jun ixq naxtzol li ch’ina al sa’ jun tzoleb’aal sa’ li kapiiy

Xkomon chik li k’anjeleb’aal re xtzolb’aleb’ li kok’al

Eb’ li k’anjeleb’aal a’in neke’tawman sa’ li aplicacion Biblioteca del Evangelio, ut sa’ ChurchofJesusChrist.org.

Kim, Taaqehin—Choq’ reheb’ li komon ut li junkab’al

Naru nakawoksiheb’ li kok’ k’anjel wankeb’ sa’ Kim, Taaqehin—Choq’ reheb’ li komon ut li junkab’al sa’ li tzolok re li Tzoleb’aal reheb’ li Kok’al. Maak’a’ naxye wi eb’ li kok’al ak xe’xb’aanuheb’ li kok’ k’anjel a’an rik’ineb’ lix junkab’al sa’ kab’l; li xka’sutinkil naxtenq’aheb’ chi tzolok. Eb’ li kok’al maare te’raj xseraq’inkil aawe chan ru xe’xb’aanu li kok’ k’anjel a’an rik’ineb’ lix junkab’al ut k’a’ru xe’xtzol.

Eb’ li B’ich ut B’ichleb’aal choq’ reheb’ li Kok’al

Eb’ li loq’laj b’ich neke’xb’oq chaq li Musiq’ej, nokoxtenq’a reek’ankil lix rahom li Dios, ut neke’xk’ut li na’leb’ re naq ink’a’ taasachq chiqu. Jo’ xtz’aqob’eb’ li hu Eb’ li B’ich ut li B’ichleb’aal choq’ reheb’ li Kok’al, naru ajwi’ te’tawmanq li video ut lix yaab’eb’ li b’ich sa’ music.ChurchofJesusChrist.org ut sa’ li aplicacion Música sagrada ut Recursos multimedia del Evangelio.

Re xtawb’al xkomon chik li na’leb’, chi’ilmanq “Roksinkileb’ li b’ich re xk’utb’al li tzol’leb’ ” ut “Xtenq’ankileb’ li kok’al chixtzolb’aleb’ ut chixjultikankileb’ li b’ich sa’ li Tzoleb’aal reheb’ li Kok’al ut sa’ Eb’ li B’ich” sa’ xtiqb’al li aatin re li hu a’in.

Mirad a vuestros pequeñitos

Naab’aleb’ re li na’leb’ neke’k’utman sa’ li manual re li guarderia, Mirad a vuestros pequeñitos: Manual re li guardería, wan xjuntaq’eetileb’ rik’in li te’k’utmanq sa’ li Tzoleb’aal reheb’ li Kok’al. Mas wi’chik wi nakatzoleb’ li kok’al toj ka’ch’ineb’ xyu’am, sik’eb’ li b’ich, seraq’, kok’ k’anjel, ut xkomoneb’ chik k’anjel sa’ li manual re li guarderia.

Amigos

Sa’ li hu Liahona wankeb’ seraq’ ut kok’ k’anjel li naru nakatz’aqob’resi wi’ ruheb’ li na’leb’ yookat chixk’utb’al sa’ Kim, Taaqehin—Choq’ re li Tzoleb’aal reheb’ li Kok’al.

Eb’ li Esilal sa’ li Ak’ Chaq’rab’

Li hu Eb’ li Esilal sa’ li Ak’ Chaq’rab’ naru tixtenq’aheb’ li kok’al chixtzolb’aleb’ li na’leb’ ut li seraq’ li neke’tawman sa’ li Ak’ Chaq’rab’. Naru ajwi’ xtawb’aleb’ li video chirixeb’ li seraq’ a’in sa’ li aplicacion Biblioteca del Evangelio ut sa’ GospelMedia.ChurchofJesusChrist.org.

Hu re xb’onb’aleb’ li esilal sa’ li loq’laj hu: Li Ak’ Chaq’rab’

Sa’ li hu a’in wankeb’ li perel re b’onok choq’ reheb’ li kok’al li te’xtenq’aheb’ chixtzolb’al li Ak’ Chaq’rab’.

Eb’ li video ut li jalam-uuch

Eb’ li jalam-uuch, eb’ li video, ut xkomon chik neke’ru chixtenq’ankileb’ li kok’al li nakatzoleb’ chixtawb’al ru li tzol’leb’ ut li seraq’ chirixeb’ li loq’laj hu. Naru rilb’aleb’ li video ut li jalam-uuch re li Iglees sa’ GospelMedia.ChurchofJesusChrist.org. Naru ajwi’ na’oksiman Recursos multimedia del Evangelio jo’ aplicacion sa’ li celular. Naab’aleb’ li jalam-uuch li naru taawoksi sa’ li tzoleb’aal neke’tawman sa’ li Hu reheb’ li Jalam-uuch re li Evangelio.

Li k’utuk jo’ li Kolonel

Li k’utuk jo’ li Kolonel naru nakatxtenq’a chixtzolb’al ut chiroksinkileb’ li na’leb’ re k’utuk jo’ li Kristo. Neke’aatinak chirixeb’ li na’leb’ a’in sa’eb’ li ch’utam reheb’ laj k’utunel.