iyaloyalo ni veikalokalo e maliwa lala

27 ni Tiseba–2 ni Janueri

Mosese 1; Eparaama 3

“Oqo na Noqu Cakacaka kei na Noqu Lagilagi”

Ni ko wilika na ka e tukuna na Kalou vei Mosese kei Eparaama, vakasamataka mada na cava e rawa ni tukuna o Koya vei ira na gone o vakavulica. O na vukei ira vakacava mera vakila na Nona loloma me baleti ira?

Vola na Veika o Vakauqeti Kina

ivakatakilakila ni veiwasei

Sureta na Veiwasei

Ena so na gauna e dua na sere e rawa ni vukei ira na gone me ra nanuma na veika era sa vulica. Vakatagitaka se gudruvaka e vica na tiki ni “Au Luve ni Kalou” (Nodara iVolanisere na Lalai, 2–3), ka me ra qai vakilakila na sere na gone. Vukei ira na gone me ra vakasamataka na sala e “tuberi [ira], liutaki [ira], dusimaki [ira],” ka “vukei [ira], na nodra itubutubu kei na so tale, me ra kunea na sala.”

ivakatakilakila ni veivakavulici

Vakavulica na iVunau: Gone Sobu

Mosese 1:1–4, 6

Au luve ni Kalou.

Na cava o vulica mai na Mosese 1:1–4, 6 me baleta na kemu isema vei Tamada Vakalomalagi? Mo vukei ira vakacava na gone me ra vulica na ibalebale ni ra sa luve ni Kalou?

iTaviqaravi e Rawa ni Caka

• Wilika vei ira na gone na ka e tukuna na Kalou vei Mosese: “Ko iko na luvequ” (Mosese 1:4). Sureta mai ki liu e dua na gone, ka kerei ira na gone me ra cavuta vata kei iko na, “[Yaca ni gone], o iko na luve ni Kalou.” Tokaruataka na matavosa oqo baleti ira na gone yadudua ena kalasi.

• Vakaraitaka e vica na kedra iyaloyalo na gone, ka taroga na kalasi kevaka era luvena kece na Kalou na gone oqo. Vakabibitaka ni tamata kece e luve ni Kalou. Me ra veivukevuke na gone me titiro ena dua na iloilo, ka vakadinata ni ra luve ni Kalou talega.

• Lagata na “Au Luve ni Kalou” (iVolanisere ni Lalai, 2–3) kei ira na gone. Me ra rokarokataki ena tabana ni itaviqaravi ena macawa oqo, ka vakayagataka me ra railesuva na dina e vakavulica tiko na sere oqo.

  O Jisu Karisito ena maliwa ni veikalokalo

  Karisito kei na Veibuli, mai vei Robert T. Barrett

Eparaama 3:22–28

A bula tu kei na Tamada Vakalomalagi o Jisu ni bera niu mai sucu.

Na kila me baleta na noda bula taumada e rawa me vakauqeti keda meda cakava na digidigi ni yavutaki ena dina tawamudu. Ni o vulica na Eparaama 3:22–28, navuca mo na vakavulica vakacava vei ira na gone me baleta na nodra itutu tawamudu.

iTaviqaravi e Rawa ni Caka

• Taurivaka na “Me Baleta na Veiyalayalati Makawa” (ena iTalanoa ni Veiyalayalati Makawa) mo vakavulici ira na gone me baleta na noda bula taumada. Ni oti, sureti ira na gone me ra tokaruataka lesu tale vei iko na italanoa. Na cava na vuna e talai keda mai kina na Tamada Vakalomalagi ki vuravura? Vukei ira na gone mera kunea na isaunitaro ni ko wilika vei ira na Eparaama 3:25.

• Lagata kei ira na gone e dua na sere me baleta na ituvatuva ni Kalou e vukuda, (me vaka na “I Will Follow God’s Plan” [Nodra iVolanisere na Lalai, 164–65]). Vukei ira me ra kila matata na dina tawamudu e vakavulici ena qaqa ni sere.

Mosese 1:39

Sa vinakata na Tamada Vakalomalagi meu lesu ka bula tale tawayalani vata kei Koya.

Sa veivakalougatataki vakacava na dina ena Mosese 1:39 ki na nomu bula? Na cava o rawa ni cakava me vukei ira na gone me ra sotava talega na veivakalougatataki oya?

iTaviqaravi e Rawa ni Caka

• Dusia na malanivosa “oqo na noqu cakacaka” kei na “bula tawamudu” ena Mosese 1:39, ka vukei ira na gone me cavuta na veimatavosa. Tukuna vei ira na gone me baleta na cakacaka o cakava ena siga yadua. Vakavulica vei ira ni sa cakacaka nei Tamada Vakalomalagi me vukei keda meda rawata na bula tawamudu, ka kena ibalebale me yaco me vakataki Koya ka bula tale vata kei Koya.

• Sureta e dua na itubutubu me ra lako mai ki na kalasi ka talanoataka na sala e vakila kina na lesu ki vale ni se gone ni a tu tani mai (me kena ivakaraitaki, e koronivuli se ki na kaulotu), se mo wasea na nomu vakila e loma ni veika sotavi oqo. Taurivaka na ivakaraitaki oqo me vakavulici ira na gone ni vinakata vakalevu na Tamada Vakalomalagi me da lesu tale Vua.

ivakatakilakila ni veivakavulici

Vakavulica na iVunau: Gone Qase Cake

Mosese 1:4, 30, 37–39; Eparaama 3:22–28

Au luve ni Kalou, ka vinakata o Koya me vukei au meu lesu tale yani vua.

Mosese 1:4, 37–39 kei na Eparaama 3:22–28 vakavulica na dina talei me baleta na noda veiwekani kei na Kalou kei na Nona inaki ena Nona talai keda mai ki vuravura. Tugana na sala o na vukei ira kina na gone mera vulica na dina oqo.

iTaviqaravi e Rawa ni Caka

• Wilika vata kei ira na gone na Mosese 1:4, 37–39 kei na Eparaama 3:24–25. Solia vei ira na madigi mera taro ka wasea na vosa se malanivosa taleitaki mai na veitikina oqo. Na cava eda vulica mai na veitikina oqo me baleta na Tamada Vakalomalagi? me baleti keda?

• Vakaraitaka vei ira na gone na iyaloyalo eso ni vuqa na veika buli nei Tamada Vakalomalagi. Wilika Mosese 1:30, ka vakamacalataka ni a taroga o Mosese vua na Kalou me baleta na inaki ni ibulibuli oqo. Vukei ira na gone me ra vakasaqara ena tikina e 39 me kunea na isaunitaro ni Kalou. Vakadinadinataka ni na inaki ni Kalou me ra vukei kina na gone yadua me ra rawata na bula tawamudu.

• Vukei ira na gone me ra vakasamataka eso na ituvaki e dodonu me ra digitaka kina se sega me ra “muria na veika kece sa vakarota na Turaga na nodra Kalou” (Eparaama 3:25). Me ra vakatovotovotaka se veivosakitaka na ivukivuki cava e rawa ki na ituvaki oqori. Ena rawa ni vukei keda vakacava na iVakabula ni da sa vakayacora e dua na digidigi cala?

Mosese 1:12–26

Au rawa ni vorata na veitemaki nei Setani.

Ni o vulica na Mosese 1:12–26, vakaraica na veika a cakava o Mosese me vorati Setani kina. E rawa ni vukei ira vakacava na gone na ivakaraitaki nei Mosese ni ra sotava na veivakatovolei?

iTaviqaravi e Rawa ni Caka

• Vakalekalekataka na ka e sotava o Mosese ena Mosese 1:12–26 ena nomu vosa ga, se kerea e dua vei ira na gone me cakava vakakina (raica talega na vidio “Au Luve ni Kalou” [ChurchofJesusChrist.org]). Sureti ira na gone me ra vakasaqara na veitikina oqo me ra vulica kina na sala e rawa ni vorati Setani kina o Mosese. (Kevaka era gadreva na veivuke, dusi ira ki na tikina e 13, 15, 18, 20–22, 26.)

• Kauta mai e dua na kato ni iyaya (se iyaloyalo ni iyaya), ka vola na iyaya yadua ni cakacaka vata kei na dua na sala eda rawa ni vorata kina na veitemaki (me vaka na masu, laga serenilotu, wili ivolanikalou, se qaravi ira na tani). Me ra tomika na gone yadudua e dua na iyaya ka vosa me baleta e dua na ituvaki ka rawa ni veivuke kina na cakacaka ka volai ena iyaya oqori meda vorata na veitemaki. Wilika vata na tikina e 25–26, ka vakadinata ni na vukei keda na Kalou ni da sotava na veitemaki.

Eparaama 3:22–28

Au a bula tu kei na Tamada Vakalomalagi ni bera niu mai sucu.

Na veitikina oqo e vakamacalataka na raivotu nei Eparaama ni noda bula taumada ka rawa ni vukei na gone me ra sauma na taro “Au a lako mai vei?” kei “Na cava au mai tu kina eke?” E rawa vakacava mo vukei ira me ra kunea na isaunitaro?

iTaviqaravi e Rawa ni Caka

• Vola ena papa, na taro eso e veisemati kei na Eparaama 3:22–28, me vaka Na cava a yaco ena noda bula ni da bera ni sucu? O cei a tu mai kea? Na cava ea buli kina na vuravura? Sureti ira na gone me ra wilika na veitikina oqo me ra kunea kina na isaunitaro.

• Kevaka e dua na gone sucuvou ena tabanalevu, sureti rau na itubutubu me rau kauti koya mai ki na kalasi ka wasea na lomadrau me baleta na kidavaki ni gone oqo ki vuravura. (E rawa talega ni o vakaraitaka e dua na iyaloyalo ni dua na gone sucu.) Veitalanoa vata kei ira na gone me baleta na vanua a tu mai kina na yalo ni gone oqo ni se bera ni lako mai ki vuravura. Na cava na vuna e bibi kina vua na gone oqo me vulica ni o koya e luve ni Kalou?

• Lagata na sere me baleta na ituvatuva ni Kalou me baleti keda, me vaka na “I Know My Father Lives” se “I Will Follow God’s Plan” (iVolanisere ni Lalai, 5, 164–65). Sureti ira na gone me ra droinitaka na kedra iyaloyalo me lako vata kei na vosa. Me ra vakayagataka na nodra iyaloyalo mera veivakavulici vakai ira ena dina mai na sere.

ivakatakilakila ni vuli

Vakauqeta na Vuli e Vale

Vakasamataka na sala ni nodra vuli ka a yaco ena nomu kalasi ni Lalai ka rawa ni veivakayaloqaqataki, veitokoni, se veivaqaqacotaki ni vuli ka yaco tiko ena nodra itikotiko na gone. Me ivakaraitaki, o rawa ni sureti ira na gone me ra wasea na tabana ni itaviqaravi ena macawa oqo kei na nodra matavuvale.

Vakatorocaketaki Noda Veivakavulici

Era vuli na gone ena vuqa na sala. Era dau marautaka na gone me ra vuli ena veika vovou ka duidui era sotava. Vakayagataka na itaviqaravi eso e solia na galala me ra veitosoyaki, vakayagataka taucoko nodra wakilakila, ka tovolea na veika vovou. (Raica na Veivakavulici ena iVakarau ni iVakabula, 25–26.)

activity page: I am a child of God