Alema o loo papatisoina tagata i le Vai o Mamona

Minerva Teichert (1888–1976), Alema o loo Papatisoina Tagata i le Vai o Mamona, 1949–1951, suauu i le laupapa, 35⅞ x 48 inches. Falemataaga o Faatufugaga a le Iunivesite a Polika Iaga, 1969

30 Novema--6 Tesema

Moronae 1–6

“E Faatutumau ai i Latou i le Ala Sa’o”

Ae e te leʻi amata le fuafuaina o gaoioiga mo tamaiti, suesue ma le agaga tatalo le Moronae 1-6, saili mo mataupu faavae ma fuaiupu e te lagona e tatau ona latou malamalama i ai.

Tusi Faamaumau Ou Lagona Uunai

aikona e fefaasoaai

Valaaulia le Fefaasoaai

Valaaulia tamaiti e faasoa mai mea na latou aoaoina e uiga ia Moronae. E mafai ona e faaaogaina le “Mataupu 53: O Moronae ma Ana Aoaoga” (Tala o le Tusi a Mamona 154--55, po o le vitio talafeagai i luga o le ChurchofJesusChrist.org).

aikona o le aoao atu

Aoao atu le Aoaoga Faavae: Tamaiti Laiti

Moronae 4–5

Ou te tagofia le faamanatuga e faaali atu ai o le a ou manatua pea Iesu Keriso.

O le faamanatuga e mafai ona avea o se aafiaga faaleagaga paia-e oo lava mo tamaiti laiti. E faapefea ona e fesoasoani i tamaiti o loo e aoaoina ia faaaoga le taimi a o faia le faamanatuga e mafaufau ai ia Iesu?

Gaoioiga e Mafai Ona Fai

• Faaali atu se ata o tagata o tagofia le faamanatuga (tagai Tusi Ata o le Talalelei, nu. 108). Fai atu i tamaiti e tau atu ia te oe le mea e tupu i le taimi o le faamanatuga. O a mea e tatau ona tatou faia i le taimi o le faamanatuga?

• Valaaulia ni tagata se toalua o le uarota e o mai i le vasega e faitau le Moronae 4: 3 ma le 5: 2 i tamaiti ma faasoa mai pe aisea latou te aai ai i le faamanatuga i vaiaso uma. Fai atu ia i latou e fautua mai ni mea e mafai ona fai e tamaiti e fesoasoani ai ia i latou e mafaufau e uiga ia Iesu i le taimi o le faamanatuga ma manatua pea o Ia.

• Usu se pese e fesoasoani i tamaiti e mafaufau ai ia Iesu, e pei o le “Ia Migao Filemu” (Tusipese a Tamaiti,11). Fai atu i tamaiti e faataitai le nofo faaaloalo e pei ona latou faia i le taimi o le faamanatuga.

Moronae 6:1–3

E mafai ona ou sauni e papatiso.

O le faamatalaga a Moronae e uiga i tagata o e na papatisoina i ona aso e mafai ona fesoasoani i tamaiti e saunia ai e mauaina lenei sauniga taua i aso nei.

Gaoioiga e Mafai Ona Fai

• Faitau fuaitau mai le Moronae 6: 1--3 e aoao ai po o ai e mafai ona papatisoina. Faamatala upu atonu e le malamalama ai tamaiti. Mo se faataitaiga, o le tasi uiga o le “loto momomo ma le agaga salamo” o le lagona lea o le faanoanoa mo a tatou agasala (Moronae 6:2). Tau atu pe na faapefea ona e saunia e papatiso, pe fai atu i se tasi na faatoa papatiso e faamatala pe faapefea ona ia saunia. Fesoasoani i tamaiti e mafaufau i auala e mafai ai ona latou saunia e papatiso i se aso.

• Faaali atu ata o tagata ua papatisoina (tagai Tusi Ata o le Talalelei, nu. 103, 104, ma tuu atu i tamaiti e talanoa e uiga i mea latou te vaaia i ata. Fesoasoani ia latou matauina auiliiliga, e pei o le vai ma laei papaʻe. Fesili i tamaiti pe aisea tatou te papatiso ai, ma faamatala pe aisea ua e filifili ai e te papatiso.

Moronae 6:4–6. 9

E faamanuiaina a’u pe a ou alu i le lotu.

Pe o malamalama tamaiti o loʻo e aʻoaʻoina pe aisea tatou te o ai i le lotu i vaiaso uma? Moronae 6 o loo tuuina mai ai ni mafuaaga taua.

Gaoioiga e Mafai Ona Fai

• Fesili atu i tamaiti pe aisea latou te fiafia ai e o i le lotu, ma fesoasoani ia i latou e taʻu mai nisi o mea tatou te faia i le lotu. Faitau atu ia i latou nisi o nei mea mai le Moronae 6: 4-6, 9, ma valaaulia i latou e faatino pe tusi ni ata o i latou lava o loo faia nisi o nei mea (e pei o le tatalo, tala’i, usuina, ma le taumafa i le faamanatuga).

• Usu faatasi ma tamaiti se pese e faatatau i le auai i le lotu, e pei o le “When I Go to Church” (Children’s Songbook, 157). Tau atu i tamaiti pe aisea e te fiafia ai e alu i le lotu ma pe faapefea ona faamanuiaina ai oe.

aikona o le aoao atu

Aoao atu le Aoaoga Faavae: Tamaiti Matutua

Moronae 2–6

O Le Agaga Paia o se meaalofa paia.

E tele taimi e taʻua ai le Agaga Paia i le Moronae 2–6. E mafai faapefea ona e faaaogaina nei mataupu e fesoasoani ai i tamaiti ia malamalama pe mafai faapefea e le Agaga Paia ona fesoasoani ia i latou?

Gaoioiga e Mafai Ona Fai

• Fai i tamaiti e sue fuaiupu uma i le Moronae 2--6 o loo ta’ua ai le Agaga Paia po o le Agaga. Faitau faatasi ia fuaiupu taitasi, ma fai atu i tamaiti e lisi i luga o le laupapa mea latou te aoaoina e uiga i le Agaga Paia. E faapefea ona fesoasoani le Agaga Paia ia i tatou?

• Tau atu i tamaiti e uiga i se taimi na e lagonaina ai le uunaiga a le Agaga Paia, i le lotu po o se isi lava mea. Faamatala pe na faapefea ona e iloa o le Agaga Paia ma pe faapefea ona Ia fesoasoani ia te oe. Valaaulia tamaiti e faasoa mai soo se aafiaga na latou maua ma le Agaga Paia, ma uunaia i latou e saili Lana uunaiga.

  tamaitai talavou o loo maua se faamanuiaga

  O le meaalofa o le Agaga Paia e tuuina mai e ala i le faaee atu o lima.

Moronae 4–5

Ou te tagofia le faamanatuga e faaali atu ai o le a ou manatua pea Iesu Keriso.

Pe a malamalama tamaiti i le paia o le faamanatuga, o le a sili atu ona latou taulimaina ma le faaaloalo ma lagona le latalata atu i le Atua i le taimi o lenei sauniga.

Gaoioiga e Mafai Ona Fai

• Tusi fuaitau mai le Moronae 4:3 ma le 5:2 i ni fasi pepa eseese, ma fai atu i tamaiti e tuu fasi fuaitau i le faasologa sao. E tusa ai ma nei fuaiupu, aisea e taua ai le faamanatuga?

• Valaaulia tamaiti e vaai faalemafaufau faapea o sau se uo i le sauniga faamanatuga mo le taimi muamua. E faʻafefea ona latou faʻamatala atu i a latou uo pe o le a le faʻamanatuga ma pe aisea tatou te tagofia ai? Uunaia i latou e faaaoga le Moronae 4:3 ma le 5:2 i a latou faamatalaga.

• Valaaulia tamaiti e faasoa mai mea latou te faia i le taimi o le faamanatuga ia faaaloalo ma mafaufau e uiga ia Iesu Keriso. O a nisi manatu latou te maua? Valaaulia i latou e filifili se tasi o nei manatu ma seti se sini ia faaaluina le tele o taimi e mafaufau ai i le Faaola i le taimi o le faamanatuga.

Moronae 6:4–6. 9

Tatou te o i le lotu e aai i le faamanatuga ma lagolago e le tasi le isi.

O upu a Moronae e mafai ona fesoasoani i tamaiti e te aoaoina e saili ai se faamoemoega sili atu i le sau i le lotu i vaiaso taitasi.

Gaoioiga e Mafai Ona Fai

• Tusi le Aisea tatou te o mai ai i le lotu? i le laupapa, ma fai i tamaiti e tusi ni tali talafeagai. Valaaulia i latou e saili ni tali faaopoopo i le Moronae 6:4--6, 9 ma faaopoopo i le latou lisi i luga o le laupapa. Valaaulia tamaiti e faasoa mai pe na faapefea ona faamanuiaina i latou i le auai i le lotu. Tuu atu ia i latou e faatino le faamatala atu i se uo o se isi lotu pe aisea latou te faafetai ai ona o le auai i le Ekalesia.

• Faʻaali ata poʻo faʻataʻitaʻiga o meaai faatupumalosi. Aisea e taua ai le fafagaina o o tatou tino? Faitau faatasi le Moronae 6:4, ma fesili atu i tamaiti pe o le a so latou manatu i le uiga o le fuaitau “fafagaina e le afioga lelei a le Atua”. E faapefea ona fafagaina i tatou e le afioga a le Atua?

• Valaaulia se tasi o tamaiti e faitau le upusii lenei mai ia Elder Jeffrey R. Holland, ma talanoaina po o le a le mea o loo aoao mai e uiga i auala e mafai ai ona tatou fafagaina e le tasi le isi: “O le toatele o tagata e le o mai i le lotu na ona saili ni nai mea moni o le talalelei, pe o mai e vaai ni uo ua leva, e ui lava e taua na mea uma. Latou te o mai e saili se aafiaga faaleagaga. Latou te fia maua le filemu. Latou te mananao ia faamalosia lo latou faatuatua ma faafouina lo latou faamoemoe. Latou te mananao, i se otootoga, ia fafagaina i afioga lelei a le Atua, ia faamalosia e mana o le lagi” (“A Teacher Come from God,” Ensign, May 1998, 26). E faʻapefea ona tatou fesoasoani i le fafagaina faaleagaga o le tasi o le isi i le lotu?

aikona o le aoaoina

Fautuaina le Aoaoina i le Aiga

Uunaia tamaiti e talanoa i o latou aiga e uiga i mafuaaga latou te fiafia e auai i le lotu i vaiaso taitasi.

Faaleleia o Lo Tatou Aoao Atu

Lagolago i matua Saili ma le loto agaga tatalo ni auala e lagolago ai matua o tamaiti o loo e faiaoga ai E faapefea ona e lagolagoina a latou taumafaiga e aoao atu le talalelei i a latou fanau? Mo se faataitaiga, e mafai ona e talanoa i matua e uiga i manaoga ma mea e fiafia ai a latou fanau, e mafai ona e faasoa atu ia i latou mea o loo aoaoina e a latou fanau i totonu o lau vasega, (tagai Aoao Atu i le Ala a le Faaola, 25).

itulau o gaoioiga: Ou te tagofia le faamanatuga e manatua ai Iesu Keriso