iKuri ni iVurevure ena Nodra Vakavulici na Gone

Na veivurevure oqo sa rawa ni kune ena icurucuru ni Gospel Library kei na ChurchofJesusChrist.org.

Lako Mai, Mo Muri Au—Baleta na Tamata Yadua kei na Matavuvale

O rawa ni taurivaka na itaviqaravi eso mai na Lako Mai, Mo Muri Au—Baleta na Tamata Yadua kei na Matavuvale me vakayagataki ena nomu kalasi ni Lalai. Kakua ni leqataka ke ra sa cakava oti na gone na veitaviqaravi oqo kei na nodra matavuvale ena nodra itikotiko; e vukea nodra vuli na gone na kena tokaruataki. Era na rairai via tukuna vei iko na gone na sala era vakayacora kina na itaviqaravi kei na nodra matavuvale kei na ka era sa vulica.

Sere ni Lotu kei na iVolanisere na Gonelalai

Sa dau sureta na Yalotabu na sereivakatagi tabu ka vakavulica tu na ivunau ena sala veivakananumi sara. Me ikuri ni kena vakayagataki na veitikina tabaki ni Serenilotu kei na iVolanisere ni Gonelalai, sa rawa ni o raica na katokatoni ni vidio kei na rorogo ni vuqa na serenilotu kei na sere ni gonelalai ena music.ChurchofJesusChrist.org vakakina ena icurucuru ni Sacred Music kei na Gospel Media.

Me baleta na vakasama eso, raica na iwase “Using Music to Teach Doctrine” kei na “Helping Children Learn and Remember Primary Songs and Hymns” ena “iDusidusi ni Gauna ni Lagasere kei na Nodra Vakaitavi ena Sereivakatagi na Gone ena Sakaramede” ena ivurevure oqo.

Dou Raici Ira na Nomudou Lalai

E vuqa na ulutaga ni vosa ka tukuni ena Dou Raici Ira na Nomudou Lalai: iVolavakarau ni iSususu e sa tautauvata kei na kena o na vakavulica ena Lalai. Vakauasivi ke o vakavulici ira na gone sobu, navuca ni raica tu na ivolavakarau ni isususu me baleta na ikuri ni sere, talanoa, taviqaravi, kei na cakacakaniliga eso.

Friend Magazine

Sa vakarautaka na mekasini na Friend na italanoa kei na itaviqaravi eso e rawa ni vukea na ivakavuvuli o vakavulica tiko mai na Lako Mai, Mo Muri Au—Baleta na Lalai.

iTalanoa eso ni Veiyalayalati Makawa

NaiTalanoa eso ni Veiyalayalati Makawa sa rawa ni vukei ira na gone ni vulica na ivunau kei na italanoa era kune ena Veiyalayalati Makawa. Sa rawa talega ni o raica na vidio ni veitalanoa oqo ena icurucuru ni Gospel Library ena MediaLibrary.ChurchofJesusChrist.org.

iVola ni Rokarokataki ni Talanoa ni Volanikalou eso—Veiyalayalati Makawa

E tiko ena ivurevure oqo na tabana ni taviqaravi ni rokarokataki lasa eso e caka me vakatorocaketaka na nodra vulica tu na gone na Veiyalayalati Makawa.

Vidio kei na Cakacaka ni Liga

Na cakacaka ni liga, vidio, kei na itukutuku vakau tale eso sa rawa ni vukei ira o vakavulica ni kila vakamatata na ivunau ka raitayaloyalotaka na italanoa era semati ki na ivolanikalou. Sikova na Gospel Media ena MediaLibrary.ChurchofJesusChrist.org mo raica na veivurevure ni vakauitukutuku umani ni Lotu. Sa rawa talega na Gospel Media me dua na icurucuru veikauyaki. E vuqa na ivakatakarakara o rawa ni vakayagataka ena kalasi sa kune tu ena Gospel Art Book.

Veivakavulici ena iVakarau ni iVakabula

NaVeivakavulici ena iVakarau ni iVakabula sa rawa ni vukei iko ni vulica tu ka tutaka na ivakavuvuli eso ni veivakatavulici va-Karisito. Era sa veivosakitaki ka vakatovotovotaki na veivakavuvuli oqo ena soqoni ni matabose ni qasenivuli.