dagiti mannursuro ken babassit nga ubbing iti siled ti klase iti simbaan

Dagiti Nainayon a Resources para iti Panangisuro kadagiti Ubbing

Masarakan dagitoy a resources iti Gospel Library app ken iti ChurchofJesusChris.org.

Umaykayo, Sumurot Kaniak—Para kadagiti Indibidual ken Pamilia

Mabalinmo nga ibagay dagiti aktibidad manipud iti Umaykayo, Sumurot Kaniak—Para kadagiti Indibidual ken Pamilia a mausar iti klasem ti Primary. Saanka a madanagan no nalpasen nga inaramid dagiti ubbing dagitoy nga aktibidad kadagiti pamiliada iti pagtaengan; makatulong a makasursuro dagiti ubbing ti panangulit. Mabalin a kayat dagiti ubbing nga ibagada kenka no kasano nga inaramidda dagitoy nga aktibidad kadagiti pamiliada ken no ania ti nasursuroda.

Hymns ken Children’s Songbook

Ti sagrado a musika ti mangawis iti Espiritu ken mangisuro iti doktrina iti nakallalagip a wagas. Kas nayon kadagiti naiprenta a bersion ti Hymns ken ti Children’s Songbook’ masarakam dagiti audio ken video recording ti adu a himno ken kanta dagiti ubbing iti music.ChurchofJesusChrist.org ken iti Sacred Music ken Gospel Media Library apps.

Para kadagiti kapanunotan, kitaen dagiti benneg a “Panangusar iti Musika a Mangisuro iti Doktrina” ken “Panangtulong kadagiti Ubbing nga Agsursuro ken Manglagip kadagiti Kanta iti Primary ken Himno” iti “Dagiti Pangiturong para iti Oras ti Panagkanta ken Pabuya dagiti Ubbing iti Musika iti Sakramento” iti daytoy a resource.

Adtoy dagiti Babassit nga Ubbingyo

Adu kadagiti topiko a nadakamat iti Behold Your Little Ones: Nursery Manual ti kapada dagiti isuromto iti Primary. Nangruna no mangisuroka kadagiti in-inaudi nga ubbing, ibilangmo ti panangkita iti nursery manual para kadagiti nayon pay a kanta, estoria, aktibidad, ken crafts.

Friend a Magasin

Ti Friend a magasin ti mangted kadagiti estoria ken aktibidad a mabalin a suplemento kadagiti pagbatayan nga isursurom manipud iti Umaykayo, Sumurot Kaniak—Para iti Primary.

Dagiti Estoria iti Daan a Tulag

Dagiti Estoria iti Daan a Tulag ti makatulong kadagiti ubbing a mangsursuro iti doktrina ken dagiti estoria a masarakan iti Daan a Tulag. Masarakam pay dagiti video kadagitoy nga estoria iti Gospel Library app ken iti MediaLibrary.ChurchofJesusChrist.org.

Libro ti Panagkolor kadagiti Estoria iti Nasantuan a Kasuratan—Daan a Tulag

Naglaon daytoy a resource kadagiti panid ti pagraragsakan nga aktibidad iti panagkolor a naisangrat a mangpasayaat iti panagsursuro dagiti ubbing manipud iti Daan a Tulag.

Dagiti Video ken Arte

Ti artwork, dagiti video, ken dadduma pay a media ti makatulong kadagiti sursuruam a mangiladawan iti panunotda iti doktrina ken dagiti estoria a mainaig kadagiti nasantuan a kasuratan. Bisitaen ti Gospel Media iti MediaLibrary.ChurchofJesusChrist.org tapno i-browse ti koleksion ti Simbaan iti media resources. Sidadaan pay a mausar ti Gospel Media kas mobile app. Masarakan dagiti adu a ladawan a mabalinmo nga usaren iti klase iti Libro ti Arte ti Ebanghelio.

Panangisuro iti Wagas ti Mangisalakan

TiPanangisuro iti Wagas ti Mangisalakan ti makatulong kenka a makasursuro ken mangusar kadagiti pagbatayan iti panangisuro a kas ken ni Cristo. Nailawlawag ken nausar dagitoy a pagbatayan kadagiti teacher council meeting.