Te tahi atu ā mātēria

E ’itehia teie atu mau mātēria tauturu i roto i te fa’anahora’a ’āfa’ifa’i nō te Vaira’a buka ’evanelia ’e i ni’a ChurchofJesusChrist.org.

Te mau hīmene ’e Chant pour les enfants

E ani manihini te pehe mo’a i te Vārua ’e e ha’api’i i te ha’api’ira’a tumu nā roto i te hō’ē rāve’a e ’ore roa e mo’ehia. Ta’a ’ē noa atu te mau nene’ira’a o Te mau hīmene ’e o te Chants pour les enfants, e nehenehe ’outou e ’ite mai i te mau haruharura’a fa’aro’o ’e te video nō te mau hīmene e rave rahi nā te mau tamari’i i ni’a music.ChurchofJesusChrist.org ’e i roto i te mau fa’anahora’a ’āfa’ifa’i Sacred Music ’e Gospel Media.

Mau buka a te seminaire ’e te institut

E hōro’a mai Te mau buka a te Seminaire ’e te institut i te tahi tātarara’a nō ni’a i te mau ’ohipa i tupu ’e nō te ha’api’ira’a tumu ’e te mau parau tumu e ’itehia i roto i te mau pāpa’ira’a mo’a. E ti’a ato’a i te reira e fa’auru mai i te tahi mau mana’o ha’api’ira’a nō te piha o te Ha’api’ira’a Sābati.

Te mau ve’a a te ’Ēkālesia

Tē hōro’a nei te mau ve’a Liahona ’e te Nō te Pūai o te Feiā ’Āpī i te mau parau tumu ’e te tahi atu mau rāve’a o te nehenehe e fa’ananea i te mau parau tumu tā ’outou e ha’api’i nei nā roto mai i te Mai, pee mai—nō te Ha’api’ira’a Sābati.

Mau tumu parau nō te ’evanelia

I roto i Te mau parau tumu o te ’evanelia (topics.ChurchofJesusChrist.org) e nehenehe ’outou e ’ite i te ha’amāramaramara’a nō ni’a i te mau huru tumu parau ato’a o te ’evanelia, nā reira ato’a te tahi mau hono nō te mau mātēria tauturu, mai te mau a’ora’a i te ’āmuira’a rahi, te mau fa’ata’ara’a parau, te mau pāpa’ira’a mo’a, ’e te mau video. E nehenehe ato’a ’outou e ’ite i te tahi Mau tāmatara’a nō ni’a i te mau tumu parau o te ’evanelia, ’o tē hōro’a i te mau pāhonora’a hōhonu i te mau uira’a nō ni’a i te ha’api’ira’a tumu ’e te ’ā’amu o te ’Ēkālesia.

’Ia Poro Haere i Tā’u Nei ’Evanelia

E hōro’a mai teie arata’i nā te mau misiōnare i te hō’ē hi’ora’a nō te mau parau tumu o te ’evanelia.

Nō te Pūai o te Feiā ’Āpī (buka iti)

Tē fa’a’ite nei teie mau rāve’a tauturu i te mau ture a te ’Ēkālesia ’o te nehenehe e tauturu ia tātou ’ia ora i te ’evanelia ’e ’ia oaoa i te hoara’a o te Vārua. E nehenehe e fa’atoro pinepine i ni’a i te reira, ’ia ha’api’i iho ā rā ’outou i te feiā ’āpī.

Mau video ’e te anoihi

E nehenehe te mau hōho’a pēni, te mau video, ’e te tahi atu ’ohipa ha’apūrorora’a e tauturu i te feiā tā ’outou e ha’api’i ra ’ia māramarama i te ha’api’ira’a tumu ’e ’ia ’ite mata i te mau ’ā’amu nō roto mai i te mau pāpa’ira’a mo’a. ’A haere e hi’o i te Rāve’a ha’apararera’a ’evanelia (Gospel Media) i ni’a ChurchofJesusChrist.org nō te hi’o i te ha’aputura’a a te ’Ēkālesia nō te mau mātēria rāve’a ha’apararera’a. Tē vai ato’a nei te Vaira’a rāve’a ha’apararera’a nō te fa’anahora’a ’āfa’ifa’i. E rave rahi hōho’a tā ’outou e nehenehe e fa’a’ohipa i roto i te ha’api’ira’a e ’itehia i roto i te Buka hōho’a ’evanelia (Gospel Art Book).

Ha’api’ira’a mai tā te Fa’aora

E nehenehe te Ha’api’ira’a mai tā te Fa’aora e tauturu ia ’outou ’ia ha’api’i mai ’e ’ia fa’a’ohipa i te mau parau tumu o te ha’api’ira’a mai tā te Fa’aora. E tuatāpapahia ’e e fa’a’ohipahia teie mau parau tumu i roto i te mau rurura’a a te mau ’orometua ha’api’i.