Maysaka a Mannursuro iti Simbaan ni Jesucristo

Inawagannaka ti Dios a mangisuro kadagiti annakna iti wagas ti Mangisalakan. Nai-set apartka iti daytoy a pagrebbengan babaen ti turay ti nasantuan a priesthoodna. Uray no awananka iti padas a kas mannursuro, no agbiagka a maikari, agkararag iti inaldaw, ken agadal kadagiti nasantuan a kasuratan, ikkannakanto ti Nailangitan nga Ama iti impluensia ken bileg ti Espiritu Santo (kitaen iti 2 Nephi 33:1).

Annak ti Dios, ket ammona no ania ti kasapulanda ken no kasano ti kasayaatan a panangtulong kadakuada. Babaen ti Espiritu Santo, matarabaykanto kabayatan ti panagsaganam ken kabayatan ti panangisurom. Ipaltiingnanto kenka no ania ti nasken nga isaom ken no ania ti nasken nga aramidem.

Ti napateg a panggep ti panagsursuro iti ebanghelio ket mangbalbaliw kadagiti biag. Ti panggepmo a tun-oyen kas maysa a mannursuro ket mangtulong kadagiti sursuruam nga aramidenda ti amin a kabaelanda nga agbalin a napasurot [converted] iti ebanghelio ni Jesucristo—maysa a panggep a tun-oyen [goal] a mayatiddog iti labes ti oras ti panagklase. Awisem dagiti sursuruam a sireregta a makiraman iti bukodda a panagsursuro kadagiti pagbatayan ken doktrina ni Jesucristo ken agtignayda a mayannurot iti no ania ti nasursuroda. Alllukoyem ida a mangaramid iti bukod ken sangapamiliaan a panagadalda iti ruar ti klase a kangrunaan a pokus ti panagsursuroda iti ebanghelio. Bayat ti panagtignayda a sipapammati babaen ti panagadalda nga agmaymaysa ken sangapamiliaan, maawisdanto ti Espiritu iti biagda ken mabendisionandanto iti naun-uneg pay ngem iti ania man a banag a mabalin nga aramiden ti maysa a mannursuro.

Isurom laeng ti doktrina ti naisubli nga ebanghelio ni Jesucristo a kas masarakan kadagiti nasantuan a kasuratan ken iti balikas dagiti propeta iti ud-udina nga aldaw. Ti natarnaw a doktrina—agnanayon, saan nga agbalbaliw a kinapudno nga insuro ti Dios ken dagiti katulonganna—ket mangawis iti Espiritu ken addaan iti bileg a mangbalbaliw kadagiti biag.

Ti takem [calling] a mangisuro ket sagrado a panagtalek, ken gagangay a marikna ti talipupos no dadduma. Ngem laglagipem nga inawagannaka ti Dios, ket saannakanto a baybay-an iti kaano man. Daytoy ti aramid ti Apo, ken bayat ti panagserbim “iti amin a pusom, kabaelam, panunotmo ken pigsam” (DkK 4:2), padakkelennanto dagiti kabaelam, sagutmo ken talentom, ken ti serbisiom ket mangparaburto iti biag dagiti sursuruam.