iDusidusi ni Gauna ni Lagalagasere kei na Nodra Vakaitavi na Gone ena Soqoni ni Sakaramede

Kemuni na Mataveiliutaki ni Lalai kei na iLiuliu ni Sereivakatagi,

Era sa dua na yaragi kaukauwa na sere ni Lalai me vukei ira na gone ni vulica na ituvatuva ni bula marau ni Tamada Vakalomalagi kei na veidina yavutaki ni kosipeli i Jisu Karisito. Ni ra lagata tu na gone na ivakavuvuli ni kosipeli, na Yalo Tabu ena vakadinadinataka na kedra dina taucoko. Na qaqana kei na ivakatagi ena tiko ga ena nodra vakasama kei na lomadra na gone ena nodra bula taucoko.

Vakasaqara na veivuke ni Yalotabu ena nomu vakavakarau mo vakavulica na kosipeli ena sereivakatagi. Wasea na nomu ivakadinadina me baleta na veika dina o lagata tu. Vukei ira na gone ni raica na sala e semati kina na sereivakatagi ki na ka era sa vulica ka sotava tiko e vale kei na kalasi ni Lalai. Era na vakalougatataki na gone kei na nodra matavuvale ena nomu sasaga yalodina.

Keitou lomani iko ka vakadewataka na neitou vakavinavinaka ena veiqaravi yalodina o sa vakayacora tiko me ra maroroi ka taqomaki kina na noda gone talei.

Na Mataveiliutaki Raraba ni Lalai

iDusidusi ni Gauna ni Lagasere

5 na miniti (mataveiliutaki ni Lalai): iDolamasu, ivolanikalou se yavu ni vakabauta, kei na dua na vosa

20 na miniti (iliuliu ni sereivakatagi): Gauna ni lagasere

Na digitaka na sere ni vula yadua na mataveiliutaki ni Lalai kei na iliuliu ni sereivakatagi me vaqaqacotaka na ivakavuvuli eso era sa vulica tiko na gone ena nodra kalasi vakakina e vale. E dua na lisi ni sere e vaqaqacotaka na veivakavuvuli oqo e sa okati ena idusidusi oqo. Na veisere oqo sa vakatututaki talega ena ituvatuva ni Lako Mai, Mo Muri Au—Baleta na Lalai kei na Lako Mai, Mo Muri Au—Me Baleta na Tamata Yadua kei na Matavuvale.

Ni ko vakavulica na sere vei ira na gone, sureti ira ni wasea na ka era sa vulica oti ena italanoa kei na ivakavuvuli vakaivunau ena sere eso o vakavulica. O na rairai vinakata mo railesuva na ituvatuva ni Lako Mai, Mo Muri Au—Baleta na Lalai era sa vulica tiko na gone ena nodra kalasi. Oqo ena vukei iko ni kidava tu na italanoa kei na ivakavuvuli eso era sa vulica tiko me rawa ni o navuca na sala me tokoni kina na nodra vuli vata kei na vakayagataki na sereivakatagi.

Donuya na gauna ni lagasere, sa rawa ni o railesuva talega na sere eso era sa vulica oti na gone kei na sere era taleitaka ni lagata. Ni ko railesuva, sureti ira na gone ni wasea na nodra vakasama kei na nanuma me baleta na dina era tiko ena sere.

Na iVolanisere na Gonelalai e sa yavu ni ivurevure ni sereivakatagi ena Lalai. Na sere eso mai na serenilotu kei na sere mai na iTokani se Liaona e sa maqosa talega. Era na rairai lagata vagauna na gone na sere ni vanua se vakacagicagi e veiganiti kaya na Sigatabu vakakina na nodra yabaki ni bula na gone. Na vakayagataki ni so tale na sereivakatagi ena Lalai sa dodonu me vakadonuya na matabisopi (raica na iVolavakarau Raraba: Veiqaravi e Na Lotu i Jisu Karisito ni Yalododonu Edaidai, 12.3.4, ChurchofJesusChrist.org).

Rai Vakararaba ni Lalai

Ena veimacawa, sa okati ena Lalai na:

Gauna ni lagasere:25 na miniti

Veisau:5 na miniti

Kalasi:20 na miniti

Sa rawa vei ira na iliuliu ni Lalai levu cake ni wasea rua na ilawalawa ni gone ka me tiko e dua na ilawalawa ena veikalasi ni Lalai ni vakayaco gauna ni lagasere tiko na ilawalawa kadua. Me na qai veisau na ilawalawa e rua oqo. Ena gauna vakaoqo, era na rairai gadreva na iliuliu ni Lalai me moici na gauna e vakaraitaki toka e cake me veiraurau kei na nodra ituvaki.

Sereivakatagi Vakatututaki ena Gauna ni Lagasere

Janueri

• “Au Luve ni Kalou,” iVolanisere ni Gonelalai, 2–3

• “I Know My Father Lives,” Children’s Songbook,5

• “When He Comes Again,” Children’s Songbook, 82–83

Feperueri

• “Follow the Prophet,” Children’s Songbook, 110–11 (verse3)

• “Tala Mai Na Luvena,” iVolanisere ni Gonelalai, 20

• “Digitaka na Dodonu,” Sere ni Lotu, naba 142.

Maji

• “Love One Another,” Children’s Songbook, 136–37

• “Help Me, Dear Father,” Children’s Songbook,99

• “‘Give,’ Said the Little Stream,” Children’s Songbook,236

Epereli

• “Na Noda iVakabula,” Sere ni Lotu, naba 5

• “Did Jesus Really Live Again? Children’s Songbook,64

• “Keep the Commandments,” Children’s Songbook, 146–47

Me

• “I Will Walk with Jesus” (music.ChurchofJesusChrist.org)

• “Search, Ponder, and Pray“ Children’s Songbook,109

• “I Love to See the Temple,” Children’s Songbook,95

June

• “I Will Be Valiant,” Children’s Songbook,162

• “A Child’s Prayer,” Children’s Songbook, 12–13

• “Me’u Na Muri Jisu Tu,” iVolanisere ni Gonelalai, 44

Julai

• “The Holy Ghost,” Children’s Songbook,105

• “I Know My Father Lives,” Children’s Songbook,5

• “I Love to See the Temple,” Children’s Songbook,95

Okosita

• “Sa Bula Tiko na iVakabula,” Sere ni Lotu, naba 75

• “Au Vakilai Koya,” iVolanisere ni Gonelalai, 74–75

• “Tuberi Au e Nona Loloma,” iVolanisere ni Gonelalai,177

Sepiteba

• “Kindness Begins with Me,” Children’s Songbook,145

• “Keep the Commandments,” Children’s Songbook, 146–47

• “I Will Walk with Jesus” (music.ChurchofJesusChrist.org)

Okotova

• “Au Vakilai Koya,” iVolanisere ni Gonelalai, 74–75

• “Au Nuitaka Me’u Sa Lako Tu,” iVolanisere ni Gonelalai,91.

• “Matavuvale me Tawamudu Tu,” iVolanisere ni Gonelalai,98

Noveba

• “Follow the Prophet,” Children’s Songbook, 110–11 (verse7)

• “Turaga Keitou Vuabale,” Sere ni Lotu, naba 10

• “Me’u Sa Bulataka Tu,” iVolanisere ni Gonelalai,72.

Tiseba

• Ena Lesu Tale Beka Mai,” iVolanisere ni Gonelalai, 46

• “Vakasaqara na Turaga,” iVolanisere ni Gonelalai,108

• Mai Peceliema,” Volanisere ni Gonelalai, 42–43

Vakayagataki ni Sereivakatagi me Vakavulici kina na iVunau

Sa inaki ni gauna ni lagasere me vukei ira na gone ni vakila na veivakauqeti ni Yalo Tabu ni ra vulica tu na dina ni kosipeli. Na veivakasama oqo sa rawa ni vakauqeti iko ni o tuvana tu na sala eso me vakavulici kina na ivakavuvuli ni kosipeli era tiko ena serenilotu kei na nodra sere na Lalai.

Wilika na ivolanikalou veisemati. Ena nodra iVolanisere na Gonelalai kei na Sere ni Lotu, na idusidusi eso ki na ivolanikalou veisemati e sa okati tu ki na vuqa na sere kei na serenilotu. Vukei ira na gone ni wilika eso na yatuvosa oqo, ka veivosakitaka na sala e semati kina ki na sere na ivolanikalou eso. Sa rawa talega mo vola e vica na tiki ni ivolanikalou ena papa ka sureta na gone me ra vakasotara vata na tikina yadua ki na dua na sere se tikina mai na dua na sere.

Vakalewena na vanua lala Vola e dua na tiki ni sere ena papa ni volavola ka yali kina e vica na vosa bibi. Qai kerei ira na gone me lagata na sere, vakarogoca na vosa e vakatawana na veivanua lala. Ni ra vakalewena tu na vanua lala yadua, veivosakitaka na ivakavuvuli ni kosipeli cava so era sa vulica mai na vosa era yali tu.

Vakayagataka na qaqanivosa mai vei ira na iliuliu ni Lotu Sureti ira na gone ni vakarorogo ki na dua na qaqanivosa mai na dua na iliuliu ni Lotu e vakavulica tu na ivakavuvuli ni kosipeli vata ga ena sere ni Lalai. Kerei ira ni laveta na ligadra ni ra rogoca e dua na ka e vukei ira ni kila vakamatata na dina era sa lagata tiko. Kerei ira ni wasea na ka era rogoca.

Vakadinadinataka Wasea vakalekaleka na ivakadinadina vei ira na gone dinati kosipeli e kune ena sere ni Lalai. Vukea me ra kila vakamatata na gone ni lagasere e sa dua na sala era rawa ni wasea kina na nodra ivakadinadina ka vakila na Yalotabu.

Tucake vaka e dua na ivakadinadina Sureta na gone me ra veivukevuke ni tucake ka wasea na ka era sa vulica mai na sere era lagata tiko se na veika era vakila me baleta na dina e vakavulici tu ena sere. Tarogi ira se cava era vakila tu ni ra lagata na sere, ka vukei ira ni kila na veivakayarayarataki ni Yalo Tabu.

Vakayagataka na yaloyalo. Kerea na gone me ra vukei iko na vakaraica se cakava na yaloyalo eso e sala vata kei na vosa se malanivosa bibi eso ena sere. Sureti ira na wasea na sala era semati kina ki na sere na yalayalo kei na ka e vakavulica tu na sere. Me ivakaraitaki, kevaka o vakavulica tiko na sere “Ena Lesu Tale Beka MaiiVolanisere ni Gonelalai, 46), sa rawa ni o biuta wavoki ena rumu na yaloyalo eso e vakatakila na veivosa bibi mai na sere (vaka na agilosi, uca cevata,, kei na kalokalo). Kerea me ra kumuna na yaloyalo na gone ka tauri ira cake ena kena ituvatuva dodonu ni lagati vata tu na sere.

Wasea e dua na lesoni vakatakarakara. Sa rawa mo vakayagataka e dua na vakatakarakara me vakauqeta na veivosakitaki ni dua na sere. Me ivakaraitaki, na sere “Seek the Lord Early” (Children’s Songbook,108) e tukuna baleta na vakasaqarai ni Turaga. O rawa ni vunitaka e dua na yaloyalo ni iVakabula ena rumu ka sureta e dua na gone me vakasaqara. Ni sa kunea tu na gone na yaloyalo, veivosakitaka na veika e cakava me raica kina. Oqo e rawa ni muataki ki na veivosakitaki ni ka era tukuni tu ena sere eda rawa ni cakava me qarai kina na Turaga.

Sureti na veiwasei ni veika eda sotava. Vukea na gone me ra semata na ivakavuvuli era vakavulici tu ena sere kei na veika era sa sotava kei na veivakavuvuli o ya. Me ivakaraitaki, ni bera ni lagati na “I Love to See the Temple” (Children’s Songbook,95), sa rawa mo kerea na gone me ra laveta na ligadra kevaka era sa raica e dua na valetabu. Sureta me ra vakasama ni ra lagata tiko na ka era vakila tu ni ra raica na valetabu.

Vakatataro. E vuqa tu na taro o rawa ni taroga ni o lagasere tiko. Me ivakaraitaki, sa rawa mo tarogi ira na gone na ka era sa vulica mai na qaqa ni sere yadua. Sa rawa talega ni o kerea me ra vakasamataka na taro eso ka sauma tu na sere. Oqo e rawa ni muataki ki na veivosakitaki ni dina eso e vakavulici tu ena sere.

Vakarogoca na isau ni taro Kerei ira na gone mera vakarogoca na isau ni taro. Me ivakaraitaki, na sere “Tala Mai Na Luvena” (iVolanisere ni Gonelalai, 20) e tiko kina na taro kei na isaunitaro eso. Sa rawa ni o vakatarogi ira na gone ka mera qai vakarogoca na kena isau ni ra lagasere.

Nodra Vukei na Gone ni Vulica ka Nanuma na Sere ni Lalai kei na Serenilotu

Era vulica na sere na gone mai na kena rogoci ka lagati vakaveitaravi tu. Dau lagata tu ga na qaqa ni dua na sere vou vei ira na gone—kakua ni wilika se cavuqaqataka ga vei ira. Oqo e vukei ira na gone ni semata na kena ilagalaga ki na qaqana. Ni sa vakavulici oti e dua na sere, rasilesuva ena so na sala ivakarau lasa ena loma taucoko ni yabaki. Sa tiko e ra eso na vakasama me vukei ira na gone ni vulica ka railesuva na sere.

Caka ivolakabi Vakaraitaka na ivolakabi eso kei na vosa mai na qaqana se yaloyalo yadua e matataka na vosa. Ni ra lagasere tu na gone, ubia eso na vosa se yaloyalo me yacova ni ra sa lagata rawa na qaqana taucoko ni sega na ivolakabi. Sa rawa talega ni o sureta na gone me ra vukei iko na cakava na ivolakabi eso.

Vakaraitaka na rorogo. Me vukei ira na gone ni vulica na ilagalaga ni sere, vakababataka na ligamu, ka ni ko lagata tiko na qaqana, tosoya cake na ligamu me vakatakila na lako cake ni domo ka biuta sobu me vakatakila na lutu ni domo.

Voqa. Sureta na gone me ra sa nomu voqa ena vakatotomuri ni ka o lagata. Lagata vei ira na gone e dua na malanivosa lekaleka se yatuvosa, ka mera qai lagata lesu mai vei iko.

Vakayagataka na duidui. Lagata na sere ena veisala duidui, vaka na vakasolokakana, vagugu, sauvaki ni ividi, moiyaki ni itautau, se lagasere voli ni o dabe tu se tucake. O rawa talega ni cakava e dua na kiube ena pepa ka, ena yasana yadua, vola e dua na sala duidui ni lagasere. Sureta e dua na gone me vaqiqica na kiube me navuci na sala era na lagata kina na gone na sere.

Lagasere vakailawalawa. Solia ki na kalasi se tamata yadua e dua na malanivosa me lagata ni ra tucake tu, ka me ra qai veisautaki malanivosa me yacova ni sa vakaitavi na kalasi se tamata yadua ena lagati ni veimalanivosa.

Vakayagataka na imoimoi ni liga. Sureta na gone me ra vakasamataka eso na imoimoi ni liga rawarawa me vukei ira ni nanuma na vosa kei na itukutuku eso ni dua na sere. Me ivakaraitaki, ni lagati na “Rokovi, Lomani” (iVolanisere ni Gonelalai,11), sa rawa mo sureta na gone me ra roqoliga, cuvara na uludra, ka tara na utodra ni ra lagata na qaqa ni sere veiganiti eso.

Lagasere na goneyalewa, lagasere na gonetagane. Droinitaka e dua na iyaloyalo ni dua na gonetagane kei na dua na iyaloyalo ni dua na goneyalewa, ka dregata se vakabira na iyaloyalo ki na kau duidui eso. Ni railesuvi tiko e dua na sere, taura cake e dua na yaloyalo me vakatakila o cei sa dodonu me lagata na wase ni sere oya.

Viri ki na basikete Biuti ira na basikete nabataki se itawatawa tale eso ena mata ni rumu—me vuqa tu na itawatawa me vaka na veiqaqa ni dua na sere vakatabakidua. Sureta e dua vei ira na gone me viritaka e dua na taga ni pinati se tiki ni pepa luca ki loma se volekata e dua na itawatawa nabataki. Me ra qai lagata na gone na qaqana e naba vata ga ka tiko ena itawatawa.

Vakasotara vata na yaloyalo ki na malanivosa. Vola na yatu yadua ni sere ena dua na tiki ni pepa duidui, ka vakaraica e dua na yaloyalo e matataka na yatu yadua. Biuti ira na yaloyalo ena yasa ni dua na rumu kei na pepa eso ena yasa kadua. Lagata na sere, ka kerea na gone me ra vakasotara vata na yaloyalo ki na qaqana.

iDusidusi ni Vakaitavi ena Soqoni ni Sakaramede

Ena veidusimaki ni bisopi, na nodra vakaitavi na gone ena soqoni ni sakaramede e sa dau vakayocori tu enai kava ni vulatolu ni yabaki. Me vaka na mataveiliutaki ni Lalai kei na iliuliu ni sereivakatagi, navuca mo ni sota ena itekivu ni yabaki kei na daunivakasala ena matabisopi ka raica raraba tu na Lalai me tekivu veivosakitaki na ituvatuva eso ni vakaitavi. Ni ko sa vakacavara tu na ituvatuva, taura mai na nona veivakadonui me baleti ira.

Na vakaitavi sa dodonu me vakatarai ira na gone ni vakaraitaka na ka era sa vulica kei na nodra matavuvale mai na Veiyalayalati Makawa e vale kei na Lalai, oka kina na sere ni Lalai era sa lagata ena loma ni yabaki. Vakasamataka ena yalomasumasu na ivakavuvuli ni kosipeli kei na sere cava so e tokona na ka era sa vulica. Ena loma taucoko ni yabaki, vola toka na nodra vosa kei na veika era sotava na gone me baleta na kena vakayagataki tu ena nodra vakaitavi. Sureta na gone me ra wasea na ivolanikalou, italanoa, kei na nodra ivakadinadina ena nodra vakaitavi. Ni ko tuvalaka na vakaitavi, vakasamataka na sala eso e rawa ni vukea kina na nodra vakanamata na ivavakoso ki vua na Tamada Vakalomalagi kei na iVakabula kei na Nodrau ivakavuvuli.

Na tabanilotu era lewe lailai kina na gone sa rawa ni navuca na sala eso era na rawa ni vakaitavi kina na lewe ni matavuvale kei na luvedra. Sa rawa ni vakacavara na soqoni e dua na lewe ni matabisopi ena so na itukutuku lekaleka.

Ni ko vakarautaka tu na vakaitavi, nanuma na idusidusi eso oqo:

• E sega ni dodonu me vakayagataki tani na gauna tawaganiti na vakatovotovo eso mai na kalasi ni Lalai se matavuvale.

• Era sa sega ni veiganiti kaya na soqoni ni sakaramede na vakaitavi tu ena iyaloyalo, isulusulu, kei na vakauitukutuku.

Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai 12.2.1.2, ChurchofJesusChrist.org.