30 Septanm–13 Oktòb 

Efezyen

“Pou pèfeksyonman sen yo”

Pandan w ap etidye Epit pou Efezyen yo, panse sou ki prensip ou ta ka souliyen pou byen timoun w ap anseye yo. Ekri tout ide ki vin nan lespri w pandan w ap li a.

Ekri enpresyon ou

Envite pataj

Envite timoun yo pou yo kanpe an liy. Mande premye moun ki nan liy nan pou l di yon bagay li te aprann resamman pandan etid ekriti familyal, nan Primè oubyen yon lòt kote. Mande timoun apre a pou l repete sa timoun anvan an te di a epi apre pou l ajoute yon bagay li te aprann sou li. Repete aktivite a jiskaske chak timoun jwenn yon opòtinite pou yo pataje.

Anseye doktrin nan

Timoun ki pi piti yo

Efezyen 2:19

Manm Legliz yo dwe se zanmi ak “konsitwayen.”

Èske timoun nan klas ou yo se plis tankou “etranje” oubyen “konsitwayen” youn ak lòt oubyen avèk lòt manm nan pawas la. Ede yo konprann byenke nou gen diferans, Sovè a ede nou ini e li ede youn renmen lòt.

Aktivite posib

• Mete yon foto Sovè a nan mitan sal la. Envite timoun yo pou yo kanpe nan diferant pati nan sal la pou reprezante “etranje.” Pandan w ap li Efezyen 2:19 la, envite yo pou yo pwoche bò foto Kris la jiskaske yo kanpe tou pre ansanm. Di yo lè nou vin pi pre Sovè a, nou ka vin ini avèk lòt antanke zanmi ak “konsitwayen”.

• Chèche foto timoun nan diferant pati nan mond lan, epi kache yo nan tout sal la. Mete yon foto Sovè a devan sal la. Envite klas la pou yo mete yo de pa de tankou misyonè epi pou yo chèche foto yon “etranje” pou yo mete tou pre foto Sovè a. Ede yo konprann ke lè moun yo batize, yo vin fè pati fanmi Legliz nou, oubyen “moun kay Bondye.” Kijan nou ka ede yon moun ki nouvo santi l byenveni?

Efezyen 6: 1-3

Pè Selès la vle m obeyi paran m.

Pandan w ap li Efezyen 6:1–3 la, panse ak fason ou ka ede timoun yo konprann poukisa l enpòtan pou yo obeyi paran yo.

Aktivite posib

• Li Efezyen 6:1 pou klas la, oubyen ede youn nan timoun yo pou li l. Mande yo pou yo mime kèk moman kote yo te obeyi paran yo. Kisa k ta ka rive si yo pa t obeyi?

• Chante ansanm yon kantik sou obeyisans, tankou “Je veux obéir” (Chants pour les enfants, 197). Kanpe apre premye liy nan, epi mande yon timoun pou l site yon bagay yon paran mande l pou l fè; epi fini chan an. Refè sa plizyè fwa pou lòt timoun yo ka pran tou pa yo.

• Pataje yon eksperyans kote ou te obeyi paran w epi ou te beni. Oubyen pataje istwa sou Chloe a nan diskou Sè Carole M. Stephens nan “Si w renmen m, obeyi kòmandman m yo” (Ensign oswa Liahona, Nov. 2015, 118–20) oubyen pase videyo “Nou pral kay grann” nan (LDS.org).

Efèz 6:10–18

Zam Bondye yo ka pwoteje m.

Kijan w ap ede timoun yo konprann ke fè bon bagay se tankou mete yon boukliye.

Aktivite posib

• Montre foto yon moun ki abiye avèk boukliye tankou sa nan paj aktivite semèn sa a oubyen nan plan leson semèn sa a nan Vini, Suiv Mwen—Pou Moun yo ak Fanmi yo. Pandan w ap rezime Efezyen 6:10–18 la, montre timoun yo kijan diferant pati nan boukliye a pwoteje diferant pati nan kò a. (Gade “The Whole Armor of God,” Friend, Jen 2016, 24–25.)

• Pote plizyè bagay nan klas la ki ka reprezante pati yon boukliye yon mansyone nan Efezyen 6:14–17 la (paregzanp, yon chapo oubyen yon tabliye), oubyen fè senp pati nan papye. Fè timoun yo pran tan pou yo mete ”boukliye” a. Di yo kisa savle di pou n pwoteje kont mal ak kijan mete chak pyès boukliye a sou yo ka pwoteje yo. Kijan nou mete zam BOndye yo sou nou? (Paregzanp, nan etidye ekriti yo, sèvi lòt moun, priye, obeyi, elatriye).

Anseye doktrin nan

Timoun ki pi gran yo

Efèz 2:13–19

Nou se konsitwayen nan kay Bondye a.

Timoun yo ap pi solid lè yo gen bon zanmi nan levanjil la. Kijan w ka ede yo devlope pi bon amitye youn ak lòt?

Nou se “konsitwayen” avèk Sen Bondye yo.

Aktivite posib

• Li Efezyen 2:19 ansanm, epi diskite sou kisa savledi pou n se yon etranje. Pataje yon eksperyans kote w te santi w tankou yon etranje epi yon moun te ede w santi w byenveni e aksepte. Envite yo pou yo pataje menm kalite eksperyans lan. Kisa nou ka fè pou n vin “konsitwayen” olye nou se etranje? Èske gen timoun nan klas ou a ki pa vini souvan, petèt paske yo santi yo tankou etranje? Ede timoun yo prepare yon plan pou ede manm sa yo santi yo byenveni epi nou renmen yo.

• Pou ede timoun w ap anseye yo rapwoche yo youn ak lòt, ekri kèk kesyon sou tablo a ki ap fè yo pataje yon bagay osijè tèt yo, tankou Kilè yo te jwenn yon repons pou yo priyè? oubyen Kisa w pi renmen fè avèk fanmi w? Divize yo de pa de, epi envite yo pou yo chak poze lòt kesyon yo. Kisa yo te aprann youn osijè lòt?

Efezyen 6:1-3

Pè Selès la vle m obeyi paran m e onore yo.

Panse sou fason w ka ede timoun yo konprann poukisa li enpòtan pou yo obeyi paran yo.

Aktivite posib

• Envite yo pou yo li Efezyen 6:1–3 pèsonèlman epi idantifye fraz ki atire atansyon yo. Mande yo pou yo pataje fraz sa yo epi pou yo di poukisa yo enpòtan.

• Envite yo pou yo pataje kèk egzanp sou moun nan ekriti yo ki te obeyi ak onore paran yo, tankou Sovè a (gade Lik 2:42–52), Rit (gade Rit 1), oubyen Nefi (gade 1 Nefi 3:1–8). Poukisa li enpòtan pou n obeyi ak onore paran nou?

• Bay chak timoun yon moso papye ki gen mo onore a nan tèt li. Diskite sou siyifikasyon mo a. Envite yo pou yo ekri oubyen desine sou papye yo a yon bagay yo ka fè pou montre yo onore paran yo.

Efèz 6:10–18

Zam Bondye yo pwoteje m kont mal.

Pandan w ap li Efezyen 6:10–18, panse a kèk danje spirityèl timoun yo fè fas ak sou fason ou ka ede fòtifye yo kont danje sa yo.

Aktivite posib

• Pandan yon timoun ap li Efezyen 6:10–18 la, mande yon lòt pou l fè lis oubyen desine pyès yo mansyone yo sou tablo a. Poukisa boukliye enpòtan nan yon batay? Kijan nou ka mete boukliye espirityèl sou nou chak jou?

• Bay chak timoun tach pou yo yon pyès nan boukliye yo dekri nan Efezyen 6:14–17 la epi make li. Kijan pati sa yo nan boukliye a pwoteje nou kont mal? Kisa Senyè a pwomèt moun ki abiye ak zam Bondye yo? (gade Efezyen 6:13). Kisa sa vle di “reziste nan move jou yo”?

Ankouraje aprantisaj lakay

Envite timoun yo pou yo chèche yon moun ki ka santi l tankou yon etranje semèn sa a. Mande yo pou yo fè yon bagay pou lonje lamen bay moun sa a.

Amelyore ansèyman nou

Ede timoun ki pi piti yo aprann nan ekriti yo. Pou ede timoun ki pi piti yo aprann nan ekriti yo, konsantre sou yon grenn vèsè ekriti oubyen sou yon fraz kle. Ou gen dwa envite yo pou yo kanpe lè yo tande yon mo oubyen yon fraz espesifik. (Gade Anseye nan fason Sovè, 25–26.)