Sam Moa Risos we Yu Save Yusum blong Stap Tijim Ol Pikinini

Yufala i save faenem ol risos ia long Gospel Library Ap mo long ChurchofJesusChrist.org.

Kam Folem Mi—Blong Wanwan Man, Woman mo Famli

Yu save yusum mo stretem ol aktiviti we oli stap long Kam Folem Mi—Blong Wanwan Man, Woman mo Famli blong yusum long Praemeri klas blong yu. No wari sapos ol pikinini oli bin mekem ol aktiviti ia finis wetem ol famli long hom blong olgeta; blong ripitim samting i helpem ol pikinini blong stap lanem samting. Long taem blong Praemeri, maet bae ol pikinini oli wantem serem wanem we oli bin lanem long hom abaot Sevya mo gospel blong Hem long ol nara pikinini.

Hymns mo Children’s Songbook mo Singsing Tabu mo Singsing blong Ol Pikinini

Tabu miusik i save invaetem Spirit mo i save tijim doktrin long wan gudfala wei. Yu save printim sam singsing insaed long Hymns mo Children’s Songbook, mo Tabu Singsing mo Singsing blong Ol Pikinini, mo yu save faenem plante hym mo singsing blong ol pikinini we oli rekodem long music.ChurchofJesusChrist.org mo insaed long Sacred Music mo Gospel Media Ap.

Behold Your Little Ones–Luk Ol Smol W.an blong Yufala

Plante long ol topik we oli stap long neseri lesenbuk, Behold Your Little Ones: Nursery Manual oli kolosap semmak long olgeta we bae yu stap tijim long Praemeri. Speseli sapos yu stap tijim ol smol pikinini, tingting blong lukluk long neseri lesenbuk blong luk sam moa singsing, stori, aktiviti mo samting blong mekem wetem han.

Fren mo Liahona Magasin

Ol magasin ia, Fren, mo Liahona, oli givim sam stori mo aktiviti we i save kam komplitim ol prinsipol we yu stap tijim aot long Kam Folem Mi—Blong Praemeri.

Ol Doktrin mo Kavenan Stori

Ol Doktrin mo Kavenan Stori i yusum ol pikja mo simpol lanwis blong helpem ol pikinini blong lan aot long Doktrin mo Ol Kavenan. Yu save faenem tu ol vidio blong olgeta stori ia insaed long Gospel Laebri ap mo long Gospel Media Library at ChurchofJesusChrist.org.

Skripja Stori Kala Buk: Doktrin mo Ol Kavenan

Insaed long buk ia, i gat ol aktiviti pej we oli helpem ol pikinini blong lanem samting aot long Doktrin mo Ol Kavenan.

Ol Vidio mo Ol Art

Ol artwok, ol vidio, mo ol nara media oli save helpem olgeta we yu stap tijim blong gat wan pikja long doktrin mo ol stori we oli stap go wetem ol skripja. Go luk Gospel Media laebri long ChurchofJesusChrist.org blong luk tru long ol grup blong media risos blong Jos. Ol risos ia oli stap tu long Gospel Media Ap, mo plante pikja oli stap tu insaed long Gospel Art Buk.

Tij Folem Wei blong Sevya

Risos ia, Teaching in the Savior’s Way i save helpem yu blong lan abaot mo stap praktisim ol prinsipol blong stap tij olsem Kraes i bin tij. Olgeta prinsipol ia, oli stap toktok raon long olgeta mo oli stap praktisim olgeta insaed long ol kaonsel miting blong ol tija.

Ol Sent

Ol Sent i grup blong plante buk we oli raetem stori blong histri blong Jos. Buk 1, The Standard of Truth, mo Buk 2, No Unhallowed Hand, i kavremap semfala taem blong histri blong Jos olsem Doktrin mo Ol Kavenan. Ol histri ia, oli save givim yu ol niu tingting o lukluk long wanem i bin stap hapen raon long taem we ol revelesen oli bin kamaot, hemia ol revelesen ia we yu stap stadi long olgeta long Doktrin mo Ol Kavenan.