Dagiti Nainayon a Resources

Masarakan dagitoy a resources iti Gospel Library app ken iti ChurchofJesusChris.org.

Umaykayo, Sumurot Kaniak—Para kadagiti Indibidual ken Pamilia

Mabalinmo nga ibagay dagiti ania man nga aktibidad manipud iti daytoy a resource nga usaren iti klasem iti Sunday School. No inusar dagiti miembro ti klase dagitoy nga aktibidad iti bukod ken sangapamiliaan a panagadalda iti nasantuan a kasuratan, allukoyem ida a mangibinglay kadagiti padasda kennalawag a pannakaammo ken pannakaawatda [insights].

Hymns ken Children’s Songbook

Ti sagrado a musika ket mangyawis iti Espiritu ken mangisuro iti doktrina iti nakallalagip a wagas. Kas pangnayon kadagiti naiprenta a bersion ti Hymns ken Children’s Songbook,, masarakanyo dagiti rekording ti adu a himno ken kanta dagiti ubbing iti music.ChurchofJesusChrist.org ken iti Sacred Music ken Gospel Media apps.

Dagiti Manual iti Seminary ken Institute

Mangted dagiti manual iti seminary ken institute iti nagtaudan ti pakasaritaan [historical background] ken ti komentario iti doktrina para kadagiti pagbatayan a masarakan kadagiti nasantuan a kasuratan. Mabalin pay a dagitoy ti mangparegta kadagiti kapanunotan iti panangisuro para kadagiti klase iti Sunday School.

Dagiti Magasin ti Simbaan

Dagiti magasin a New Era, Ensign, ken Liahona ket naglaon kadagiti artikulo ken dadduma pay a sagudayen a mabalin a mangsuplemento kadagiti pagbatayan nga isursurom manipud iti Doktrina ken Katulagan.

Dagiti Topiko ti Ebanghelio [Gospel Topics]

Iti Gospel Topics (topics.ChurchofJesusChrist.org) masarakam ti kangrunaan nga impormasion maipapan kadagiti agduduma a topiko iti ebanghelio, kasta met dagiti link kadagiti makatulong a resources, kas kadagiti mainaig a mensahe iti sapasap a komperensia, dagiti artikulo, nasantuan a kasuratan, ken video. Masarakam pay ti Gospel Topics Essays, a mangidiaya kadagiti nauneg a sungbat kadagiti saludsod iti doktrina ken pakasaritaan.

Ikasaba ti Ebangheliok

Daytoy a pangiwanwan para kadagiti misionario ket mangted iti pakagupgopan dagiti kangrunaan a pagbatayan ti ebanghelio.

Para iti Pigsa dagiti Agtutubo

Daytoy a resource ti mangbalabala kadagiti pagrukodan ti Simbaan a mangtulong kadagiti agtutubo ken dadduma pay nga agbalin a napudno a disipulo ni Jesucristo. Ibilangmo ti panagibasar a masansan iti daytoy, nangnangruna no mangisursuroka kadagiti agtutubo.

Dagiti Video ken Arte

Ti artwork, dagiti video, ken dadduma pay a media ket makatulong kadagiti sursuruanyo a mangiladawan iti panunotda iti doktrina ken dagiti estoria a mainaig kadagiti nasantuan a kasuratan. Bisitaen ti Gospel Media library iti ChurchofJesusChrist.org tapno i-browse ti koleksion ti Simbaan iti media resources. Adda pay a magun-od dagitoy a resources iti Gospel Media app, ken masarakan pay ti adu a ladawan iti Libro ti Arte ti Ebanghelio.

Revelations in Context

Revelations in Context: The Stories behind the Sections of the Doctrine and Covenants ket koleksion dagiti essay maipapan iti pakasaritaan a mangliklikmut kadagiti paltiing a linaon iti Doktrina ken Katulagan. Ti konteksto a naited iti daytoy a resource ket makatulong kenka a makaawat a nasaysayaat no ania dagiti balikas iti Doktrina ken Katulagan a mabalin a napateg kadagiti nagkauna a Santo iti Ud-udina nga Aldaw.

Saints

Saints maysa a multivolume narrative history ti Simbaan. Volume 1, The Standard of Truth, ken volume 2, No Unhallowed Hand, mangsakup iti isu met la a panawen ti pakasaritaan ti Simbaan kas iti Doktrina ken Katulagan. Dagitoy a pakasaritaan ti makaited kadagiti nalawag a pannakaammo ken pannakaawat [insights] iti konteksto a mangliklikmut kadagiti paltiing nga adalem iti Doktrina ken Katulagan.

Dagiti Topiko iti Pakasaritaan ti Simbaan

Masarakan ti adu a topiko maipapan kadagiti tao, artifacts, geography, ken paspasamak ti pakasaritaan ti Simbaan iti ChurchofJesusChrist.org/study/history/topics.

Panangisuro iti Wagas ti Mangisalakan

Makatulong kenka daytoy a resource a masursuruan maipapan ken mangyaplikar kadagiti pagbatayan iti panangisuro a kas ken ni Cristo. Nailawlawag ken nausar dagitoy a pagbatayan kadagiti teacher council meeting.