Sam Moa Risos we Yu Save Yusum blong Stap Tijim Ol Pikinini

Yufala i save faenem ol risos ia long Gospel Laebri ap mo long ChurchofJesusChrist.org.

Kam Folem Mi—Blong Wanwan Man, Woman mo Famli

Yu save yusum mo stretem ol aktiviti we oli stap long Kam Folem Mi—Blong Wanwan Man, Woman mo Famli blong yusum long Praemeri klas blong yu. No wari sapos ol pikinini oli bin mekem ol aktiviti ia finis wetem ol famli long hom blong olgeta; blong ripitim samting i helpem ol pikinini blong stap lanem samting. Maet bae ol pikinini oli wantem tokbaot olsem wanem oli bin mekem ol aktiviti ia wetem famli blong olgeta mo wanem oli bin lanem.

Hymns mo Children’s Songbook mo Singsing Tabu mo Singsing blong Ol Pikinini

Tabu miusik i save invaetem Spirit mo i save tijim doktrin long wan gudfala wei. Yu save printim sam singsing insaed long Hymns mo Children’s Songbook, mo Tabu Singsing mo Singsing blong Ol Pikinini, mo yu save faenem plante hym mo singsing blong ol pikinini we oli rekodem long music.ChurchofJesusChrist.org mo insaed long LDS Music mo ol ap blong LDS Media Library.

Behold Your Little Ones–Luk Ol Smol wan blong Yufala

Plante long ol topik we oli stap long neseri lesenbuk, Behold Your Little Ones: Nursery Manual oli kolosap semmak long olgeta we bae yu stap tijim long Praemeri. Speseli sapos yu stap tijim ol smol pikinini, tingting blong lukluk long neseri lesenbuk blong luk sam moa singsing, stori, aktiviti mo samting blong mekem wetem han.

Fren mo Liahona Magasin

Ol magasin ia, Fren mo Liahona oli givim sam stori mo aktiviti we i save kam komplitim ol prinsipol we yu stap tijim aot long Kam Folem Mi—Blong Praemeri.

Ol Stori long Buk blong Momon

Ol Stori long Buk blong Momon oli save helpem ol pikinini blong oli lanem doktrin mo ol stori we oli stap insaed long Buk blong Momon. Yu save faenem yu ol vidio blong olgeta stori ia insaed long medialibrary.ChurchofJesusChrist.org.

Media Laebri

Ol artwok, ol vidio, mo ol nara media oli save helpem ol pikinini blong gat wan pikja long doktrin mo ol stori we oli stap long Buk blong Momon. Visitim medialibrary.ChurchofJesusChrist.org blong lukluk tru long ol media risos, we i tekem Ol Vidio blong Buk blong Momon, we i soem ol samting we oli bin hapen we oli tokbaot insaed long Buk blong Momon. Ol media risos, oli stap tu long LDS Media Laebri ap.

Gospel Art Buk

Ol artwok, oli save helpem ol pikinini blong gat wan pikja long doktrin mo ol stori we oli stap long Buk blong Momon. Plante pikja we yu save yusum long klas bae yu save faenem long Gospel Art Buk, long medialibrary.ChurchofJesusChrist.org, mo long ol ap blong LDS Miusik mo blong LDS Media Laebri.

Stap Tru long Fet

Sapos yu nidim sam moa help blong andastanem ol besik prinsipol we bae yu tijim ol pikinini long hem , tingting blong lukluk insaed long Stap Tru long Fet. Ol Refrens ia i givim sam simpol eksplenesen long saed blong sam topik blong gospel we oli listim daon i folem alfabet oda.

Tij Folem Wei blong Sevya

Risos ia, Teaching in the Savior’s Way i save helpem yu blong lan abaot mo stap praktisim ol prinsipol blong stap tij olsem Kraes i bin tij. Olgeta prinsipol ia, oli stap toktok raon long olgeta mo oli stap praktisim olgeta insaed long ol kaonsel miting blong ol tija.