“Maysa a Pagtuladan para iti Panangisuro,” Umaykayo, Sumurot Kaniak—Para iti Primary: Baro a Tulag 2019 (2019)
“Maysa a Pagtuladan para iti Panangisuro,” Umaykayo, Sumurot Kaniak—Para iti Primary: 2019
Maysa a Pagtuladan para iti Panangisuro
Iti daytoy a resource, masarakam ti sumaganad a pagtuladan a naulit iti tunggal balabala: yawis ti panagbibinninglay, isuro ti doktrina, ken yallukoy ti panagsursuro iti pagtaengan. Iti adu a gundaway, bayat ti panangisurom, dagiti elemento daytoy a pagtuladan ket mabalin a agsisinnaknib wenno maipan iti sabali nga urnos. Kas pagarigan, ibilang a ti panangbinglay ket maysa a gundaway a mangisuro iti doktrina, ken ti panangisuro iti doktrina ket nasken a mangiraman kadagiti awis a mangibinglay. Kasta met, a ti panangyallukoy iti panangisuro iti pagtaengan ket mabalin a mapasamak iti unos ti panaglilinnawag iti klase. Ipalubos a daytoy agsisinnaknib a mapasamak iti gagangay, babaen ti panangsurot kadagiti parikna ti Espiritu a mangipaay kadagiti kasapulan dagiti sursuruam nga ubbing.
Yawis ti Panagbibinninglay
Kas paset ti tunggal klase, awisem dagiti ubbing a mangibinglay kadagiti riknada, pannakaawat, ken padas maipapan kadagiti pagbatayan iti balabala. Dagiti komentoda mabalin a iraman dagiti padasda iti panagsursuro iti pagtaengan. Mabalinmo met a subliem nga adalen no ania ti nasursuroda idi maudi a lawas ken saludsodem no kasano a naimpluensiaan iti biagda.
Isuro ti Doktrina
Umaykayo, Sumurot Kaniak—Para kadagiti Indibidual ken Pamilia mabalin a makatulong kenka a maawatan ti doktrina nga maisuro kadagiti ubbing. Ibilang no ania kadagiti bersikulo ti nasantuan a kasuratan, dagiti panagadaw, padas, saludsod, ken dadduma pay a pagadawan a mabalin a maibinglaymo tapno matulongam dagiti ubbing a makasuro ken makatignay kadagiti pagbatayan ti ebanghelio. Sapulem dagiti wagas a makatulong kadakuada a maragsakan maipapan iti no ania ti nasursuroda.
Yallukoy ti Panagsursuro iti Pagtaengan
Gapu ta ti pagtaengan isu ti sentro ti panagsursuro ti ebanghelio, maysa kadagiti panggepmo kas maysa a teacher iti Primary ket isu ti mangyallukoy iti panagsursuro iti pagtaengan. Kasano a matulongam dagiti ubbing a mangiburay kadagiti pamiliada no ania ti nasursuroda iti klase? Kasano a ma-yallukoymo dagiti ubbing ken kadagiti nagannak kadakuada a mangituloy a agsursuro manipud iti Baro a Tulag iti pagtaengan?