Dagiti Nainayon a Resources

Masarakan dagitoy a resources iti Gospel Library app ken iti ChurchofJesusChrist.org.

Umaykayo, Sumurot Kaniak—Para kadagiti Indibidual ken Pamilia

Mabalinmo nga ibagay dagiti ania man nga aktibidad manipud iti daytoy a resource nga usaren iti klasem iti Sunday School. No inusar dagiti miembro ti klase dagitoy nga aktibidad iti bukod ken sangapamiliaan a panagadalda iti nasantuan a kasuratan, allukoyen ida a mangibinglay kadagiti padasda ken dagiti nalawag a pannakaammo ken pannakaawatda [insights].

Dagiti Magasin ti Simbaan

Ti New Era, Ensign, ken Liahona a magasin ket mangtedda kadagiti artikulo ken dadduma pay a sagudayen a mabalin a mangsuplemento kadagiti pagbatayan nga isursurom manipud iti Umaykayo, Sumurot Kaniak—Para iti Sunday School.

TiHymns ken Children’s Songbook

Ti sagrado a musika ket mangyawis iti Espiritu ken mangisuro iti doktrina iti nakallalagip a wagas. Kas pangnayon kadagiti naiprenta a bersion ti Hymns ken Children’s Songbook,, masarakanyo dagiti rekording ti adu a himno ken kanta dagiti ubbing iti music.ChurchofJesusChrist.org ken iti LDS Music app ken iti LDS Media Library apps.

Media Library

Ti obra ti arte [artwork], dagiti video, ken dadduma pay a media ket makatulong kadagiti sursuruanyo a mangiladawan iti panunotda iti doktrina ken dagiti estoria a masarakan iti Libro ni Mormon. Bisitaen ti medialibrary.ChurchofJesusChrist.org tapno i-browse dagiti koleksion iti media resources ti Simbaan, a pakairamanan ti Book of Mormon Videos collection, a mangiladawan kadagiti pasamak iti Libro ni Mormon. Adda pay dagiti media resources iti LDS Media Library app.

Arte ti Ebanghelio

Makatulong ti obra ti arte kadagiti sursuruam a mangiladawan iti panunotda ti doktrina ken dagiti estoria a masarakan iti Libro ni Mormon. Adu dagiti ladawan a mabalinmo nga usaren ti masarakan iti Libro ti Arte ti Ebanghelio, iti medialibrary.ChurchofJesusChrist.org, ken iti LDS Music ken LDS Media Library apps.

Dagiti Manual iti Seminary ken Institute

Mangted dagiti manual iti seminary ken institute iti nagtaudan ti pakasaritaan [historical background] ken ti komentario iti doktrina para kadagiti pagbatayan a masarakan kadagiti nasantuan a kasuratan. Mabalin pay a dagitoy ti mangparegta kadagiti kapanunotan iti panangisuro para kadagiti klase iti Sunday School.

Dagiti Topiko iti Ebanghelio

Iti topics.ChurchofJesusChrist.org masarakam ti kangrunaan nga impormasion maipapan kadagiti agduduma a topiko iti ebanghelio, kasta met dagiti link kadagiti makatulong a resources, kas kadagiti mainaig a mensahe iti sapasap a komperensia, dagiti artikulo, nasantuan a kasuratan, ken video. Masarakam pay ti Gospel Topics Essays, a mangidiaya kadagiti nauneg a sungbat kadagiti saludsod iti doktrina ken pakasaritaan.

Napudno iti Pammati

Mangted daytoy a resource kadagiti simple a pannakailawlawag dagiti topiko iti ebanghelio, a nailista iti urnos nga alpabetiko.

Ikasaba ti Ebangheliok

Daytoy a pangiwanwan para kadagiti misionario ket mangted iti pakagupgopan dagiti kangrunaan a pagbatayan ti ebanghelio.

Para iti Pigsa dagiti Agtutubo

Balabalaen daytoy a resource dagiti pagrukodan ti Simbaan a makatulong kadatayo tapno agtalinaed a maikari kadagiti bendision ti Apo. Ibilangmo ti panagibasar a masansan iti daytoy, nangnangruna no mangisursuroka kadagiti agtutubo.

Panangisuro iti Wagas ti Mangisalakan

Makatulong kenka daytoy a resource a masursuruan maipapan ken mangyaplikar kadagiti pagbatayan iti panangisuro a kas ken ni Cristo. Nailawlawag ken nausar dagitoy a pagbatayan kadagiti teacher council meeting.