Kein Katakin ko Jet n̄an Katakin Ajri ro

Kein jipan̄ kein remaron̄ loi ilo Gospel Library app eo im ilo ChurchofJesusChrist.org.

Itok, Ļoor Eō—N̄an Kajjojo Armej im Baam̧le ko

Kwomaron̄ kōkkari m̧akūtkūt ko jān Itok, Ļoor Eō—N̄an Kajjojo Armej im Baam̧le Ko n̄an kōjerbali ilo kūlaaj in Būraimere eo am̧. Jab inepata n̄e em̧ōj an ajri ro kar kōm̧m̧ani m̧akūtkūt kein ippān baam̧le ko aer ilo m̧weo, āliji ejipan̄ ajri ro ekkatak. Ajri ro remaron̄ kōņaan kwaļo̧k n̄an kwe wāween aer kar kōm̧m̧ani m̧akūtkūt ko ilo baam̧le ko aer im ta eo raar ekkatak.

Al ko im Children’s Songbook

Al ko rekwojarjar rej bōktok Jetōb, ejipan̄ kōj en̄jake iakwe eo an Anij, n̄an kwaļo̧k katak ko ilo juon wāween epen meļo̧kļo̧k e. Ilo kakkobaba n̄an kōjerbal bok ko būrini an Al ko im Children’s Songbook, komaron̄ lo pija in alooj eo im rekoot ko kōn ainikien an elōn̄ al ko im al ko an ajri ro ilo music.ChurchofJesusChrist.org im ilo Sacred Music im Gospel Media app ko.

N̄an ļōmņak ko, lale “Using Music to Teach Doctrine” im “Jipan̄ Ajri ro Ekkatak im Keememej Al ko an Būraimere im Al in Jar ko” ilo appendix eo ilo bok in katak in.

Kom̧in Lale ro Reddik Nejemi

Elōn̄ iaan katak ko kar kwaļo̧k ilo Behold Your Little Ones: Nursery Manual rej einļo̧k wōt ko kwoj katakin ilo Būraimere. Eļaptata n̄e kwoj katakin ajri ro reddikļo̧k, lale bok in katak eo an nursery n̄an lale al ko jet, bwebwenato ko, m̧akūtkūt ko, im pija ko.

Jera

Māākjiin eo Jera ej letok bwebwenato ko im m̧akūtkūt ko me remaron̄ jipan̄ pedped in katak ko kwoj katakin jān Itok, Ļoor Eō—N̄an Būraimere.

Bwebwenato ko ilo Kalim̧m̧ur Ekāāl

Bwebwenato ko jān Bok in Mormon remaron̄ jipan̄ ajri ro ekkatak katak ko im bwebwenato ko me repād ilo Kallim̧ur M̧okta. Kwomaron̄ barāinwōt lo pija in alooj ko kōn bwebwenato kein ilo Gospel Library app eo im ilo MediaLibrary.ChurchofJesusChrist.org.

Bok in Kōļar kōn Bwebwenato ko jān Jeje ko Rekwojarjar—Kallim̧ur Ekāāl

Kein jipan̄ in epād ie peij in kōļar ko rekalimomo me kar ļōmi n̄an kōļapļo̧k ekkatak ko an ajri jān Kalim̧m̧ur Ekāāl.

Pija in Alooj ko im Jin̄a

Jin̄n̄a, pija in alooj ko, im men ko jet remaron̄ jipan̄ ajri ro kwoj katakin pijaikļo̧k katak ko im bwebwenato ko reiookļo̧k jeje ko rekwojarjar. Etal n̄an Gospel Media ilo GospelMedia.ChurchofJesusChrist.org n̄an etali koba in aolep kein jipan̄ ko an media me an Kabun̄ in. Gospel Media eo ej barāinwōt pād āinwōt juon mobile app. Elōn̄ pija ko me komaron̄ kōjerbali ilo kūlaaj rej pād ilo Gospel Art Book.

Teaching in the Savior’s Way

Teaching in the Savior’s Way emaron̄ jipan̄ eok ekkatak kōn im kōjerbal pedped ko an katakin an Kraist. Pedped in katak kein em̧ōj kar kōnono kaki im kar kaminene kaki ilo koonjeļ in kweilo̧k ko an rūkaki.