ira na gonelalai ena rumunivuli ni valenilotu

Dua na iVakarau ni Veivakavulici

Ena ivurevure oqo, o na raica ni talevi tu na ivakarau tuvai tolu oqo ena idusidusi yadua: sureta na veiwasei, vakavulica na ivunau, kei na vakauqeta na vuli e vale. Ena vuqa na gauna, ni o vakatavuvuli tiko, ena rairai sivia se yaco na veitiki ni vakarau oqo ena dua na ituvatuva duidui. Me ivakaraitaki, navuca na veiwasei ni sa dua na madigi me vakatavulici kina na ivunau, ka sa dodonu me umani na veisureti ni wasea ena vakatavulici ni vunau. Vakakina, na vakauqeti ni vuli e vale sa rawa ni yaco vakataucoko ena dua na veivosaki vakalasi. Vakatara me yaco vakataki koya na veisau eso ena ivakarau oqo, ni muri tu na veivakauqeti ni Yalotabu me sotavi kina na nodra gagadre na gone o vakavulica.

Sureta na Veiwasei

Vaka tiki ni kalasi kecega, sureta na gone me ra wasea na nodra nanuma, raitaudonu, kei na veika era sotava ena ivakavuvuli eso o vakatavulica tiko. Na ka era tukuna sa rawa ni oka kina na veika era sa sotava ni ra vuli tiko e vale. Sa rawa mo railesuva talega na ka era a vulica ena macawa sa oti ka taroga se sa vakayarayarataka vakacava na nodra bula.

Vakavulica na iVunau

NaLako Mai, Mo Muri Au—Baleta na Tamata Yadua kei na Matavuvale sa rawa ni vukei iko ni kila vakavinaka cake na ivunau o na vakavulica vei ira na gone. Navuca na tikina, vosacavuti, veika e sotavi, taro, kei na ivurevure cava soti tale o rawa ni wasea me vukea na gone me ra kila vakamatata ka cakacakataka na ivakavuvuli ni kosipeli era sa vulica. Vukei ira ni kila na veivakauqeti ni Yalo Tabu ni vakadinadinataka tu o Koya na dina. Vakaraica na sala maqusa ka veivakauqeti eso me vukea na nodra makututaka na ka era sa vulica tiko.

Ena vakasama eso ni kena vakayagataki na sereivakatagi me vakavulici kina na ivunau, raica na wase “Using Music to Teach Doctrine” kei na “Helping Children Learn and Remember Primary Songs and Hymns” ena “iDusidusi ni Gauna ni Lagasere kei na Nodra Vakaitavi ena Sereivakatagi na Gone ena Sakaramede” ena daku ni ivolavakarau oqo.

Vakauqeta na Vuli e Vale

Baleta ni sa usutu na itikotiko ni kena vulici na kosipeli, e dua na nomu sasaga vaka qasenivuli ni Lalai o ya me vakayaloqaqataki na vuli e vale. O rawa vakacava ni vukea na gone me ra wasea kei na nodra matavuvale na ka era sa vulica ena kalasi? O rawa vakacava ni vakauqeta na gone kei na nodra itubutubu me ra tomana tiko na vulici ni Veiyalayalati Makawa e vale?

Ena vakasama eso ni kena vakayagataki na sereivakatagi me vakavulici kina na ivunau, raica na wase “Using Music to Teach Doctrine” kei na “Helping Children Learn and Remember Primary Songs and Hymns” ena “iDusidusi ni Gauna ni Lagasere kei na Nodra Vakaitavi ena Sereivakatagi na Gone ena Sakaramede” ena daku ni ivolavakarau oqo.