Հիսուսը լապտերը ձեռքին

Խնայելով կորցրածը, ըստ Մայքլ Թ. Մալմի

Օգոստոսի 15-21-ը

Սաղմոս 49–51, 61–66, 69–72, 77–78, 85–86

«Եւ պատմեմ ձեզ ինչ որ արաւ նա իմ անձի համար»

Ավետարանը ուսումնասիրողի ձեր օրինակը կարող է մեծ ազդեցություն ունենալ երեխաների վրա: Նրանց հետ կիսվեք ավետարանի ուսումնասիրման ձեր հոգևոր փորձառություններով:

Գրի առեք ձեր տպավորությունները

կիսվելու պատկերակ

Հրավիրեք կիսվել

Երեխաների հետ կիսվեք որևէ սաղմոսից, օրհներգից կամ մանկական երգից մի հատվածով, որն օգնում է ձեզ զգալ Փրկիչի սերը: Յուրաքանչյուր երեխայի հնարավորություն տվեք նույնն անել:

ուսուցման պատկերակ

Ուսուցանեք վարդապետությունը. կրտսեր խմբի երեխաներ

Սաղմոս 51․10

Երբ ես սխալ ընտրություն կատարեմ, Հիսուս Քրիստոսը կարող է օգնել ինձ փոխվել։

Օգնեք երեխաներին հասկանալ, որ սխալները մահկանացու կյանքի մի մասն են, և մենք կարող ենք օգնություն ստանալ Հիսուս Քրիստոսից՝ դրանք հաղթահարելու համար:

Հնարավոր վարժություններ

• Կիսվեք որևէ պարզ օրինակով ձեր կյանքից և Ընկեր կամ Լիահոնա ամսագրերից մի երեխայի մասին, ով սխալ ընտրություն էր կատարել, բայց օգնություն ստացավ Փրկիչից՝ ավելի լավը դառնալու համար (օրինակ՝ դիտեք տեսանյութը՝ “The Shiny Bicycle” ChurchofJesusChrist.org): Կարդացեք Սաղմոս 51.10-ը և կիսվեք այն ուրախությամբ, որը դուք զգում եք, երբ Փրկիչն օգնում է ձեզ ունենալ «սուրբ սիրտ» և «ուղիղ հոգի»:

• Ցույց տվեք երեխաներին այս շաբաթվա գործնական աշխատանքի էջը: Նշեք յուրաքանչյուր նկարը և խնդրեք երեխաներին նկարագրել իրենց տեսածը: Կարդացեք ենթագրերը՝ օգնելով երեխաներին իմանալ ապաշխարության և ներման մասին:

Սաղմոս 71․8

Ես կարող եմ պատմել ուրիշներին Հիսուս Քրիստոսի մասին։

Երեխայի հավատքով լի խոսքերը սրտեր հուզելու եզակի ուժ ունեն: Երեխաներին հավաստիացրեք, որ Հիսուս Քրիստոսի մասին իրենց վկայությունը կարող է օգնել ուրիշներին:

երկու տղա միասին նստած են աթոռին

Մենք կարող ենք ուրիշների հետ խոսել այն մասին, թե ինչ է արել Հիսուսը մեզ համար:

Հնարավոր վարժություններ

• Երեխաների համար կարդացեք Սաղմոս 71.8-ը և գրատախտակին նկարեք մի մեծ բերան: Խնդրեք նրանց օգնել ձեզ «լցնել» բերանը այնպիսի բաներով, որոնք մենք կարող ենք ուրիշներին պատմել Հիսուս Քրիստոսի մասին:

• Միմյանց փոխանցեք Հիսուս Քրիստոսի նկարը։ Խնդրեք երեխաներին հերթով պահել նկարը և ասել մի բան, որ նրանք գիտեն Նրա մասին: Նա ի՞նչ է արել մեզ համար: (Ավետարանի նկարների գրքի նկարները կարող են որոշ գաղափարներ տրամադրել:)

Սաղմոս 86․7

Երկնային Հայրը լսում և պատասխանում է իմ աղոթքներին։

Սաղմոսներից շատերը նման են Աստծուն ուղղված աղոթքներին՝ օգնության, առաջնորդության կամ պաշտպանության համար: Մտածեք, թե ինչպես կարող եք օգնել երեխաներին կառուցել իրենց հավատը առ այն, որ Երկնային Հայրը լսում և պատասխանում է իրենց, երբ իրենք աղոթում են:

Հնարավոր վարժություններ

• Հարցրեք երեխաներին, թե ինչպես են նրանք խոսում իրենցից հեռու ապրող մարդկանց հետ: Ցույց տվեք նրանց այն բաները, որոնք մենք կարող ենք օգտագործել հաղորդակցվելու համար, օրինակ՝ հեռախոս կամ նամակ: Նրանց համար կարդացեք Սաղմոս 86․7: Մենք ինչպե՞ս ենք «կանչում» Երկնային Հորը: Ինչպե՞ս է Նա պատասխանում մեզ:

• Հրավիրեք երեխաներին դերախաղով կատարել իրենց ամենօրյա գործողությունները, ինչպիսիք են՝ արթնանալը, նախաճաշելը, դպրոց գնալը կամ քնելը: Օգնեք նրանց օրվա ընթացքում գտնել ընդմիջումներ, երբ նրանք կարող են աղոթել Երկնային Հորը: Վկայեք, որ մենք կարող ենք աղոթել Նրան ցանկացած պահի, և Նա միշտ կլսի մեզ:

• Երեխաների հետ միասին երգեք որևէ երգ աղոթքի մասին, օրինակ՝ “A Child’s Prayer” (Children’s Songbook, 12–13)։ Պատմեք մի ժամանակի մասին, երբ Աստված պատասխանում էր ձեր աղոթքներին:

Սաղմոս 77․11

«Հիշում եմ Տիրոջ գործերը»

Սուրբ գրությունները կարող են ամրացնել մեր հավատը Հիսուս Քրիստոսի հանդեպ՝ օգնելով մեզ հիշել Նրա «հրաշքները յաւիտենից»:

Հնարավոր վարժություններ

• Երեխաների համար կարդացեք 77.11-ը և ասեք նրանց, թե դուք ինչպես եք փորձում հիշել «Տիրոջ գործերը», ներառյալ Նրա գործերը ձեր կյանքում: Հրավիրեք երեխաներին նկարներ նկարել, որոնք կօգնեն նրանց հիշել Նրա կատարած մեծ գործերը:

• Ցույց տվեք նկարներ այս գրքից կամ Եկ, հետևիր ինձ, Անհատների և ընտանիքների համար ձեռնարկից՝ հիշեցնելով երեխաներին Հին Կտակարանից իրենց սովորած պատմություններն այն մեծ բաների մասին, որոնք Տերն արել է Իր ժողովրդի համար: Հարցրեք նրանց, թե այս պատմություններից որն է նրանց ամենաշատը դուր գալիս և ինչու:

ուսուցման պատկերակ

Ուսուցանեք վարդապետությունը. ավագ խմբի երեխաներ

Սաղմոս 51

Ապաշխարությունը սրտի փոփոխություն է։

Սաղմոս 51-ը ընդգրկում է մի քանի ճշմարտություններ ապաշխարության մասին: Ինչպե՞ս կօգնեք երեխաներին բացահայտել այս ճշմարտությունները։

Հնարավոր վարժություններ

• Յուրաքանչյուր երեխայի հանձնարարեք կարդալ այս շաբաթվա գործնական աշխատանքի էջում տրված սուրբ գրությունների հղումներից մեկը: Խնդրեք նրանց գտնել բառեր, որոնք ինչ-որ բան են նրանց ուսուցանում ապաշխարության մասին: Թույլ տվեք նրանց այդ բառերը գրել գրատախտակին: Երբ բոլորը կիսվեն, հարցրեք երեխաներին, թե ինչպես նրանք կպատասխանեին իրենց ընկերոջը, ով հարցնում է. «Ի՞նչ է նշանակում ապաշխարել»:

• Գրատախտակին նկարեք մի սիրտ։ Խնդրեք երեխաներին նշել մի քանի մեղքեր, որոնք սատանան գայթակղում է մեզ գործել: Գրեք այդ մեղքերը սրտի ներսում: Խնդրեք երեխաներին գտնել սիրտ բառը Սաղմոս 51.10, 17-ում: Ի՞նչ են մեզ սովորեցնում այս հատվածները ապաշխարության մասին (տես նաև հատված 6): Օգնեք երեխաներին հասկանալ, որ նույնիսկ, եթե մենք դադարենք մեղք գործել, մեր սրտերը պետք է փոխվեն, որպեսզի ապաշխարենք: Խնդրեք երեխաներին ջնջել գրատախտակին նկարված սրտի մեջ գրված մեղքերը և գրել նոր բառեր, որոնք նկարագրում են մեր սրտերի փոփոխությունը, երբ ապաշխարում ենք: Կիսվեք ձեր վկայությամբ, որ Աստված կարող է «սուրբ սիրտ ստեղծել [մեզանում]», երբ մենք ապաշխարենք (հատված 10):

Սաղմոս 66.16, 77.11, 78.7

«Հիշում եմ Տիրոջ գործերը»

Իսրայելացիները իրենց երեխաներին սովորեցնում էին այն հրաշքների մասին, որոնք Աստված արել էր իրենց համար, որպեսզի երեխաները «իրանց յոյսը Աստուծոյ վերայ դնեն» (Սաղմոս 78.7):

Հնարավոր վարժություններ

• Խնդրեք երեխաներին ձեզ հետ կիսվել սուրբ գրությունների իրենց սիրած պատմություններից մի քանիսով (նկարներ Ավետարանի նկարների գրքից կարող են օգնել նրանց հիշել այդ պատմությունները): Ինչո՞ւ են նրանք սիրում այս պատմությունները: Այս պատմություններն ի՞նչ են ուսուցանում մեզ Տիրոջ մասին: Միասին կարդացեք Սաղմոս 77.11, 78.7-ը: Ինչո՞ւ է կարևոր «հիշել Տիրոջ գործերը»։

• Երեխաներին խնդրեք կարդալ Սաղմոս 66.16-ը և մտածեք կամ գրեք այս հարցի պատասխանները. «Ի՞նչ է արել Տերն իմ անձի համար» Ապա թող նրանք կիսվեն իրենց պատասխաններով, եթե կցանկանան: Մենք ի՞նչ կարող ենք անել, որ «միշտ հիշենք» (Մորոնի 4.3, 5.2), թե Տերը ինչ է արել մեզ համար:

Սաղմոս 86.5, 13, 15

Տերը կամենում է ներել

Երբ մենք մեղք ենք գործում, սատանան ցանկանում է, որ մտածենք, թե Տերը մեզ երբեք չի ների: Օգնեք երեխաներին կառուցել իրենց հավատն առ այն, որ Տերը «ներող, եւ ողորմութիւնով հարուստ է» (Սաղմոս 86.5):

Հնարավոր վարժություններ

• Ցույց տվեք Փրկիչի նկարը (օրինակ՝ Եկ, հետևիր ինձ. Անհատների և ընտանիքների համար ձեռնարկում) և հարցրեք երեխաներին, թե ինչ բառեր կօգտագործեին Նրան նկարագրելու համար: Հրավիրեք նրանց գտնել բառեր, որոնք նկարագրում են նրան Սաղմոս 86.5, 13, 15-ում: Անհրաժեշտության դեպքում օգնեք նրանց սահմանել այս բառերը: Ի՞նչ կարող ենք ասել ընկերոջը, ով զգում է, որ Աստված զայրացած է իր վրա, երբ նա մեղք է գործում:

• Երեխաների հետ երգեք մի երգ, որը, ձեր կարծիքով, կօգնի նրանց հասկանալ Փրկիչի ներողամիտ բնույթը, օրինակ՝ «Ես մնում եմ զարմացած» (Հիմներ և մանկական երգեր, հ. 22): Կիսվեք ձեր վկայությամբ, որ Հիսուս Քրիստոսը ցանկանում է ներել մեզ:

սովորելու պատկերակ

Խրախուսեք տնային ուսումնասիրությունը

Հրավիրեք յուրաքանչյուր երեխայի նշել մի պատճառ, որի համար նրանք սիրում են Երկնային Հորը և Հիսուս Քրիստոսին: Խրախուսեք նրանց այդ պատճառով տանը կիսվել ինչ-որ մեկի հետ: Վկայեք, որ նրանց խոսքերը կօրհնեն այդ մարդուն:

Բարելավել մեր ուսուցումը

Վստահություն արտահայտեք «Եթե երեխաները զգան, որ դուք նրանց վստահում եք, նրանց վստահությունը իրենց աստվածային ներուժի հանդեպ կաճի: Սիրով ասեք, որ գիտեք, որ նրանք կարող են պատասխանատու լինել իրենց ուսման համար» (Ուսուցանել Փրկիչի ձևով, 28):

գործնական աշխատանքի էջ. երբ ես սխալ ընտրություն եմ կատարում, Հիսուս Քրիստոսը կարող է օգնել ինձ փոխվել