kalasi ni Matawilivola ni Siga Tabu ni itabagone

Dua na iVakarau ni Veivakavulici

Ena ivurevure oqo, o na raica ni dau talevi wasoma ena ituvatuva yadua na ivakarau e tolu oqo: sureta na veiwasei, vakavulica na ivunau, ka vakauqeta na vuli mai vale. Ni o veivakavulici, ena veiulabaleti se duidui na ituvatuva ena yaco kina na veitiki eso ni ivakarau oqo. Me vaqo, vakasamataka mada ni veiwasei sa dua na madigi me da vakavulica kina na ivunau, ia na vakavuvulitaki ni ivunau sa dodonu me yaco kina na veisureti ni veiwasei. E vakakina, na veivakauqeti ni vuli mai vale e rawa ni dau yaco ena gauna taucoko ni veivosaki vakalasi. Vakatara me yaco vakakina, ena veivakauqeti ni Yalotabu me sotavi na nodra gagadre o ira o vakatavulica tiko.

ivakatakilakila ni veiwasei

Sureta na Veiwasei

Me tiki ni kalasi yadua, sureta na kalasi mera wasea na veivakararamataki kei na ka era sotava ena macawa sa oti ni ra vulica na ivolanikalou vakai ira yadua kei vakamatavuvale ka cakava na ka era sa vulica. Vukea na kalasi mera raica ni nodra vuli yadua e tautuba ni kalasi sa ka bibi. Na nodra saumaki mai vakayadudua ena sega walega ni yaco mai ena vuli ena Siga Tabu ia ena veika talega era sotava ena veisiga. Ni ra rogoca na kalasi vakai ira na veika era sa dui sotava, era na vakauqeti mera na dui vakasaqara na ka vata oqori.

Sega ni tamata yadua ena wilika na wase ni lesoni yadua, ka so era wilika era na sega ni lomadra mera wasea. Raica na lewe ni kalasi taucoko mera vakila ni ra sa tiki yaga ki na kalasi, era wasea e dua na ka se sega.

ivakatakilakila ni veivakavulici

Vakavulica na iVunau

O iko kei na nomu kalasi mo ni raica matua na ivunau—na dina tawamudu ni kosipeli—e tiko ena itukutuku ni ivolanikalou e lesi. Ni veivosakitaki na ivunau mai na ivolanikalou, na tikina cava, vosa, veika e sotavi, taro, kei na ikuri ni ivurevure o rawa ni wasea? O na vakayagataka vakacava na ivurevure oqo me vukea na kalasi mera kunea ka kila vinaka na ivakavuvuli ni kosipeli? E rawa vakacava mo vakayaloqaqataka kina na kalasi mera vola ka cakava na vakasama kei na nanuma era sa ciqoma?

ivakatakilakila ni vuli

Vakayaloqaqataki ni Vuli ena iTikotiko

Ni vakarau cava na lesoni, me raici mada na veivosaki ni macawa tu mai. Sa rawa mo vakauqeta na kalasi mera tomana na nodra vuli mai na iVola i Momani e vale, vaka tamata yadua kei na nodra matavuvale.