“Punaoa Faaopoopo,” Sau, Mulimuli Mai ia te Au—Mo le Aoga Sa: Feagaiga Fou 2023 (2022)
“Punaoa Faaopoopo,” Sau, Mulimuli Mai ia te Au—Mo le Aoga Sa: 2023
Punaoa Faaopoopo
O nei punaoa e mafai ona maua i le polokalama o le Potutusi a le Talalelei [Gospel Library app] ma i le ChurchofJesusChrist.org.
Sau, Mulimuli Mai ia te Au—Mo Tagata Taitoatasi ma Aiga
E mafai ona fetuunai ni gaoioiga mai le Sau, Mulimuli Mai ia te Au—Mo Tagata Taitoatasi ma Aiga mo le faaaogaina i lau vasega o le Aoga Sa. Afai na faaaoga e tagata o le vasega nei gaoioiga i a latou suesuega patino pe faaleaiga, fautuaina i latou e faasoa mai o latou aafiaga ma malamalamaaga.
Viiga ma le Tusipese a Tamaiti
O musika paia e valaaulia ai le Agaga, e fesoasoani tatou te lagona ai le alofa o le Atua, ma aoao atu ai aoaoga faavae i se auala e le mafaagaloina. E faaopoopo i tusi lolomi o Viiga ma le Tusipese a Tamaiti, e mafai ona e maua lipine faalogologo ma vitio o le tele o viiga ma pese a tamaiti i le music.ChurchofJesusChrist.org ma i polokalama o le Sacred Music ma le Gospel Media.
Tusi Lesona o le Seminare ma le Inisitituti
OTusi lesona a le seminare ma le inisitituti o loo tuuina atu ai talaaga faasolopito ma faamatalaga faaleaoaoga faavae mo mataupu faavae ma tala o loo maua i tusitusiga paia. E mafai foi ona latou uunaia manatu faafaiaoga mo vasega a le Aoga Sa.
Mekasini a le Ekalesia
O mekasini o le Liahona ma le Mo Le Malosi o le Autalavou o loo i ai tala ma isi vaega e mafai ona suitulaga ai mataupu faavae o loo e aoaoina mai le Sau, Mulimuli Mai ia te Au—Mo le Aoga Sa.
Autu o le Talalelei
I Autu o le Talalelei (topics.ChurchofJesusChrist.org), e mafai ona e maua ai faamatalaga faavae e uiga i autu eseese o le talalelei, faatasi ai ma punaoa aoga, e pei o lauga o konafesi aoao e fesootai i ai, o tala, mau, ma vitio. E mafai foi ona e maua le Gospel Topics Essays, lea e ofoina atu ni faamatalaga loloto e uiga i mataupu faaleaoaoga faavae ma talafaasolopito, faapea foi ma tali i fesili eseese e uiga i le Ekalesia ma ona aoaoga.
Tala’i La’u Talalelei
O lenei taiala mo faifeautalai e maua ai se vaaiga aoao i mataupu faavae autu o le talalelei.
Mo le Malosi o le Autalavou (tama’itusi)
O lenei punaoa o loo otooto mai ai tulaga faatonuina o le Ekalesia e mafai ona fesoasoani ia i tatou e ola ai i le talalelei ma olioli i le mafutaga o le Agaga. Mafaufau e faaaoga soo, ae maise lava pe afai o loo e aoaoina le autalavou.
Vitio ma Ata
O faatufugaga, vitio, ma isi faasalalauga e mafai ona fesoasoani ia i latou e te aoaoina e malamalama ai i aoaoga faavae ma vaai faalemafaufau ai i tala e fesootai i tusitusiga paia. Asiasi i le Gospel Media i le gospelMedia.ChurchofJesusChrist.org e matamata ai i punaoa o faasalalauga ua aoina e le punaoa o ala o faasalalauga. Ua maua foi le Ala o Faasalalauga o le Talalelei o se polokalama i telefoni feaveai. E tele ata e mafai ona e faaaogaina i le vasega o loo maua i le Tusi Ata o le Talalelei.
Aoao Atu i le Ala a le Faaola
O leAoao Atu i le Ala a le Faaola e mafai ona fesoasoani ia te oe e aoao ai ma faaaoga mataupu faavae o le aoao atu faapei o Keriso. O nei mataupu faavae o loo talanoaina ma faataitai i fonotaga faaaufono a faiaoga.