In Remembrance of Me [Aron Paghandom Kanako], ni Walter Rane

Mayo 29–Hunyo 4

Mateo 26; Marcos 14; Juan 13

“Aron Paghandom”

Samtang imong basahon ang Mateo 26; Marcos 14; ug Juan 13, pangita og mga baroganan nga gibati nimo nga makapanalangin sa mga bata nga imong gitudloan.

Dapita ang Pagpaambit

Ipakita ang mga hulagway sa mga panghitabo niini nga mga kapitulo, sama sa Libro sa mga Hulagway sa Ebanghelyo, mga nu. 54–55, ug dapita ang mga bata sa pagsulti kon unsa ang nahitabo diha sa mga hulagway.

Itudlo ang Doktrina: Mas Gagmay nga mga Bata

Mateo 26:26–29; Marcos 14:22–24

Ang sakramento makatabang kanako sa paghunahuna mahitungod ni Jesus.

Tabangi ang mga bata nga makasabot nga ang pag-ambit sa sakramento usa ka kahigayonan sa paghinumdom sa unsay gibuhat ni Jesus alang kanato.

Posible nga mga Kalihokan

• I-summarize ang istorya ni Jesus nga nagpaila sa sakramento. Mahimo nimong gamiton ang “Kapitulo 49: Ang Unang Sakrament[o]” (diha sa Mga Istorya sa Bag-ong Tugon, 124–26). Ngano nga moambit man kita sa sakramento? Tabangi ang mga bata nga makasabot nga atong gihinumdoman si Jesus atol sa sakramento.

• Ipakita sa mga bata ang usa ka piraso sa pan ug usa ka baso sa tubig. Pangutan-a sila kon nakahibalo ba sila kon unsay girepresentar sa pan ug tubig. Ipasabot nga kini nga mga simbolo nagtabang kanato sa paghinumdom nga si Jesus namatay alang kanato ug mibangon gikan sa mga patay.

• Hangyoa ang mga bata sa pagpiyong sa ilang mga mata ug sa paghunahuna sa usa ka tawo nga ilang gimahal, ug dayon dapita sila sa pagsulti kanimo mahitungod niana nga tawo. Hangyoa sila sa pagpiyong sa ilang mga mata pag-usab, sa paghunahuna sa Manluluwas, ug dayon sa pagpaambit og mga butang nga ilang nahibaloan mahitungod Kaniya. Awhaga sila sa paghunahuna mahitungod ni Jesus atol sa sakramento sa matag semana.

• Dapita ang mga bata sa pagpakita kanimo kon unsa ang ilang mahimo aron sa paghinumdom kang Jesus ug sa pagpakita og balaan nga pagtahod atol sa sakramento. Tabangi ang mga bata sa paghimo sa booklet nga gihulagway sa pahina sa kalihokan niini nga semana ug sa paggamit niini aron sa pagtabang kanila nga maghunahuna bahin kang Jesus atol sa sakramento. O papangitaa sila diha sa pipila ka magasin sa Simbahan alang sa mga hulagway ni Jesus ug sa paghimo og koleksiyon sa mga hulagway [collage] nga mahimo nilang tan-awon atol sa sakramento.

Juan 13:34–35

Makahigugma ako sa uban sama sa gibuhat ni Jesus.

Gipakita ni Jesus ang Iyang gugma pinaagi sa pag-atiman niadtong naglibot Kaniya. Unsa nga mga oportunidad nga aduna ang mga bata nga imong gitudloan nga mopakita sa ilang gugma alang sa uban?

Posible nga mga Kalihokan

• Ipakita ang mga hulagway sa mga istorya nga nakat-onan sa mga bata niini nga tuig sa dihang si Jesus mipakita sa Iyang gugma alang sa uban (tan-awa sa nangagi nga mga latid sa Dali, Sunod Kanako—Alang sa mga Indibidwal ug mga Pamilya). Basaha ang Juan 13:34–35, ug tabangi ang mga bata sa pagsulti og usab sa pulongan nga “Ingon nga ako nahigugma kaninyo, paghigugmaay usab kamo.” Sa unsang paagi nga kita makapakita sa atong gugma alang sa atong pamilya ug mga higala?

• Dapita ang usa ka bata sa pagkupot og litrato sa Manluluwas samtang kantahon sa klase ang usa ka awit mahitungod sa gugma sa Manluluwas, sama sa “Maghigugmaay” (Songbook sa mga Bata, 74). Hatagi ang mga bata og mga kasingkasing nga papel ug dapita sila sa pagdrowing og hulagway sa ilang kaugalingon nga nagbuhat og usa ka butang aron sa pagpakita sa ilang gugma alang sa laing tawo.

Itudlo ang Doktrina: Mas Magulang nga mga Bata

Mateo 26:26–29; Marcos 14:22–24

Ang sakramento makatabang kanako sa paghinumdom ni Jesukristo ug sa Iyang sakripisyo alang kanako.

Unsaon nimo pagtabang ang mga bata nga makabaton og mas makahuloganon nga kasinatian sa sakramento?

Posible nga mga Kalihokan

• Dapita ang mga bata nga magpuli-puli sa pagbasa sa mga bersikulo sa Mateo 26:26–29 o Marcos 14:22–24 (tan-awa usab sa Hubad ni Joseph Smith, Marcos 14:20–24 [diha sa Giya ngadto sa mga Kasulatan]) ug sa Doktrina ug mga Pakigsaad 20:75–79. Unsa nga mga pulong ug mga ideya ang magkasusama diha sa duha ka tudling?

• Pangutan-a ang mga bata kon unsa ang ilang gibuhat aron sa pagtabang kanila sa paghunahuna bahin ni Jesus atol sa sakramento. Tabangi sila sa pagpangita og mga kasulatan o mga pulong gikan sa mga himno sa sakramento nga mahimo nilang basahon atol sa sakramento, ug dayon ilista kini sa usa ka kard nga mahimong tan-awon sa mga bata sa sunod nga higayon nga moambit sila sa sakramento. Kantaha ang pipila niini nga mga awit uban sa mga bata (tan-awa sa Mga Himno, mga nu. 98–117).

  

  Ang sakramento makatabang kanato sa paghinumdom ni Jesukristo ug sa Iyang sakripisyo alang kanato.

• Pagsulat og mahinungdanong mga pulongan gikan sa mga pag-ampo sa sakramento diha sa pisara, ug tabangi ang mga bata sa pagsag-ulo niini. Unsa man ang gipasabot niini nga mga pulongan? Nganong importante man nga magbag-o sa atong mga pakigsaad sa bunyag matag semana?

• Dapita ang usa ka naghupot sa Aaronic nga Pagkapari sa pagsulti sa mga bata mahitungod sa iyang kasinatian sa pag-andam, pagpanalangin, o pag-apod-apod sa sakramento. Unsa ang nakatabang kaniya nga mangandam sa pagbuhat niini? Unsa ang iyang gibati samtang nagbuhat siya niini? Sa unsang paagi ang pan ug tubig nagpahinumdom kaniya sa Manluluwas?

• Hangyoa ang mga bata nga nabunyagan na sa pagpaambit kon unsay ilang nahinumdoman mahitungod sa ilang mga bunyag. Unsa ang ilang gibati? Unsa nga mga pakigsaad ang ilang gihimo? (tan-awa sa Mosiah 18:8–10). Sultihi sila nga matag semana sa higayon nga moambit kita sa sakramento, sama ra kini nga nabunyagan pag-usab—mapasaylo kita sa atong mga sala, ug gibag-o nato ang atong mga pakigsaad.

Juan 13:1–17

Si Jesukristo mipakita kanako unsaon sa pagserbisyo sa uban.

Ang istorya sa Manluluwas nga naghugas sa mga tiil sa Iyang mga disipulo makapadasig sa mga bata nga imong gitudloan nga mahigugmaong moserbisyo sa mga tawo sa ilang palibot.

Posible nga mga Kalihokan

• Nag-una og pipila ka adlaw daan, hangyoa ang usa sa mga bata sa pagbasa sa Juan 13:4–9 ug sa pagpaambit sa istorya ngadto sa klase gikan sa panglantaw ni Pedro. Unsa man ang gisulayan sa Manluluwas og tudlo kang Pedro ug sa ubang Apostoles? Mahimong maghisgot ang mga bata mahitungod sa unsay ilang nakat-onan gikan niini nga istorya mahitungod ni Jesukristo. Unsa man ang atong makat-onan mahitungod sa pagserbisyo sa uban?

• Basaha og dungan ang Juan 13:12–17. Hangyoa ang mga bata nga tagsa-tagsang magsulat mahitungod sa usa ka panahon sa dihang ang Manluluwas miserbisyo og laing tawo. Awhaga sila sa paglakip sa unsay ilang nakat-onan gikan sa Iyang ehemplo. Dapita sila nga ipaambit ang unsay ilang gisulat ngadto sa klase.

Juan 13:34–35

Ang mga disipulo ni Jesukristo mohigugma sa uban sama sa Iyang gibuhat.

Sa dihang nabunyagan kita, mihimo kita og mga pakigsaad nga mahimong mga disipulo ni Jesukristo. Sa Juan 13:34–35, gihulagway sa Manluluwas kon sa unsang paagi kita makapakita nga kita Iyang mga disipulo.

Posible nga mga Kalihokan

• Isulat sa pisara kamo. Ingon nga ako kaninyo (Juan 13:34). Dapita ang mga bata sa pagtan-aw sa kasulatan ug sulatan ang mga blangko. Unsa man ang ubang mga butang nga atong mabuhat aron sa pagpakita nga kita mga disipulo ni Kristo? Ang mga bata mahimong maghunahuna og laing mga pulong nga mokompleto sa kapahayag diha sa pisara, sama sa pagserbisyohay ug miserbisyo o pagtudloanay ug mitudlo.

• Dapita ang mga bata sa pagbasa sa Juan 13:35 ug sa paghunahuna og mga tawo nga ilang kaila kinsa mga ehemplo sa mga disipulo ni Jesukristo. Hangyoa sila sa pagpaambit kon sa unsang paagi nga kini nga mga tawo nagpakita og gugma alang sa uban sama sa gibuhat sa Manluluwas.

Awhaga ang Pagkat-on diha sa Panimalay

Dapita ang mga bata sa pagpaambit ngadto sa ilang mga pamilya og usa ka butang nga buhaton nila tungod sa unsay ilang nakat-onan sa klase. Sama pananglit, mahimo silang mopaambit kon unsaon nila sa paghinumdom si Jesukristo atol sa sakramento.

Pagpalambo sa Atong Pagtudlo

Pagpamatuod diha sa imong klase. Ang usa ka pagpamatuod mahimong sama ka yano sa “Nasayod ako nga ang Langitnong Amahan nahigugma sa matag usa kaninyo” o “Maayo ang akong bation samtang magkat-on ako mahitungod ni Jesukristo.”