klase ti Primary

Panangipaay kadagiti Kasapulan dagiti In-inaudi nga Ubbing

Sisasagana ken sigagagar dagiti babassit nga ubbing a mangadal iti ebanghelio no marepresentar dagitoy iti wagas a maawatanda. No isursurum dagiti in-inaudi nga ubbing, ibilangmo dagitoy nga aktibidad a makatulong kadakuada a maisuro (sumagmamano kadagiti in-inauna nga annak mabalin met a mabenepesiaran manipud kadagitoy nga aktibidad):

• Denggem wenno iyakto iti estoria. Ay-ayaten dagiti babassit nga ubbing dagiti estoria—manipud kadagiti nasantuan a kasuratan, iti biagmo, iti pakasaritaan ti Simbaan, wenno kadagiti magasin ti Simbaan. Mangsarak kadagiti wagas a mangiraman kadakuada iti panagsalaysay ti estoria. Mabalinda nga agiggem kadagiti ladawan wenno kadagiti banag, agdrowing kadagiti ladawan a mangmanggegda, iyakem ti estoria, wenno tumulong nga agsalaysay iti estoria. Tulongam dagiti ubbing a mangbigbig iti kinapudno ti ebanghelio kadagiti estoria a naibinglaymo.

• Agbasa ti nasantuan a kasuratan. Mabalin a saan unay a makabasa dagiti babassit nga ubbing, ngem mabalinmmo latta nga iraman ida iti panagsursuro manipud kadagiti nasantuan a kasuratan. Mabalin a kasapulam nga iturong ti atension iti maysa a bersikulo, ti kangrunaan a sasao, wenno ti balikas. Bayat ti panangbasam iti nasantuan a kasuratan iti napigsa, mabalin nga awisem dagiti ubbing nga agtakderda wenno ingato dagiti imada no mangngeganda ti maysa a balikas wenno iti sasao a kayatmo a pakaiturongan ti atension. Mabalin pay a mangikabesada dagiti babassit a sasao manipud kadagiti nasantuan a kasuratan no ulitenda dagitoy iti sagpaminsan. Bayat ti pannakangngegda iti balikas ti Dios, mariknada ti Espiritu.

• Agbalinka nga aktibo. Gapu ta dagiti babassit nga ubbing ket masansan a naregta, mangplanoka kadagiti wagas tapno mapalugodanda nga aggunay iti lawlaw—agmartsa, aglagto, aglagtolagto, agrukob, magna, ken dadduma pay a tignay a mainaig iti pagbatayan wenno estoria nga isursurom. Epektibo dagiti a tignay bayat ti panangkantayo a sangsangkamaysa.

• KItaen ti maysa a ladawan wenno agbuya iti video. No ipakitam kadagiti ubbing ti maysa a ladawan wenno video a mainaig iti pagbatayan ti ebanghelio wenno ti estoria ti nasantuan nga kasuratan, damaggem ida kadagiti saludsud a makatulong kadakuada manipud kadagiti nasursuroda kadagiti makitkittada. Kas pagarigan, mabalinmo a saludsoden, “Ania ti mapaspasamak iti daytoy a ladawan wenno video? Ania ti mariknayo?” Biblevideos.lds.org, medialibrary.lds.org, ken children.lds.org dagiti nasayaat a pagkitaan kadagiti videos.

• Sing.Dagiti himno ken dagiti kanta manipud kadagiti Pagkantaan dagiti Ubbing a sibibileg a mangisuro iti doktrina. Usarem ti indeks ti topiko iti likoddan ti Pagkantaan dagiti Ubbing tapno masarakam dagiti kanta a mainaig iti pagbatayan ti ebanghelio nga isursurum. Tulongam dagiti ubbing a mangtaming ti mensahe dagiti kanta kadagiti biagda. Kas pagarigan, mabalinmo a damagen dagiti saludsod maipapan kadagiti balikas wenno sasao iti balikas ti kanta. Kas nayon iti panagkanta, makaaramid dagiti ubbing kadagiti tignay a maibagay kadagiti kanta wenno ti panagdenggegda kadagiti kanta kas mangkompaniar a musika bayat ti panangaramidda kadagiti sabali pay nga aktibidad.

• Manigbinglay kadagiti kapadasan. Awan unay ti maibinglay dagiti babassit nga ubbing kas iti kinaadda dagiti in-inauna nga ubbing, ngem no mangtedka kadakuada ti espesipiko a pannarabay, makabinglayda met kadagiti riknada ken dagiti padasda maipapan ti nasursuroda.

• Mangaramid. Makaaramid dagiti ubbing, mangidrowing, wenno mangkolor ti maysa a banag a mainaig iti estoria wenno pagbatayan a nasursuroda. Paregtaem ida nga iyawidda dagitoy ken ibinglayda kadagiti miembro ti pamiliada tapno makatulong kadagiti ubbing a manglaggip kadagiti nasursuruda.

• Makiraman kadagiti panggep ti leksion. Makatulong kadagiti ubbing ti simple a panggep ti leksion a maawatan ti maysa a pagbatayan ti ebanghelio a narigat a maawatan. No usarem dagiti panggep ti leksion, mangsapul kadagiti wagas a pakairamannan dagiti ubbing. Makasursuroda ti nalallaeng manipud iti pannakilangen a padas ngem iti manipud laeng iti panangkita ti demonstrasion.

• Mangyakem. No mangyakem dagiti ubbing ti maysa a kasasaad a mabalindanto a pakaipasanguan iti pudno a biag, nasaysayaatdanto a maawatan no kasano a mayaplikar ti maysa a pagbatayan ti ebanghelio iti biagda.

• Uliten dagiti aktibidad Mabalin a kasapulan dagiti ubbing a dumngeg kadagiti konsepto ti maulit-ulit tapno maawatanda dagitoy. Dika agbuteng a mangulit dagiti estoria wenno aktibidad a masansan, uray pay kabayatan ti isu met laeng a leksion. Kas pagarigan, mabalinmo nga ibinglay ti estoria iti nasantuan a kasuratan a maminaddu iti nadumaduma a wagas kabayatan ti leksion—panangbasa manipud kadagiti nasantuan a kasuratan, manggupgop iti bukodmo a balikas, mangipakita ti video, panangtulong dagiti ubbing ti panangsalaysaymo ti estoria, panangawismo kadakuada nga payakem ti estoria, ken dadduma pay. No ti maysa nga aktibidad a nausar iti klase ket maulit iti pagtaengan, ti panangulit-ulit ket makatulong kadigiti ubbing nga makasuro ken makalagip.

• Panakilangen kadagiti dadduma Dagiti ubbing ket pasaysayaatenda ti panakilangen iti padada a tattao ken masansan maragsakanda iti panagsursuro ken panangay-ayam kadagiti kapadadda. Mangaramid kadakuada iti gundaway a mangibinglay, agsisinnublat, ket agtinnulongk bayat iti panangsursuroda.

• Makiraman kadagiti nadumadduma nga aktibidad Gagangay nga ababa ti kapaut ti panagatension dagiti babassit nga ubbing, ken maaddaanda iti nadumaduma nga estilo ti panagsursuro. Usarem dagiti nadumaduma a kita ti aktibidad, ken siputam dagiti pagilasinan a kasapulan dagiti ubbing ti napartak a panagbalbaliw. Kas pagarigan, mabalin a kasapulam a masansan a pagsinnublaten dagiti naulimek wenno naragsak nga aktibidad.

Paset ti akemmo a kas mannursuro iti babassit nga ubbing—kanayonan ti panangisuro kadagiti pagbatayan ti ebanghelio—isu ti mangtulong kadagiti ubbing nga agsursuro no kasano a makiraman iti maitutop iti klase ti Simbaan. Kas pagarigan, mabalin a kasapulanda nga agsursuro maipapan iti panangsisinublat, panangibinglay, panangdayaw kadagiti dadduma, ken dadduma pay. Mangaramid dagiti sumagmamano a mannursuro dagiti tsart nga addaan iti annongen para iti tunggal ubing ket makiraman iti klase iti espesipiko a wagas (kas iti panangkararag, panagiggem iti ladawan, wenno panangiwaras dagiti papel). Dagiti annongen mabalina nga agbaliw iti tunggal lawas. Makatulong dagitoy kadagiti ubbing nga agsisinnublat ken panangiturong kadagiti atensionda iti nasayaat a kababalinda iti klase.

Dagiti ubbing—nangnangruna ti inaudi nga ubbing—masansan a magunggonaan iti kanayon, maipakpakauna a nakairuamam nga araramiden. Gapu ta dagiti babassit nga ubbing addaan iti ababa a paut ti panagatension ken no dadduma ket agpakarigat a mangiturong kadagiti atension iti sibubukel a klase, gagangay a kasayaatan no daytoy a nakairuamam nga araramideni raman a masansan ti pagsinnublat manipud iti maysa a kita ti aktibidad iti sabsabali. Kas pagarigan, mabalin nga iraman iti klasem ti sagpaminsan nga panaginana babaen iti panagay-ayam, panangkolor ti ladawan, ken ti panangkanta, ken dadduma pay.

klase ti Primary