20–26 Mas.

Matye 13; Lik 813

“Moun Ki Gen Zòrèy Pou L Tande, Se Pou L Tande”

Pandan w ap li, panse a kesyon manm klas ou a ka genyen lè y ap eseye konprann mesaj ki nan parabòl yo. Kisa ki ta kapab difisil pou yo konprann? Kijan etid ou a prepare w pou w reponn kesyon yo?

Envite Pataj

Revize avèk klas la “Ide Pou Amelyore Etid Ekriti Pèsonèl Ou” ki nan Vini, Suiv Mwen—Pou Moun yo ak Fanmi yoa. Envite manm klas la pou yo pataje metòd yo te itilize pou etidye Matye 13 ak Lik 8;13.

Anseye Doktrin nan

Matye 13: 1–23

Kè nou dwe prepare pou nou resevwa pawòl Bondye a.

• Kijan w ka itilize parabòl kiltivatè a pou enspire manm klas ou yo pou yo prepare kè yo pou yo resevwa pawòl Bondye a? Ou ta kapab ekri Disip ak Lòt moun sou tablo a. Envite manm klas la pou yo li Matye 13:10–17 epi chèche wè kijan Jovè a te dekri diferans ant disip li yo ak lòt moun ki te tande parabòl li yo. Apre sa, mande yo pou yo gade vèsè 18–23pou yo ka chèche sa k ka lakoz zòrèy nou vin “bouche” oubyen je nou fèmen pou bagay espirityèl yo. Ki direksyon nou resevwa nan epòk pa nou an nan men Bondye ak sèvitè l yo? Kijan nou ka kiltive “bon sòl” pou nou resevwa direksyon yo? (vèse 23).

• Ou ta kapab envite kèk manm klas la pou yo chak vini tou prepare pou yo anseye yon seksyon nan mesaj Prezidan Dallin H. Oaks la “Parabòl Kiltivatè a” (Lyawona, Me 2015, 32–35). Kisa mesaj li a ajoute sou konpreyasyon nou konsènan parabòl la?

Matye 13:24–35, 44–53

Parabòl Jezi yo ede nou konprann kwasans, destine, ak valè Legliz Li a.

• Kijan w ka ede manm klas la konprann verite yo konsènan Legliz la ke yo anseye nan parabòl Jezikri yo ki nan Matye 13la? Ou ta kapab fè lis kèk parabòl sou tablo a (gade nan plan leson semèn sa a nan Vini, Suiv Mwen—Pou Moun yo ak Fanmi yo ak Enseignements des Présidents de l Église: Joseph Smith, [2007], 293–303). Manm klas la ta kapab etidye youn oswa plis parabòl endividyèl oswa nan ti gwoup epi pataje kisa yo te aprann konsènan kwasans ak destine Legliz Jezikri a.

Wayòm syèl la tankou filè yon pechè pwason.

• Kisa nou aprann sou sou valè apatenans nou nan Legliz la nan parabòl trezò ki nan jaden an ak parabòl pèl gran pri a ke nou jwenn nan Matye 13:44–46la? Kèk manm nan klas ou a (oubyen moun yo konnen) gen dwa te fè sakrifis—gwo oubyen piti—pou yo te vin manm Legliz la. Envite manm klas la pou yo pataje sakrifis yo te fè oubyen yo te wè lòt moun fè pou yo te ka vin manm Legliz la. Ki benediksyon ki te vini kòm rezilta? Envite manm klas la pou yo reflechi sou sa yo te santi yo pouse pou yo te sakrifye pou Legliz la.

Matye 13:24–30, 36–43

Nan fen mond lan, Senyè a ap rasanble moun jis yo epi l ap detwi mechan yo.

• Kijan w ka ede klas ou a tire leson nan parabòl ble ak ivrè a ki ap ede yo rete Sen Dènye Jou fidèl la? Pou kòmanse, envite yon manm klas la pou l rezime parabòl la ak entèpretasyon li. Èske genkèk leson nan parabòl sa a ki pou epòk pa nou an? Poukisa li enpòtan pou nou konnen Senyè a pèmèt Sen L yo “grandi ansanm” (Matye 13:30) avèk mechan yo jiskaske lè rekòt la rive? Kijan n ap fè kenbe lafwa nou nan Jezikri djanm lè mechanste antoure nou toupatou? Kijan Kris ka ede nou? Doktrin ak Alyans 86:1–7 ak deklarasyon Èldè L. Tom Perry a nan “Resous Additional yo” kapab bay lòt ide sou jan sen dènye jou yo aplike parabòl sa a.

Resous adisyonèl

Nou dwe nouri sa ki bon.

Èldè L. Tom Perry te anseye: “Ansyen enmi tout limanite sa a jwenn tout metòd li ka imajine pou l simen livrènan nan tout rakwen. Li jwenn mwayen pou l fè yo antre anndan kay nou menm. Mwayen mechan ak monden yo vin tèlman gaye toupatou sanble pa gen okenn mwayen pou elimine yo. Yo vini atravè kab tankou fil telefòn ak ond ki antre nann aparèy nou devlope pou edike nou ak divèti nou. Ble a ak ivrè a grandi ansanm youn akote lòt. Yon responsab ki ap jere chan an dwe fè tout efò posib pou nouri sa ki bon an epi rann li tèlman fò e tèlmani bèl ke ivrè yo p ap gen okenn atirans devan je l ak zòrèy” (“Jwenn Lapè Dirab ak Bati Fanmi Etènèl,” Lyawona, Nov. 2014, 44).

Amelyore Ansèyman nou

Santre ansèyman ou sou doktrin nan. Asire w ke w fè tout diskisyon klas ou a konsantre sou doktrin fondamantal ki nan ekriti yo. Ou ka fè sa lè w mande elèv yo pou yo li ekriti yo alavans, santre tout diskisyon klas ou a sou ekriti yo, epi mande manm klas la pou yo pataje temwayaj yo sou vrè doktrin nan. (Gade Anseye nan fason Sovè a, 20–21.)