“Sam Moa Risos,” Kam Folem Mi—Blong Sandei Skul: OlTesteman 2023 (2022)
“Sam Moa Risos,” Kam Folem Mi—Blong Sandei Skul: 2023
Sam Moa Risos
Yufala i save faenem ol risos ia long Gospel Laebri ap mo long ChurchofJesusChrist.org/study?lang=bis
Kam Folem Mi—Blong Wanwan Man, Woman mo Famli
Yu save yusum mo stretem ol aktiviti we oli stap long Kam Folem Mi—Blong Wanwan Man, Woman mo Famli blong yusum long Sandei Skul klas blong yu. Sapos ol memba blong klas oli bin yusum olgeta aktiviti ia long skripja stadi blong olgetawan o blong famli, leftemap tingting blong olgeta blong serem eksperiens blong olgeta mo ol tingting blong olgeta.
Hymns mo Children’s Songbookmo Singsing Tabu mo Singsing blong Ol Pikinini
Tabu miusik i invaetem Spirit, i helpem yumi filim lav blong God, mo i tijim doktrin long wan gudfala wei. Yu save printim sam singsing insaed long Hymns mo Children’s Songbook, mo yu save faenem vidio mo odio blong plante hym mo singsing blong ol pikinini we oli rekodem long music.ChurchofJesusChrist.org mo insaed long Sacred Music mo Gospel Media ap.
Ol Lesenbuk blong Seminari mo Institiut
Ol lesenbuk blong seminari mo institiut oli givim wan histri bakgraon mo sam tingting long doktrin long saed blong olgeta prinsipol mo ol stori we oli stap long ol skripja. Oli givim insperesen tu long sam tingting blong tij long ol klas blong Sandei Skul.
Ol Magasin blong Jos
Liahona mo Blong Ol Yut Oli kam Strong ol magasin i givim ol atikol mo ol nara infomesen we i save givim sapot long ol prinsipol we yu stap tijim insaed long Kam Folem Mi—Blong Sandei Skul.
Gospel Topik
Insaed long Gospel Topics (topics.ChurchofJesusChrist.org), yu save faenem sam besik infomesen abaot ol defren topik blong gospel, wetem ol link we i go log sam risos we oli save help, olsem ol mesej blong jeneral konfrens, ol atikol, ol skripja, mo ol vidio. Mo tu, yu save faenem Gospel Topics Essays, we oli givim ol dip infomesen abaot doktrin, histri mo tu, ol ansa blong defren kwestin abaot Jos mo ol tijing blong hem.
Prijim Gospel blong Mi
Gaed ia, blong ol misinari, i givim wan bigfala lukluk long saed blong stamba prinsipol blong gospel.
Blong Ol Yut Oli Kam Strong (buklet)
Risos ia i aotlaenem ol standet blong Jos we i save helpem yumi laef folem gospel blong save gat Spirit i stap olsem kompanion. Tingting blong lukluk buklet ia plante taem, speseli sapos yu stap tijim olgeta yut.
Ol Vidio mo Ol Art
Ol artwok, ol vidio, mo ol nara media oli save helpem olgeta we yu stap tijim oli andastanem doktrin mo blong gat wan pikja long ol stori we oli stap go wetem ol skripja. Go luk Gospel Media long GospelMedia.ChurchofJesusChrist.org blong luk tru long ol grup blong media risos blong Jos. Gospel Media i stap tu olsem wan ap blong yusum long mobaelfon o long tablet. Plante long ol pikja we yu save yusum insaed long klasrum i stap long Gospel Art Buk
Tij Folem Wei blong Sevya
Tij Folem Wei blong Sevya i save helpem yu blong lan abaot mo stap praktisim ol prinsipol blong stap tij olsem Kraes i bin tij. Olgeta prinsipol ia, oli stap toktok raon long olgeta mo oli stap praktisim olgeta insaed long ol kaonsel miting blong ol tija.