“Bwaai ni Ibuobuoki Riki Tabeua ibukin Reireiakia Ataei,” Nakomai, Iriirai—Ibukin te Moanrinan: Ana Boki Moomon 2020 (2020)
“Bwaai ni Ibuobuoki Riki Tabeua ibukin Reireiakia Ataei,” Nakomai, Iriirai—Ibukin te Moanrinan: 2020
Bwaai ni Ibuobuoki Riki Tabeua ibukin Reireiakia Ataei
Bwaai n ibuobuoki aikai a kona ni kuneaki n te Gospel Library ao iaon ChurchofJesusChrist.org.
Nakomai, Iriirai—Ibukiia Aomata n Tatabemaniia ao Utu
Ko kona ni kangaraoi mwakuri ni kauring man Nakomai, Iriirai—Ibukiia Aomata n Tatabemaniia ao Utu ibukin kabonganana n am kiraati n te Moanrinan. Tai raraoma ngkana a tia ataei ni karaoi mwakuri ni kauring aikai ma aia utu ni mweengaia; kaokiokana e buokia ataei n reirei. Ataei a na tangiria n tuangko bwa a kanga ni karaoi mwakuri ni kauring akanne ma aia utu ao tera ae a reiakinna.
Anene n Taromauri ao Aia Boki n Anene Ataei
Katangitang aika tabu a kaoa te Tamnei ao a reirei te reirei n te anga ae kai uringaki. Anene n Taromauri ao Aia Boki n Anene Ataei, Ko kona n noori katangitang ao witeo ibukin anene n taromauri ao aia anene ataei aika mwaiti iaon music.ChurchofJesusChrist.org ao n te LDS Music ao LDS Media Library apps.
Nooria Ami Ataei
E mwaiti atuun reirei ake a rinanoaki n te boki ibukia kaain te netiari Nooria Ami Ataei: Aia boki kaain te Netiari aika a titebo ma ake ko na reirei n te Moanrinan. Riki ngkana ko reireiniia ataei aika a uarereke, iangoia bwa ko na taraa te boki ibukia kaain te netiari ibukin riki taian anene, karaki, mwakuri ni kauring, ao takakaro.
Te Rao ao Riaona Maekatiin
Te Rao ao Riaona maekatiin a katauraoi karaki ao mwakuri ni kauring aika a boutokai reirei ake ko na anga reirei iaoia man Nakomai, Iriirai—Ibukin te Moanrinan.
Karaki man Ana Boki Moomon
Karaki man Ana Boki Moomon e kona ni buokiia ataei n reiakinii reirei ao karaki ake n ana Boki Moomon. Ko kona naba ni noori tamnein taian karaki aikai iaon medialibrary.ChurchofJesusChrist.org.
Te Raiburari ibukin te Kareke Rongorongo
Korobanna, tamnei, ao tabeua riki rongorongo a kona n katamneia te reirei ao karaki ake a kuneaki n ana Boki Moomon. Kawara medialibrary.ChurchofJesusChrist.org n noori rinanin ana bwai te Ekaretia n taian rongorongo ni bwaai n ibuobuoki, n aron witeo ibukin ana Boki Moomon, are e kaoti baika a riki n ana Boki Moomon. Bwaai ni ibuobuoki ibukin te Rongorongo a tauraoi naba iaon te LDS Media Library app.
Tamnein te Euangkerio
Korobanna a kona ni buokiia ataei ni katamneia te reirei ao karaki ake n ana Boki Moomon. E mwaiti tamnei aika ko kona ni kabonganai n te kiraati ake a mena inanon te Bokin Tamnein te Euangkerio, iaon medialibrary.ChurchofJesusChrist.org, ao n te LDS Music ao te LDS Media Library apps.
Koaua nakon te Onimaki
Ngkana ko kainnanoa buokam bwa ko na oota n taian reirei aika bebete ake ko na rereinia iai ataei, iangoia n nooria inanon Koaua nakon te Onimaki. Te boki aei e katauraoi kabwarabwara aika bebete iaon reirein te euangkerio, a karinanaki n araia.
Reirei n ana Kawai te Tia Kamaiu
Reirei n ana Kawai te Tia Kamaiu e kona ni buokiko n reiakinii ao ni karaoa nanon ana reirei te Tia Kamaiu. Reirei aikai a maroroakinaki ao ni kataneiai te aba iai n aia bootaki ni kauntira taan reirei.