin ekkatak

Kōketak Ekkatak ilo Mweo

Kajjitōk ippān ajri ro n̄an ļōmņake jet men remaron̄ kōm̧m̧ane wiik in n̄an erom̧ juon rikaļooraņ Kraist. Rōjan̄ er n̄an kwaļo̧k kōttōbar ko im en̄jake ko aer ippān baam̧le ko aer.

Kōkōm̧anm̧anļo̧k Ad Katakin

Kwaļo̧k juon eoon. Kālet juon eoon kwoj loe ewōr tokjen ( ak kajjitōk ippān ajri ro n̄an kālet juon), kwaļo̧ke ilo kūlaaj ruum̧ ijo ajri ro remaron̄ emakijkij loe. Kwomaron̄ kwaļo̧k ilo wiik ko im ekkatak jen e aolep iien.

peij in m̧akūtkūt: armej ro raar lo kōkaļļe in lo̧tak eo an Kraist.