klase ti Primary

Panangusar iti Umaykayo, Sumurot Kaniak—Para iti Primary

Panagsagana a Mangisuro iti Primary

Nasken a ti pagtaengan ti sentro ti panagsursuro iti ebanghelio. Pudno daytoy para kenka ken para kadagiti ubbing nga sursuruam. Bayat ti panagsaganam a mangisuro, rugiam babaen dagiti bukodmo a padas kadagiti nasantuan a kasuratan. Ti kapatgan a panagsaganam ket mapasamak bayat ti panagkalikagummo a magun-od ti inspirasion ti Espiritu Santo.

Umaykayo, Sumurot Kaniak—Para kadagiti Indibidual ken Pamilia ket napateg met a paset ti panagsaganam. Makatulong kenka a manggun-od iti naun-uneg a pannakaawat kadagiti prinsipio iti doktrina a masarakan kadagiti nasantuan a kasuratan.

Bayat ti panagsaganam, dagiti panunot ken impresion umay kenka maipapan kadagiti ubbing a sursuruam. Umawatkanto iti pannakaawat no kasano a dagiti prinsipio iti nasantuan a kasuratan ket mangbendision kadagiti biagda. Maiwanwankanto a maparegta ida tapno matakuatam dagitoy a prinsipio bayat ti panangsuroda manipud kadagiti nasantuan a kasuratan para dagiti bagida ken pamiliada. Laglagipem a managrikna ti kasasaad ti pamilia dagiti ubbing a saan a sumupsuporta ti kanayon a panangadal ti nasantuan a kasuratan kas pamilia.

Kapanunotan ti Panangisuro

Bayat ti panangsaganam a mangisuro, mabalin a magun-odmo dagiti mainayon a pammaregta babaen ti panagsukisok kadagiti balabala iti daytoy a pagadawan. Saanmo a panunoten a dagitoy a kapanunotan ket agsasaruno nga addang iti panangiturong ngem ketdi kas singasing tapno maaddaanka iti bukodmo nga inspirasion. Amammum dagitoy nga ubbing, ken ti Apo ammoda met—agraman no ania ti kasapulanda ken no ania ti maawatanda. Isuna ket paregtaennaka kadagiti kasayaatan a wagas a mangisuro ken mangbendision kadagiti ubbing.

Addaanka iti adu pay a sabali a pagadawan a sidadaan a magun-od bayat ti panagsaganam, pakairamanan dagiti kapanunotan iti Umaykayo, Sumurot Kaniak—Para kadagiti Indibidual ken Pamilia ken dagiti magasin ti Simbaan. Para iti ad-adu pay nga impormasion maipapan iti dagitoy ken dadduma pay a pagadawan, kitaen iti “Dagiti Nayon a Pagadawan para iti Panangisuro dagiti Ubbing.”

Dagiti Sumagmamano a Banag a Laglagipen

• Dagiti nagannak addaan iti kangrunaan a responsabilidad nga isuro dagiti annakda. Kas maysa a mannursuro addaanka iti napateg a responsibilidad a mangsuporta, mangyallukoy, ken mangpadur-as iti panangisuro iti ebanghelio iti pagtaengan. Managriknaka kadagiti ubbing a dagiti nagannak kadakuada ket saan a mangisuro iti ebanghelio iti pagtaenganda. Iraman dagiti amin nga ubbing iti panaglilinnawag ti ebanghelio uray kasano dagiti kasasaad ti pagtaengan.

• Nasayaat ti panagulit-ulit. Ad-adda nga epektibo ti panangsursuro ti kinapudno ti ebanghelio kadagiti ubbing no dagitoy a kinapudno ket maisursuro a nauli-ulit babaen iti nadumaduma nga aktibidad. No masarakam nga epektibo kadagiti ubbing ti maysa nga aktibidad iti panagsursuro, ibilangmo ti panangulit daytoy, nangnangruna no sursuruanyo dagiti in-inaudi nga ubbing. Mabalin met a subliem ti maysa nga aktibidad manipud iti napalabas a leksion.

• Kayat ti Nailangitan nga Ama nga agballigika kas maysa a mannursuro. Impaayanna iti adu a resources a makatulong kenka nga agballigi pakairamanan dagiti miting ti teacher council. Kadagitoy a miting makapagbibinnalakadkayo kadagiti dadduma pay a mannursuro maipapan kadagiti ania man a karit a mabalin a pakaipasanguam. Mabalinmo pay nga ilawlawag ken yaplikar dagiti prinsipio ti panangisuro a kas ken ni Cristo.

• No sursuruam dagiti in-inaudi nga ubbing ken agkasapulan iti nayon a tulong, kitaen iti “Panangipaay Kadagiti Kasapulan dagiti Ub-ubing nga Annak” iti daytoy a pagadawan.

• Iraman daytoy a pagadawan dagiti balabala para iti tunggal lawas ti tawen malaksid dagiti dua a Domingo no maangay ti sapasap a komperensia. Kadagiti Domingo no saan a naangay ti Primary gapu iti komperensia ti stake wenno ania man a dadduma pay a gapu, mabalin lata nga itultuloy dagiti pamilia iti panagbasa iti Baro a Tulag iti pagtaengan maibatay ti binalabala nga iskediul. Tapno mamagtalinaedto iti klasem ti Primary iti iskediul, mabalin a pilien no laktawam iti maysa nga leksion wenno agkukunsabo iti dua a leksion. Tapno maliklikan ti riribuk, mabalin nga ibalakad dagiti presidente ti Primary kadagiti mannursuro maipapan kadagitoy panagbalbaliw ti nasapsapa.

Ina tultulonganna dagiti annakna