Dugang nga mga Kapanguhaan

Kini nga mga kapanguhaan makita diha sa Gospel Library nga app ug sa ChurchofJesusChrist.org.

Dali, Sunod Kanako—Alang sa mga Indibidwal ug mga Pamilya

Makahimo ka sa pagpahiangay og bisan unsang mga kalihokan gikan niining kapanguhaan aron magamit sa inyong klase sa Sunday School. Kon ang mga sakop sa klase nakagamit na niining mga kalihokan diha sa ilang personal o pamilya nga pagtuon sa kasulatan, awhaga sila sa pagpakigbahin sa ilang mga kasinatian ug mga ideya.

Mga Himno ug Songbook sa mga Bata

Ang sagradong musika nagdapit sa Espiritu ug nagtudlo og doktrina sa halandumong paagi. Agig dugang sa giimprinta nga mga bersyon sa Mga Himno ug Songbook sa mga Bata, makakita ka og mga rekording sa daghang himno ug mga awit sa mga bata diha sa music.ChurchofJesusChrist.org ug diha sa Sacred Music ug Gospel Media nga mga app.

Mga Manwal sa Seminary ug Institute

Ang mga manwal sa seminary ug institute naghatag og background sa kasaysayan ug komentaryo sa doktrina alang sa mga baruganan nga makita diha sa mga kasulatan. Tingali makahatag usab kini og mga ideya sa pagtudlo alang sa mga klase sa Sunday School.

Magasin sa Simbahan

Ang Liahona nga magasin naglangkob og mga artikulo ug ubang mga bahin nga makasuporta sa mga baruganan nga imong itudlo gikan sa Doktrina ug mga Pakigsaad.

lalaki nga nagtuon og materyal sa Simbahan

Isangyaw ang Akong Ebanghelyo

Kini nga giya alang sa mga misyonaryo naghatag og kinatibuk-ang pagpasabut sa nag-una nga mga baruganan sa ebanghelyo.

Alang sa Kalig-on sa mga Kabatan-onan

Kini nga kapanguhaan naglatid sa mga sumbanan sa Simbahan nga makatabang sa kabatan-onan ug sa uban nga mahimong matinud-anon nga mga disipulo ni Jesukristo. Ikonsiderar ang pag-refer niini sa kanunay, ilabi na kon ikaw nagtudlo sa kabatan-onan.

Mga Video ug Art

Ang artwork, mga video, ug ubang media makatabang niadtong imong tudloan nga makahanduraw sa doktrina ug mga istorya nga may kalabutan sa mga kasulatan. Daghan nga mga imahe ang makita usab diha sa Libro sa mga Hulagway sa Ebanghelyo.

Mga Santos

Ang Mga Santos mao ang daghang volume nga sugilanon sa kasaysayan sa Simbahan. Ang volume 1, Ang Sumbanan sa Kamatuoran, ug ang volume 2, Walay Dili Balaan nga Kamot, naghisgot sa kasaysayan sa Simbahan sa samang panahon sa Doktrina ug mga Pakigsaad. Kini nga mga kasaysayan makahatag kanimo og mga panabut sa konteksto nga naglibut sa mga pagpadayag nga imong tun-an diha sa Doktrina ug mga Pakigsaad.

Mga Hisgutanan sa Kasaysayan sa Simbahan

Daghang mga artikulo mahitungod sa mga tawo, ginama nga mga butang, heyograpiya, ug mga hitabo sa kasaysayan sa Simbahan makita diha sa ChurchofJesusChrist.org/study/history/topics.

Pagtudlo sumala sa Pamaagi sa Manluluwas

Kini nga kapanguhaan makatabang nimo nga makat-on ug makagamit sa mga baruganan sa Kristohanon nga pagtudlo. Kini nga mga baruganan gihisgutan ug gipraktis diha sa mga miting sa teacher council.