Pāpode 17–23

2 Nipai 11–25

“Jej M̧ōņōņō ilo Kraist”

Ilo kakkobaba n̄an keidi 2 Nipai 11–25 n̄an kwe make, ļōmņak ewi wāween am̧ maron̄ jipan̄ armej eo kwoj katakin keidi jebta kein n̄an er make (lale 2 Nipai 11:8). Ilo an Jetōb eo im̧we eok kōn ļōmņak ko im meļeļe ko, je ļōmņak im meļeļe ko.

Je En̄jake ko Rej Im̧we Eok

Kajjitōk bwe ren Kwaļo̧k

M̧okta jān am̧ ekōnono kōn kajjojo eoon ko jān 2 Nipai 11–25, emaron̄ lukkuun jipan̄ n̄e kwoj kajjitōk ippān ro uwaan kūlaaj eo n̄an pijaikļo̧k eļan̄n̄e ekar wōr juon m̧ōttāer eo ej en̄taan in kappukot jabdewōt jeje jān Aiseia eļap meļeļeier ak reim̧we. Eoon ta ko renaaj kwaļo̧ki n̄an in m̧ōttad?

Katakin Katak ko

2 Nipai 11–24

Aiseia ekar kam̧ool kōn Jisōs Kraist.

• Emaron̄ in pidodo n̄an meļeļe kanaan ko an Aiseia n̄e jej jeļā etke rekar maron̄ jeje. N̄an jino juon iien ekōnono kōn kanaan ko an Aiseia ilo 2 Nipai, komaron̄ kajjitōk ippān ro uwaan kūlaaj eo n̄an etale jebta 11 im kōllaajrake kōttōbar eo an Nipai n̄an kōnono eļap kōn Aiseia. Remaron̄ barāinwōt kwaļo̧k peij ko rekar loe ilo ekkatak ko aer make ak ekkatak ko an baam̧le kōn 2 Nipai 12–24 ko me rekar en̄jake aer tokji jibadbad ko aer. Meļeļe kōn unleplep eo an Nipai, ewi wāween an jipan̄ ro uwaan kūlaaj eo maron̄ bōk eļapļo̧k jān jeje ko an Aiseia? Rōjan̄ er n̄an kōjparok unleplep kein ilo ļōmņak ilo aer ekōnono kōn jeje ko an Aiseia ilo kūlaaj.

• Kōnke Aiseia ekar kōjerbal kajin eo eļap kōkkaļļe, emaron̄ pidodo n̄an ad jab kile kajoor in kam̧ool eo an kōn Jisōs Kraist. En̄in ej juon m̧akūtkūt me emaron̄ jipan̄ kūlaaj eo am̧ mejōk wōt kam̧ool in. Komaron̄ kōpooje jejjo peba ko ippān eoon in jipan̄ ko em̧ōj am̧ je ioon peba ko jān 2 Nipai 12–24 ko me rej katakin kōn Rilo̧mo̧o̧r eo (n̄an waanjon̄ak, 2 Nipai 13:13; 14:4–6; 15:1–7; 16:1–7; 17:14; 18:14–15; 19:6–7; 21:1–5; 22:2). Kajjojo ro uwaan kūlaaj eo remaron̄ in kālet juon iaan peba ko, ekkatak eoon ko kar je ioon peba eo, im je ioon peba eo ta eo ekar ekkatak kōn Jisōs Kraist. Innām ro uwaan kūlaaj eo remaron̄ in jānij peba ippān doon im kobaikļo̧k jabdewōt ļōmņak ko ak en̄jake ko jet rekar ekkatak kōn Rilo̧mo̧o̧r eo jān ejja eoon ko wōt. Innām komaron̄ leļo̧k n̄an ro uwaan kūlaaj eo juon iien aer kwaļo̧k ta eo rekar ekkatak jān Aiseia im jān doon eo me ej kapenļo̧k kam̧oolol eo aer kōn Jisōs Kraist.

• Kanaan eo ilo 2 Nipai 19:6 kōllaajrak jet taitōļ ko kōn Jisōs Kraist. Ļōmņak in kajjitōk ippān juon armej n̄an kōlaajraki ioon boot eo im kajjitōk ippān ro uwaan kūlaaj eo n̄an ekōnono kōn etke kajjojo iaan taitōļ kein ej juon iaan meļeļe ko rejejet n̄an Rilo̧mo̧o̧r eo. Ewi wāween An kar kakūrm̧ool jerbal kein ilo mour ko ad? N̄an ekkatak eļapļo̧k kōn jet iaan taitōļ kein, emaron̄ in lukkuun jipan̄ n̄an pukote eoon in jipan̄ ko ilo footnote ko n̄an 2 Nipai 19:6.

2 Nipai 12:2–5; 21:10–12; 22

Ilo raan kein āliktata, armej ro an Anij renaaj kobatok ippān doon im lan̄lōn̄ ilo aenōm̧m̧an.

• Jet m̧ōttan ko ilo kanaan ko an Aiseia eļap aer jelet kōj kōnke rej kōmeļeļeik kajjojo iaan jerbal ko an Anij ilo raan kein āliktata. N̄an waanjon̄ak, komaron̄ etale 2 Nipai 21:10–12, eo ej kōmeļeļeiki juon “ensign’ (jon̄ak ak būļāāk) eo naaj kotake n̄an aiini armej ro an Anij. Ewi wāween am̧ kar loe an Irooj aiini armej ro An ilo jetōb? Bōlen jet iaan ro uwaan kūlaaj eo remaron̄ in kōnono kōn ta eo ej kōm̧m̧an aer kōņaan in kuktok ak kobaļo̧k ippān armej ro an Anij ilo Kabun̄ in. Remaron̄ aaet in m̧ōņōņō in kōm̧m̧ane bōļāāk ko aer make ko rej kōllaajrake ak kōmeļeļeiki jet iaan m̧ool ko an gospel eo me remaron̄ en̄jake an armej “pukoti” im naaj jipan̄ “kakobaik” im “aiintok doon” (eoon 10 im 12) ajri ro nejin Anij ilo raan ko ad. Ewi wāween ad jipan̄ ilo aiintok in?

• Bar juon wāween n̄an ekōnono kōn eoon in ej n̄an je laajrak in unin kōnono kein ioon boot eo: Ejjeplōklōk eo an Israel, Kobatok eo an Israel, im Kanaan ko kōn Kraist. Komaron̄ leļo̧k jebta ko jān 2 Nipai 12–24 n̄an kūrub ko an ro uwaan kūlaaj ko im kajjitōk ippāer n̄an pukot eoon ko me rej katakin kōn men kein im je eoon kein ium̧win taitōļ eo ekkar ioon boot eo. Ta ennaan ko jebta kein ewōr ie n̄an kōj? (Emaron̄ jipan̄ n̄an jiron̄ļo̧k ro uwaan kūlaaj eo bwe Katak im Bujen ko 113:1–6 remaron̄ jipan̄ er meļeļe 2 Nipai 21:1–5, 10.)

• Al kein āinwōt “Jabān Tol Eo Uteij” (Al, nōm̧. 19) ak “The Lord Is My Light” (Al, nōm̧. 89), ko rej pedped wōt ioon m̧ōttan ko ilo kanaan ko ilo 2 Nipai 12:2–5 im 2 Nipai 22, remaron̄ kapenļo̧k ennaan ko im jetōb in naan ko an Aiseia.

2 Nipai 14:4–6

M̧weo im̧ōd im “aiintok doon ko” an Zaion emaron̄ erom̧ jikin ko rejokne im koone.

• In 2 Nipai 14:4–6 Aiseia ekar kanaan kōn jokne im aenōm̧m̧an eo me armej ro rejim̧we renaaj lan̄lōn̄ ie ālkin an Irooj “kwaļļo̧k” im kar “karreoiki” jān jerawiwi ko aer. Mekarta eoon kein rej kōmeļeļeiki jekjek ko me renaaj waļo̧k ilo Millennium eo, remaron̄ jipan̄ ro uwaan kūlaaj eo ilo aer pukot jokne ilo jetōb ilubwilijin raan ko renana. Kajjitōk ippāer n̄an kejōkļo̧kjeņ im ekōnono kōn ta meļeļein n̄an bōk “juon kōdo̧ im bat” im “juon kijeek eurur” ioon “jikin jokwe” im “jar ko” (eoon 5; lale barāinwōt Exodus 13:21–22). Ta jet iaan men ko me maron̄ keidi n̄an bwil, lan̄, wōt āinwōt ba ilo eoon 6? Ewi wāween ad maron̄ loe jikin kone? (barāinwōt lale K&B ko 115:6). Bōlen ro uwaan kūlaaj eo remaron̄ ļōmake kōn jet wāween ko n̄an lukkuun lale bwe m̧ōko im̧ōd im kuktok ippān doon ko an Kabun̄ in ren jikin kōjparok jetōb ko.

2 Nipai 25:19–29

“Wāween eo ejim̧we ej n̄an tōmak ilo Kraist.”

• Ro uwaan kūlaaj eo am̧ remaron̄ in keidi n̄an kōņaan eo an Nipai “n̄an karreel būruōn ro nejim, im barāinwōt ro jeiūm̧ im jatūm̧, n̄an tōmak ilo Kraist.” Ewi wāween an Nipai kar “niknik jerbal” n̄an kōttōbrak kōttōbar in?? (2 Nipai 25:23). Bōlen ro uwaan kūlaaj eo remaron̄ etale 2 Nipai 25:19–29 n̄an pukot m̧ool ko kōn Rilo̧mo̧o̧r eo im gospel eo An eo Nipai ekar kōņaan bwe armej ro an ren jeļā. Innām remaron̄ kwaļo̧k ta eo rekar kōm̧m̧ane n̄an katakin m̧ool kein n̄an ro uwaan baam̧le ko aer ak ro m̧ōttāer. N̄an waanjon̄ak, ewi wāween aer kar katakin m̧ool eo me “ej jān jouj jej mour, ālikin aolep ijo jemaron̄ kōm̧m̧an make”? (Ennaan eo jān Dieter F. Uchtdorf ilo “Kein Jipan̄ ko Jet” emaron̄ letok jet loļo̧kjeņ ko kōn m̧ool in.) Ewi wāween aer kar jipan̄ ro jet “m̧ōņōņō ilo Kraist”?

Kōketak Ekkatak ilo M̧weo

Ro uwaan kūlaaj eo remaron̄ in itok limoier n̄an jeļā bwe 2 Nipai 26–30 emaron̄ jipan̄ er uwaake armej ro rej ba, “Jejjab aikuji Bok in Mormon eo.”

Kein Jipan̄ ko jet

“Bwe n̄an kōj juon nin̄nin̄ eļotak.”

N̄an jipan̄ļo̧k ekōnono eo am̧ kōn 2 Nipai 19:6, alooje ak ron̄jake Mormon Tabernacle Choir rej al “For unto Us a Child Is Born” (ChurchofJesusChrist.org).

“Ej jān jouj jej mour, ālikin aolep ijo jemaron̄ kōm̧m̧an make.”

Kakkobaba ilo naan ko an Nipai 2 Nipai 25:23, Būreejtōn Dieter F. Uchtdorf ekar ba:

“Ij ļōmņak n̄e jet iien ej bōd ad ukōt naan eo ‘ālkin jon̄an wōt ad maron̄e.’ Jej aikuj meļeļe bwe “ālkin” ejjab juon wōt aero meļeļe “kōnke.”

“Jejjab mour ‘kōnke’ aolep ijo jemaron̄ kōm̧m̧ane make. Em̧ōj ke adwōj kōm̧m̧ane aolep ijo jemaron̄ kōm̧m̧ane make? Anij ekar ke kōttar m̧ae iien jekar kōļapļo̧k kijejeto ko ad m̧okta jān An naaj bōk kōņaan eo ilo mour ko ad kōn tiriam̧o̧ in lo̧mo̧o̧r eo An? …

“Ij jeļā bwe Nipai ekar jeļā bwe tūriam̧o̧ eo an Rilo̧mo̧o̧r eo ej kōtļo̧k im kōmaron̄ ad anjo̧ jān jerawiwi [lale 2 Nipai 4:19–35; Alma 34:31]. En̄in ej etke Nipai ekar niknik jerbal n̄an jeje, n̄an karreel būruōn ro nejin im ro jein im jatin, n̄an tōmak ilo Kraist, im n̄an jepļaaktok n̄an Anij’ [2 Nipai 25:23].

“Ālkin aolep, en̄in ta eo jemaron̄ kōm̧m̧ane! Im en̄in ej jerbal eo ad ilo mour in!” (“The Gift of Grace,” Ensign ak Liaona, Māe 2015, 110).

Kōkōm̧anm̧an Ad Katakin

Kajjitōk kajjitōk ko rej karuwaineneik ro jet n̄an kwaļo̧k naan in kam̧ool ko. “Kajjitōk kajjitōk ko rej kōketak rikkatak ro n̄an aer kwaļo̧k naan in kam̧ool ko aer kōn pedped in katak ko rekar ekkatak im remaron̄ in erom juon wāween ekajoor ilo n̄an karuwaineneiktok Jetōb eo. … Naan in kam̧ool ko aer—im naan in kam̧ool ko an ro jet ilo kūlaaj eo—renaaj eddōkļo̧k ilo an Jetōb eo kwaļo̧k kam̧ool eo kōn m̧ool eo” (Teaching in the Savior’s Way, 32).