Ou Pa Bezwen Pè, pa Michael Malm

13–19 Mas.

Matye 11–12; Lik 11

“M Ap Ba Ou Repo”

Li Matye 11–12 ak Lik 11 pandan semèn anvan w pral anseye a. Sa ap ba w tan pou w medite ak resevwa revelasyon sou kisa pou bay plis atansyon nan klas la.

Envite Pataj

Aplike prensip nou jwenn nan ekriti yo nan lavi nou se yon fason enpòtan pou nou fè eksperyans avèk pouvwa pawòl Bondye a. Ankouraje manm klas la pou yo pataje sa yo te jwenn nan etid yo sou ekriti yo semèn sa a.ke yo kapab aplike nan lavi yo. Pataje yon egzanp ki montre ke jan ou te aplike ekriti yo te kapab ede w ensprie manm klas la pou yo pataje pwòp egzanp pa yo.

Anseye Doktrin nan

Matye 11:28–30

Jezikri ap ba nou repo lè nou konte sou Li.

• Nan Matye 11:28–30, Sovè a te anseye ke L ap ede nou pote fado lou nou yo si nou aksepte envitasyon L lan ki di “Pran jouk mwen sou nou” an (vèsè 29). Pou ede manm klas la konprann pwomès Li a pi byen, ou ta kapab montre foto yon jouk (gade nan plan leson semèn sa a nan Vini, Suiv Mwen—Pou Moun yo ak Fanmi yo) epi pataje fè tankou sa yo: jouk fèt pou ede zannimo pote chay ki lou oubyen pou fè travay fèt, e souvan jouk yo fèt toutespre pou bèt la. Kisa kantik ak ekriti sa yo ajoute sou konpreyansyon nou de Matye 5:14–16la? Ki envitasyon nou jwenn nan mesaj li a? Ki benediksyon yo pwomèt nou? Ou ta kapab pataje tou pwomès Prezidan Russell M. Nelson ke nou jwenn nan “Resous Adisyonèl yo.”

• Nou tout gen fado ke kapab vin pi lejè gras a pouvwa Jezikri. Pou ankouraje disisyon sou a, ou ta kapab envite manm klas la pou yo li Matye 11:28–30 epi pou yo fè yon diskisyon sou li avèk yon lòt moun nan klas la. Yo ta kapab enkli kesyon tankou sa ki nan diskisyon yo a: Ki egzanp fado yon moun ta kapab pote? Kisa nou dwe fè pou n ka vin jwenn Jezikri? Kisa pran jouk Kris la sou tèt nou vle di? Kijan w te santi w lè Senyè a aleje fado w yo lè w te tounen vè limenm? Manm klas la kapab jwenn lòt ide ankò nan mesaj Èldè David A. Bednar la “Pote Fado Yo Alèz” (Liawona, Me 2014, 87–90).

Disip yo Manje Ble nan jou Saba a, pa James Tissot

(Matye 12:1–13).

Saba a se yon jou pou nou fè byen.

• Pou te ede yo sanktifye jou Saba a, Farizyen yo te etabli règ sevè ak tradisyon lèzòm ki te vin finalman bwouye konpreyansyon yo sou vrè bi Saba a. Pou kòmanse yon diskisyon sou rezon ki fè Senyè te ban nou jou Saba a, ou ta kapab envite manm klas la pou yo revize Matye 12:1–13 ak Tradiksyon Joseph Smith, Mark 2:26–27 (nan apendis Bib la). Kisa istwa sa yo anseye nou sou bi Saba a? Ki limyè adisyonèl konsènan Saba a nou jwenn nan Egzòd 31:16–17; Ezayi 58:13–14; ak Doktrin ak Alyans 59:9–13? Kijan relasyon nou avèk Senyè a chanje lè nou eseye sanktifye jou L la?

• Alòske Farizyen yo te mete aksan sou anpil règ detaye konsènan Saba a, Sovè a te anseye yon prensip ki senp: “Li pèmi pou nou fè byen nan jou Saba a” (Matye 12:12 Ki lòt prensip ki ede nou sanktifye jou Saba a? (gade nan deklarasyon Prezidan Russell M. Nelson an nan “Resous Adisyonèl yo”). Poukisa prensip yo pi efikas ke lis règ lè nou fè efò pou nou devlope otonomi espirityèl?

• Mesaj Prezidan Russell M. Nelson an “Saba a se yon delis” la nan (Liahona, Me 2015, 129–32) ak videyo sou konsèy Èldè Jeffrey R. Holland te bay nan seksyon “Resous Adisyonèl” la ta kapab ede ka ede nan yon diskisyon konsènan jou Saba a.

Resous adisyonèl

avèk Jezikri

Prezidan Russell M. Nelson te anseye: “Ou vin jwenn Kris la pou w ka konekte avèk Li ak pouvwa Li, pou w pa oblije rale fado lavi a poukont ou. Ou rale fado lavi a avèk Sovè ak Redanmtè mond lan, epi toudenkou, pwoblèm ou yo, kèlkeswa gravite yo, vin pi lejè” (“Misyon ak Ministè Sovè a: Yon diskisyon avèk Èldè Russell M. Nelson,” Ensign, Jen 2005, 18)

“Ki prèv ou vle bay Bondye?”

Prezidan Russell M. Nelson te anseye: “Lè m te gen pou m te pran yon desizyon pou m te konnen si wi ou non yon aktivite te apwopriye pou jou Saba a, mwen te konn senpleman mande tèt mwen: Ki prèv m vle bay Bondye?” Kesyon sa a te fè chwa m yo sou jou Saba a klè tankou kristal” (“Saba a se yon delis,” Lyawona, Me 2015, 130).

Benediksyon obsèvasyon jou Saba a.

Nan yon seri ki gen twa video, Èldè Jeffrey R. Holland anseye konsènan benediksyon ki genyen nan obsève jou Saba a: “Nan jou sakre m nan—Rapwoche nou de Bondye,” “Nan jou sakre m nan—Onore Saba a,” ak “Nan jou sakre m nan—Repo ak Renouvèlman” (ChurchofJesusChrist.org).

Amelyore ansèyman nou

Ankouraje pataj. “Chak moun nan klas ou a se yon sous temwayaj, ide, ak eksperyans abondan nan viv levanjil la. Envite yo pou youn pataje ak lòt epi pou youn elve lòt” (Anseye nan fason Sovè a,5).