Dagiti Nainayon a Resources

Masarakan ti kaaduan kadagitoy a resources iti Gospel Library app ken iti LDS.org.

Umaykayo, Sumurot Kaniak—Para kadagiti Indibidual ken Pamilia

Mabalinmo nga ibagay dagiti ania man nga aktibidad manipud iti daytoy a resource nga usaren iti klasem iti Sunday School. No inusar dagiti miembro ti klase dagitoy nga aktibidad iti bukod ken sangapamiliaan a panagadalda iti nasantuan a kasuratan, allukoyen ida a mangibinglay kadagiti padasda ken dagiti nalawag a pannakaammo ken pannakaawatda [insights].

Dagiti Magasin iti Simbaan

Dagiti magasin iti New Era, Ensign, ken Liahona ket mangted kadagiti artikulo ken dadduma pay a sagudayen a mabalin a mangsuplemento kadagiti pagbatayan nga isursurom manipud iti Umaykayo, Sumurot Kaniak—Para iti Sunday School.

Hymns ken ti Children’s Songbook

Ti sagrado a musika ket mangawis iti Espiritu ken mangisuro iti doktrina iti nakallalagip a wagas. Kas pangnayon kadagiti naiprenta a bersion ti Hymns ken ti Children’s Songbook, masarakanyo dagiti rekording ti adu a himno ken kanta dagiti ubbing iti music.lds.org ken iti LDS Music app.

Media Library

Ti artwork, dagiti video, ken dadduma pay a media ket makatulong kadagiti sursuruanyo a mangiladawan iti panunotda iti doktrina ken dagiti estoria a masarakan iti Baro a Tulag. Bisitaen ti medialibrary.lds.org tapno i-browse dagiti koleksion iti media resources ti Simbaan a pakairamanan dagiti Bible Videos series, a mangiladawan kadagiti pasamak iti Baro a Tulag.

Dagiti Manual iti Seminary ken Institute

Mangted dagiti manual iti seminary ken institute iti historical background ken ti komentario iti doktrina para kadagiti pagbatayan a masarakan kadagiti nasantuan a kasuratan. Naglaonda pay kadagiti kapanunotan iti panangisuro a mabalin nga ibagay nga usaren para kadagiti klase iti Sunday School.

Dagiti Topiko iti Ebanghelio

Iti topics.lds.org masarakam ti kangrunaan nga impormasion maipapan kadagiti topiko iti ebanghelio, kasta met dagiti link kadagiti makatulong a resources, kas kadagiti mainaig a bitla iti sapasap a komperensia, dagiti artikulo, nasantuan a kasuratan, ken video. Masarakam pay ti Gospel Topics Essays, a mangidiaya kadagiti saludsod iti ebanghelio.

Napudno iti Pammati

Mangted daytoy a resource kadagiti simple a pannakailawlawag dagiti topiko iti ebanghelio, a nailista iti urnos nga alpabetiko.

Ikasaba ti Ebangheliok

Daytoy a pangiwanwan para kadagiti misionario ket mangted iti pakagupgopan dagiti kangrunaan a pagbatayan ti ebanghelio.

Para iti Pigsa dagiti Agtutubo

Balabalaen daytoy a resource dagiti pagrukodan ti Simbaan a makatulong kadatayo tapno agtalinaed a maikari kadagiti bendision ti Apo. Nangnangruna no mangisursuroka kadagiti agtutubo, ibilangmo ti panagibasar iti daytoy a masansan.

Panangisuro iti Wagas ti Mangisalakan

Makatulong kenka daytoy a resource a masursuruan maipapan ken mangyaplikar kadagiti prinsipio ti panangisuro a kas ken ni Cristo. Nailawlawag ken nausar dagitoy a prinsipio kadagiti teacher council meeting.