iyaloyalo ni vuravura kei na vula

3–9 ni Janueri

Na iVakatekivu 1–2; Mosese 2–3; Eparaama 4–5

“Ena iVakatekivu sa Bulia na Lomalagi kei na Vuravura na Kalou”

Ni o vulica na iVakatekivu 1–2, Mosese 2–3, kei na Eparaama 4–5, nanumi ira na gone o vakavulica, ka tugana na dina cava soti o rawa ni vukei ira kina mera kilamatata mai na veiwase ni ivola oqo.

Vola na Veika o Vakauqeti Kina

ivakatakilakila ni veiwasei

Sureta na Veiwasei

Sureti ira na gone me ra wasea e dua na ka ea bulia na Tamada Vakalomalagi kei Jisu Karisito era sa vakavinavinakataka. Na vakaraitaki ni iyaloyalo mai na ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale e rawa ni solia vei ira eso na vakasama.

ivakatakilakila ni veivakavulici

Vakavulica na iVunau: Gone Sobu

Mosese 2

Sa bulia na vuravura o Jisu

Na kilai ni veibuli ena rawa ni vukei ira na gone mera vakila na loloma ni Kalou ka vakalevutaka cake na nodra vakavinavinakataka na vuravura. O na cakava vakacava beka me veivauqeti na vuli baleta na Veibuli?

iTaviqaravi e Rawa ni Caka

• Vakaraitaka vei ira na gone na iyaloyalo ni veika e tukuna tiko na duidui ni gauna ni Veibuli (me vaka e tukuni ena Mosese 2; raica talega na “E Bulia o Jisu Karisito na Vuravura,” ena iTukuni ni Veiyalayalati Makawa), ka rawa ni vukea mera vakasamataka na gone eso na ivukivuki me lako vata kei na iyaloyalo. Me kena ivakaraitaki, era rawa ni ra buli ivacu me matataka na vanua mamaca se yalovaka na ligadra me vaka na biau ni wasa (raica na Mosese 2:9–10). Wasea na nomu ivakadinadina ni o Jisu Karisito ea cakava na veika oqo baleta ni lomani keda oKoya kei na Tamada Vakalomalagi.

• Lagata e dua na sere baleta na veika ea bulia ko Jisu Karisito me baleti keda, me vaka na “Na Vuravura e Rui Totoka” (Nodra iVolanisere na Lalai, 233). Kerei ira na gone me ra droinitaka na iyaloyalo ni veika sa bulia ka vakamacalataki tiko ena sere.

  lacadrau e vakaraitaka na ituvaki duidui ni veibuli

  Veibuli, mai vei Joan Hibbert Durtschi

Mosese 2:26–27

Au a buli me ucuya na Kalou.

Ni ra kilamatata na gone ni ra buli me ucuya na Kalou, era na rawa ni vakatorocaketaka e dua na yalo ni vakarokoroko kei na veidokai me baleta na dui yagodra kei na yagodra na tani.

iTaviqaravi e Rawa ni Caka

• Vukei ira na gone mera taleya na “Koi au na Kalou, au sa bulia na tamata ena kequ i bulibuli” vakavica (Mosese 2:27). Vakamacalataka ni ko Tamada Vakalomalagi ea bulia na yagoda me vaka na Yagona. Sureti ira na gone me ra dusia na veitiki ni yagodra ni ko sa cavuta mai, se lagata na sere me baleta na yagoda, me vaka na “Head, Shoulders, Knees, and Toes” (iVolanisere ni Lalai,275).

• Sureti ira na gone mera yavavala ena veika era rawa ni cakava e yagodra, ka ra vakilakila na vo ni gone na ka era matanataka tiko. Sureti ira na gone mera wasea na vuna era sa vakavinavinakataka kina na yagodra.

• Droinitaka e dua na ituvatuva ni yago ena pepa, ka cakava e dua na iba ena nomu kotikotiva vakatikina. Veisoliyaka na veitikina, ka laivi ira na gone mera cakacaka vata me ra semata vata me dua na yago. Kerei ira na gone me ra wasea na veika era rawa ni cakava ena tikina yadua. Wasea na nomu ivakadinadina ni a buli me ucuya na Kalou na yagoda.

Mosese 3:2–3

Na Siga ni Vakacecegu e vakatabui.

O ira na gone era tekivu bucina na maroroi ni Siga ni Vakacecegu ni ra se lailai sa rawarawa cake na nodra muria na ivakaro oqo ni sa yaco me osooso na bula ka suguraki vakalevu cake.

iTaviqaravi e Rawa ni Caka

• Wilika na Mosese 3:2–3, ka kerei ira na gone mera vakarogoca na ka ea cakava na Kalou ena ikavitu ni siga. Kauta mai na iyaloyalo (se caka droini rawarawa) ni veika eda na cakava ena Sigatabu me cakava e dua na siga tabu kei na veika eda cakava ena veisiga tale eso. Mera tuva na gone na iyaloyalo ki na rua na ibinibini, e dua me baleta na Sigatabu ka dua me baleta na siga tale eso. Vakadinadinataka na cava na vuna e bibi kina me da rokova na Siga ni Vakacecegu.

• Ena vica na siga ni bera na kalasi, sureta e dua vei ira na gone se na nona itubutubu me ra lako mai ka vakavakarau me ra wasea na veika era cakava ena nodra matavuvale mera taqomaka ka vakatabuya kina na Siga ni Vakacecegu. Sureti ira na vo ni gone me ra wasea na veika era cakava na nodra dui matavuvale.

ivakatakilakila ni veivakavulici

Vakavulica na iVunau: Gone Qase Cake

Mosese 2

Ea bulia na vuravura o Jisu Karisito ena veidusimaki nei Tamada Vakalomalagi.

Sa rawa mo vakayagataka na Mosese 2 me vukei ira na gone me ra raica na vuravura e buli vakainaki me tiki ni nona ituvatuva na Kalou. Ni o wilika na veiwase ni ivola oqo, na vakasama cava e lako mai ki na nomu vakanananu ka rawa me vukea na vaqaqacotaki ni nodra ivakadinadina ni Veibuli na gone?

iTaviqaravi e Rawa ni Caka

• Vukei ira na gone me vakasamataka na gauna era cakava kina e dua na ka ena nodra muria na veidusimaki ni dua tale na tamata. Me kena ivakaraitaki, e rairai era sa cakava e dua na isaqasaqa ni ra dusimaki tiko mai na dua na itubutubu se veitacini. Vola na O cei ea bulia na vuravura? ena papa, ka sureti ira na gone me ra vaqara na kena isau ena Mosese 2:1. Vakadinadinataka ni a bulia na vuravura o Jisu Karisito ni veidusimaki na Tamada Vakalomalagi.

• Lesia vei ira yadua na gone na veitikina ena Mosese 2 ka semati ki na dua vei ira na siga ni veibuli, ka kerei koya me droinitaka e dua na iyaloyalo ni veika ea bulia ena siga koya ko Tamada Vakalomalagi kei Jisu Karisito. Kerei ira na gone mera taura tu na nodra iyaloyalo ka tu me vaka na kena ivakarau ena veisiga ni Veibuli, ka qai sureti ira na gone yadudua mera vakavulica na vo ni gone ena ka ea yaco ena siga ea lesi vei ira. Na cava eda vulica me baleta na Tamada Vakalomalagi kei Jisu Karisito mai na italanoa ni Veibuli?

Mosese 2:26–27

Ea buli ko Atama kei Ivi me rau veiucui kei na Kalou.

Na vuravura ena solia vei ira na gone e vuqa na itukutuku lasu me baleta na yagodra. Na ivunau ena Mosese 2:26–27 sa veiuqeti kaukauwa me rokovi ka karona na yagoda.

iTaviqaravi e Rawa ni Caka

• Wilika vata na Mosese 2:26–27. Na cava e vakatavulica vei keda na veitikina oqo me baleta na yagoda? Vakaraitaka na vidio “Cecere ni iBulibuli ni Kalou” (ChurchofJesusChrist.org), se qitotaka na qito “E Dua na Valetabu na Yagomu” (Friend, Okos. 2019, 24–25). Sa rawa talega mo wilika vata na vosacavuti veisemati mai na itukutuku nei Peresitedi Russell M. Nelson “Na Yagomu: A iSolisoli Vakasakiti me Karoni” (New Era, Okos. 2019, 2–7) ka na vukei ira na gone me ra vakila na vakavinavinaka vua na Tamada Vakalomalagi me baleta na yagodra.

• Droinitaka e dua na iyaloyalo ni yago ena papa, ka sureti ira na gone mera digitaka e dua na tiki ni yago ka vola tikiva na cava na vuna era vakavinavinakataka kina. Vakaraitaka na nomu vakavinavinaka ena vuku ni yagomu, ka vakadinadinataka ni da a buli me ucuya na Kalou.

Na iVakatekivu 2:2–3

Na Siga ni Vakacecegu e tabu.

Era na rawa beka ni vakamacalataka na gone vei ira na nodra itokani na cava era raica na Sigatabu me duatani mai na veisiga tale eso. E vakavulica na iVakatekivu 2:2–3 na cava e dua kina na siga vakatabui na Siga ni Vakacecegu. Na cava e rawa ni o cakava me vukei ira na gone me ra kilamatata cake ka vakamacalataka na ivunau oqo?

iTaviqaravi e Rawa ni Caka

• Ni da maroroya na siga ni Vakacecegu e vakaraitaka vakacava na noda lomana ka doka na Tamada Vakalomalagi kei Jisu Karisito? Vukei ira na gone mera vakatasuasua ena so na ivakaraitaki ni ra vakamacalataka tiko vua na nodra itokani na vuna era digitaka kina mera cakava na veika ena Sigatabu e dokai kina na Tamada Vakalomalagi kei Jisu Karisito. Vakatura mera vakayagataka na iVakatekivu 2:2–3 ena nodra ivakamacala.

• Solia vei ira na gone e vica na miniti me ra vola na levu ga ni ka era rawa ni vakasamataka me rawa ni ra cakava me yaco kina na Siga ni Vakacecegu me dua na siga tabu. Sureti ira na gone me ra wasea na nodra lisi, ka vakayaloqaqataki ira me ra vakuria ki na nodra lisi ni ra wasea na tani na vakatutu eso era a sega ni vakasamataka. Vakatura vei ira na gone mera kauta vata kei ira na lisi ki vale, ka talevi ira ena gauna era gadreva kina na vakasama ni ka vinaka me caka ena Siga ni Vakacecegu.

ivakatakilakila ni vuli

Vakauqeta na Vuli e Vale

Vukei ira na gone me ra vakasamataka na sala e rawa ni ra cakava kina e dua na itaviqaravi vata kei nodra matavuvale me vaka na kena ea caka ena kalasi. Sa rawa mo vukei ira mera vola e dua na ivola me vakananumi ira.

Vakatorocaketaki Noda Veivakavulici

Vukei ira na gone mera vakaraitaka na nodra daubulibuli. Ni ra bulibuli, droini, se rokarokataki na gone, ena dua na ka ka sema ki na italanoa se ivakavuvuli era sa vulica tiko, era na dau nanuma vakavinaka cake. Vakayaloqaqataki ira mera vakayagataka na nodra ibulibuli mera vakavulica na nodra dui matavuvale. (Raica na Teaching in the Savior’s Way,25.)

tabana ni itaviqaravi: o Jisu Karisito ea bulia na vuravura