Tokāteline mo e Ngaahi Fuakavá – Tohi Lēsoni ʻa e Faiako Seminelí

Ngaahi Fakahokohokó
Peesi Talamuʻakí
Talateu ki he Tokāteline mo e Ngaahi Fuakavá – Tohi Lēsoni ʻa e Faiako Seminelí
Ngaahi Lēsoni ʻo e Tokāteline mo e Ngaahi Fuakavá
- Ko e Fanongonongo ʻo e Fakafoki Mai ʻo e Ongoongoleleí
- Tokāteline mo e Ngaahi Fuakava 1
- Siosefa Sāmita—Hisitōlia 1:1–26
- Tokāteline mo e Ngaahi Fuakava 2; Siosefa Sāmita—Hisitōlia 1:27–65
- Tokāteline mo e Ngaahi Fuakava 3–5
- Tokāteline mo e Ngaahi Fuakava 6–9
- Tokāteline mo e Ngaahi Fuakava 10–11
- Tokāteline mo e Ngaahi Fuakava 12–17; Siosefa Sāmita—Hisitōlia 1:66–75
- Tokāteline mo e Ngaahi Fuakava 18
- Tokāteline mo e Ngaahi Fuakava 19
- Tokāteline mo e Ngaahi Fuakava 20–22
- Tokāteline mo e Ngaahi Fuakava 23–26
- Tokāteline mo e Ngaahi Fuakava 27–28
- Tokāteline mo e Ngaahi Fuakava 29
- Tokāteline mo e Ngaahi Fuakava 30–36
- Tokāteline mo e Ngaahi Fuakava 37–40
- Tokāteline mo e Ngaahi Fuakava 41–44
- Tokāteline mo e Ngaahi Fuakava 45
- Tokāteline mo e Ngaahi Fuakava 46–48
- Tokāteline mo e Ngaahi Fuakava 49–50
- Tokāteline mo e Ngaahi Fuakava 51–57
- Tokāteline mo e Ngaahi Fuakava 58–59
- Tokāteline mo e Ngaahi Fuakava 60–63
- Tokāteline mo e Ngaahi Fuakava 64–66
- Tokāteline mo e Ngaahi Fuakava 67–70
- Tokāteline mo e Ngaahi Fuakava 71–75
- Tokāteline mo e Ngaahi Fuakava 76
- Tokāteline mo e Ngaahi Fuakava 77–80
- Tokāteline mo e Ngaahi Fuakava 81–83
- Tokāteline mo e Ngaahi Fuakava 84
- Tokāteline mo e Ngaahi Fuakava 85–87
- Tokāteline mo e Ngaahi Fuakava 88
- Tokāteline mo e Ngaahi Fuakava 89–92
- Tokāteline mo e Ngaahi Fuakava 93
- Tokāteline mo e Ngaahi Fuakava 94–97
- Tokāteline mo e Ngaahi Fuakava 98–101
- Tokāteline mo e Ngaahi Fuakava 102–105
- Tokāteline mo e Ngaahi Fuakava 106–108
- Tokāteline mo e Ngaahi Fuakava 109–110
- Tokāteline mo e Ngaahi Fuakava 111–114
- Tokāteline mo e Ngaahi Fuakava 115–120
- Tokāteline mo e Ngaahi Fuakava 121–123
- Tokāteline mo e Ngaahi Fuakava 124
- Tokāteline mo e Ngaahi Fuakava 125–128
- Tokāteline mo e Ngaahi Fuakava 129–132
- Tokāteline mo e Ngaahi Fuakava 133–134
- Tokāteline mo e Ngaahi Fuakava 135–136
- Tokāteline mo e Ngaahi Fuakava 137–138
- Ko e Ngaahi Tefito ʻo e Tuí mo e Ngaahi Fanongonongo Fakamafaiʻi 1 mo e 2
- Ko e Fāmilí: Ko ha Fanongonongo ki Māmani
- Ko e Kalaisi Moʻuí
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí
- Ko Hono Tanumaki ʻo e Moʻui Fakafalala Pē Kiate Kitá
- Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Ko e Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Lēsoni 5—Tokāteline mo e Ngaahi Fuakava 1:30–33: “Ko e Siasi Moʻoni mo Moʻui Pē Tahá”

“Lēsoni 5—Tokāteline mo e Ngaahi Fuakava 1:30–33: ‘Ko e Siasi Moʻoni mo Moʻui Pē Tahá,’” Tokāteline mo e Ngaahi Fuakavá – Tohi Lēsoni ʻa e Faiako Seminelí (2025)

“Tokāteline mo e Ngaahi Fuakava 1:30–33,” Tokāteline mo e Ngaahi Fuakavá – Tohi Lēsoni ʻa e Faiako Seminelí

Lēsoni 5: Tokāteline mo e Ngaahi Fuakava 1

Tokāteline mo e Ngaahi Fuakava 1:30–33

“Ko e Siasi Moʻoni mo Moʻui Pē Tahá”

ʻI he talamuʻaki ʻa e ʻEikí ki he Tokāteline mo e Ngaahi Fuakavá, naʻá Ne fakahā ai ʻa e mahuʻinga ʻo e Siasi ʻo Sīsū Kalaisi ne toki fakafoki maí. Naʻá Ne fakahā ko e Siasí ʻa e “siasi moʻoni mo moʻui pē taha ʻi he funga ʻo e māmaní kotoa” (Tokāteline mo e Ngaahi Fuakava 1:30). ʻOku fakataumuʻa ʻa e lēsoni ko ʻení ke tokoni ke ongoʻi ʻe he kau akó ʻa e mahuʻinga ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ko e siasi moʻoni pē tahá.

Ngaahi ʻEkitivitī Ako ʻOku Ala Fakahokó

Ko e Siasi ʻo e ʻEikí

Ke kamata ʻa e lēsoní, te ke lava ʻo vahevahe ʻa e fehuʻi ko ʻení mo e ngaahi fakamatala ʻoku ʻoatu fakataha mo iá pea fakaafeʻi ha niʻihi ʻo e kau akó ke vahevahe ʻenau ngaahi talí.

Ko e hā ka tui tatau pe ʻikai tui tatau ai ha kakai ʻe niʻihi mo e ngaahi fakamatala ko ʻení?

ʻOku ʻikai ke u tui ʻoku ou fiemaʻu ha siasi.
ʻOku moʻoni tatau pē ʻa e ngaahi siasí kotoa.
Ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e siasi moʻoni pē ʻe tahá.

Te ke lava ʻo kole ki he kau akó ke vakaiʻi fakalongolongo ʻenau ngaahi fakakaukau ki he ngaahi fakamatala ko ʻení.

ʻE lava ke faingataʻa hono ʻiloʻi e meʻa ʻoku moʻoní koeʻuhí ko e lahi ʻa e ngaahi tui fakalotú mo e fakakaukau kehekehé. Kuo foaki mai ʻe he ʻEikí ha fakahinohino ʻo fakafou ʻi he folofolá ke tokoniʻi kitautolu ke tau maʻu ha loto falala ki he meʻa ʻoku moʻoní pea mo ʻiloʻi ʻa e meʻa ʻokú Ne finangalo maʻatautolú.

Naʻe fakahā ʻe he ʻEikí ha fakatokanga “ki he kakai kotoa pē” ko ha talamuʻaki ki he Tokāteline mo e Ngaahi Fuakavá (Tokāteline mo e Ngaahi Fuakava 1:4). Naʻá Ne fai ha fakamatala mahino fekauʻaki mo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ko ha konga ʻo ʻEne pōpoakí.

Lau ʻa e Tokāteline mo e Ngaahi Fuakava 1:30, pea fekumi ki he founga ʻoku fakamatalaʻi ai ʻe he ʻEikí ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

Ko ha veesi fakataukei folofola ʻa e Tokāteline mo e Ngaahi Fuakava 1:30. Fakakaukau ke fakaafeʻi ʻa e kau akó ke nau fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻungofua kinautolu.

Ko e hā ʻa e meʻa naʻá ke maʻú?

“Ko e siasi moʻoni mo moʻui pē taha ʻi he funga ʻo e māmaní kotoa”

Ko e Siasi Moʻoni mo Moʻuí

Naʻe akonaki ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Naʻe folofola ʻa e ʻEikí ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e “siasi moʻoni mo moʻui pē taha ʻi he funga ʻo e māmaní” (T&F 1:30). ʻOku moʻoni ʻa e Siasi ko ʻeni ne Fakafoki maí he ko e Siasi ia ʻo e Fakamoʻuí; ko Ia e “halá, mo e moʻoní pea mo e moʻuí” (Sione 14:6). Pea ko e Siasi ʻoku moʻui tupu mei he ngaahi ngāue mo e ngaahi meʻafoaki ʻo e Laumālie Māʻoniʻoní. (David A. Bednar, “Maʻu ʻa e Laumālie Māʻoniʻoní,” Liahona, Nōvema 2010, 97)

Naʻe akonaki ʻa Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

ʻOku fakamatalaʻi ʻe he meʻa lalahi ʻe tolu—(1) kakato ʻo e tokāteliné, (2) mālohi ʻo e lakanga fakataulaʻeikí, mo e (3) fakamoʻoni kia Sīsū Kalaisí—ʻa e ʻuhinga naʻe fakahā ai ʻe he ʻOtuá … ko e Siasi moʻoni mo moʻui pē ʻeni ʻe taha ʻi he funga ʻo e māmaní. …

ʻOku kakato, fakalūkufua, ʻaloʻofa, mo moʻoni ʻa e ongoongolelei ʻo Sīsū Kalaisi kuo toe fakafoki maí. …

Tupu mei heʻetau maʻu e mālohi ʻo e lakanga fakataulaʻeikí, ʻoku maʻu ai ʻe he kau takí mo e kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní kuo fakamafaí, ʻa e mālohi ke fakahoko e ngaahi ouau ʻo e lakanga fakataulaʻeikí, hangē ko e papitaisó, meʻafoaki ʻo e Laumālie Māʻoniʻoní, pea mo hono tāpuakiʻi ʻo e sākalamēnití.

ʻOku ʻoange ʻe he ngaahi kī ʻo e lakanga fakataulaʻeikí, ʻa ia ʻoku maʻu ʻe hotau palōfita ʻofeiná … pea mo e kau palōfita mo e Palesiteni kotoa pē ʻo e Siasí, ʻa e totonu ke maʻu fakahā maʻá e Siasí fakakātoa. ʻOku “moʻui” ʻa e Siasí ni koeʻuhí he ʻoku tau maʻu e kau palōfita ʻoku kei hokohoko ʻenau ʻomi e folofola ʻa e ʻEikí ʻe fiemaʻu ki hotau taimí.

Ko e ʻuhinga hono tolu ko e Siasi moʻoni pē tahá kitautolú he ʻoku maʻu ai e moʻoni ki he natula ʻo e ʻOtuá pea mo ʻetau fetuʻutaki mo Iá, pea ʻoku tau maʻu ai ha fakamoʻoni makehe ʻo kau kia Sīsu Kalaisi. (Dallin H. Oaks, “Ko e Siasi Moʻoni mo Moʻui pē Tahá,” Liahona, ʻAokosi 2011, 49–51)

Fakaafeʻi e kau akó ke vahevahe ʻa e meʻa naʻa nau fakaʻilongaʻí. Te nau lava ʻo tohi ʻa e meʻa naʻa nau maʻú ʻi he kōlomu ʻe ua ʻi he palakipoé. Fakakaukau ke fehuʻi ki he kau akó ʻa e founga ʻoku tāpuekina ai kitautolu ʻe he ʻEikí ʻi he tafaʻaki takitaha ʻo Hono Siasí ne nau fakaʻilongaʻí. Ke tokoni ke mahino ki he kau akó e fakakaukau ʻa Palesiteni ʻOakesi fekauʻaki mo ʻetau fakamoʻoni makehe kia Kalaisí, fakakaukau ke kole ange ke nau aleaʻi ha ngaahi moʻoni fekauʻaki mo e Tamai Hēvaní mo Sīsū Kalaisi kuo nau ako ʻo fakafou ʻi he Palōfita ko Siosefa Sāmitá, Tohi ʻa Molomoná, pe kau palōfita ʻo onopōní. Te nau lava ʻo tānaki ʻenau ngaahi fakakaukaú ki he kōlomu “Moʻoní.”

Kapau ʻe fiemaʻu, tokoni ke mahino ki he kau akó ʻoku ʻikai ʻuhinga e fakamoʻoni ʻa e ʻEikí ʻo fakahā ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e siasi moʻoni mo moʻui pē tahá, ʻoku ʻikai maʻu ʻe he ngaahi siasí kehé ha ngaahi moʻoni ʻe niʻihi.

Ngaahi Tāpuaki ʻo e Siasi ʻo Sīsū Kalaisí

Hili hono fakamatalaʻi ʻe he Fakamoʻuí ko e Siasí ʻa e “siasi moʻoni mo moʻui pē tahá,” naʻá Ne fakakau ai ha niʻihi ʻo e ngaahi ʻuhinga naʻá Ne fakafoki mai ai Hono Siasí. Lau ʻa e Tokāteline mo e Ngaahi Fuakava 1:31–33, ʻo kumi ʻa e meʻa naʻá Ne akoʻí.

ʻE lava ke tafoki ʻa e kau akó ki ha hoa pea fakamatalaʻi fakanounou ʻa e meʻa ne nau ako mei he ngaahi veesi ko ʻení. ʻE lava foki ke nau aleaʻi fakataha ʻa e fehuʻi ko ʻení.

ʻOku tokoni fēfē atu nai ʻa e Siasi moʻoni mo moʻui ʻo Sīsū Kalaisí ke ke tafoki kiate Ia ke maʻu ha fakamolemolé?

ʻOange ha faingamālie ki he kau akó ke fakahaaʻi ai ʻa e meʻa kuo nau ako lolotonga e lēsoni ko ʻení. Ko e founga ʻe taha ke fakahoko ai ʻení ko hono fakaafeʻi e kau akó ke nau hiki ha tali ki he tūkunga ko ʻení ʻi heʻenau tohinoa akó. ʻI heʻene ʻosí, fakakaukau ke fakaafeʻi ha kau ako ʻe niʻihi ke vahevahe ʻa e meʻa naʻa nau hikí.

Fakakaukauloto ʻoku fehuʻi atu ʻe ha taha pe ko e hā ʻokú ne ʻai ho siasí ke kehe mei he ngaahi siasi kehé. Te ke tali fēfē ki he tokotaha ko ʻení ʻi ha founga ʻe ala tokoni ke nau fie ʻilo lahi ange ai ki he Siasí? ʻE lava ke ke fakakau ʻa e ngaahi meʻá ni ʻi hoʻo talí:

Ko e meʻa naʻá ke ako he ʻahó ni mei he fakamoʻoni ʻa e ʻEikí fekauʻaki mo Hono Siasí pea mo e ongo ʻokú ke maʻu fekauʻaki mo e fakamoʻoni ko iá
Ngaahi founga kuó ke ongoʻi pe vakai ai ʻoku moʻoni pe moʻui ʻa e Siasí
Ngaahi tāpuaki kuó ke aʻusia ʻi hoʻo hoko ko ha mēmipa ʻo e Siasi ʻo Kalaisí

Te ke lava ʻo fakaʻosi ʻaki haʻo vahevahe hoʻo fakamoʻoni ki he ngaahi tāpuaki ʻo e Siasi moʻoni mo moʻui ʻo Sīsū Kalaisí pea mo e founga kuo tokoniʻi ai koe ʻe hoʻo kau ki aí ke ke toe ofi ange ai ki he Fakamoʻuí.

Ako Ma‘uloto

Mahalo te ke fie tokoni ki he kau akó ke ako maʻuloto ʻa e potufolofolá mo e kupuʻi lea mahuʻinga ʻo e folofolá lolotonga e lēsoni ko ʻení pea toe vakaiʻi kinautolu ʻi he ngaahi lēsoni he kahaʻú. Ko e kupuʻi lea mahuʻinga ʻi he folofolá ko e “Siasi moʻoni mo moʻui pē tahá.” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahi ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

Ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e siasi pē taha ʻoku ʻi ai ha moʻoní?

Naʻe akonaki ʻa Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

Koeʻuhí ko e fakahā ko ʻeni ʻa e ʻEikí, ʻoku tau lau leva heni ki Hono Siasí—hotau Siasí—ko e “Siasi moʻoni pē ia ʻe tahá.” ʻOku ʻi ai e taimi ʻoku faʻa fakatupu ʻita ʻeni ki he kakai ʻo e ngaahi siasi kehé pe niʻihi ʻoku tui ki he ngaahi fakakaukau kehé. Ka ʻoku teʻeki ai ke akoʻi mai ʻe he ʻOtuá kiate kitautolu ha meʻa te ne ʻai ke tau ongoʻi ʻoku tau māʻolunga ange ai ʻi he kakai kehé. He ʻoku takitaha moʻona pē ʻa e ngaahi siasí mo e ngaahi tui kotoa pē ʻi heʻenau ngaahi moʻoni, ʻo lahi ange ʻa e niʻihi ko ē ʻi he faʻahinga ko ē. ʻOku ʻofa foki ʻa e ʻOtuá Heʻene fānaú kotoa. Pea ko e palani ʻo ʻEne ongoongoleleí maʻa ʻEne fānaú kotoa, ʻo fakatatau ki he taimi pē ʻAʻaná. (Dallin H. Oaks, “Ko e Siasi Moʻoni mo Moʻui pē Tahá,” Liahona, ʻAokosi 2011, 49)

Ko e hā ʻoku tau fiemaʻu ai e Siasí?

Naʻe akonaki ʻa ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

15:34

ʻUhinga ʻo e Siasí

Ko e fakamatala ʻa D. Todd Christofferson ki he ngaahi ʻuhinga ʻoku fie maʻu ai ke fakahoko ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní e ngaahi taumuʻa ʻa e Fakamoʻuí.

ʻOku mahuʻinga ke ʻiloʻi ko e taumuʻa taupotu taha ʻa e ʻOtuá ko ʻetau fakalakalaká. Ko Hono finangaló ke tau fai atu “mei he ʻaloʻofa ki he ʻaloʻofa, ʻo aʻu ki [heʻetau] maʻu hono fonu” [Tokāteline mo e Ngaahi Fuakava 93:13] ʻo e meʻa kotoa ʻokú Ne lava ʻo foakí. ʻOku mahulu hake ʻa e meʻa ia ʻoku fiemaʻú ʻi he ongoʻi fakalaumālie peé. ʻOku fiemaʻu ʻa e tui kia Sīsū Kalaisí, fakatomalá, papitaiso ʻi he vai pea mo e Laumālie, mo e kātaki ʻi he tui ki he ngataʻangá. He ʻikai lava ʻe ha taha ʻo aʻusia ʻeni ʻi he moveteveté, ko hono ʻuhinga ia ʻoku maʻu ai ʻe he ʻEikí ha siasi ke fokotuʻu ha fakatahaʻanga ʻo e Kau Māʻoniʻoní ke nau fepoupouaki ai ʻi he “hala fāsiʻi mo lausiʻi ʻa ia ʻoku fakatau ki he moʻui taʻengatá” [2 Nīfai 31:18]. (D. Todd Christofferson, “ʻUhinga ʻo e Siasí,” Liahona, Nōvema 2015, 108)

Ngaahi ʻEkitivitī Fakalahi ki he Akó

Ko ha siasi moʻoni ʻoku tataki ʻe ha kakai taʻehaohaoa

ʻE ala tokoni ʻa e ʻekitivitī ko ʻení kapau ʻoku ʻi ai ha fehuʻi hoʻo kau akó fekauʻaki mo e founga ʻoku lava ke maʻu ai ʻi he Siasi moʻoni ʻo Sīsū Kalaisí ha kau taki pe kau pule ʻoku ʻikai haohaoá. Naʻe vahevahe ʻe ʻEletā Teili G. Lenilani ʻo e Kōlomu ʻo e Kau ʻAposetolo ʻe Toko Hongofulu Mā Uá mo hono uaifi ko Luté, ha talanoa fakatātā fekauʻaki mo e founga ʻoku ngāue ai ʻa e ʻOtuá ʻo fakafou ʻi ha kakai taʻehaohaoa ke fakahoko ʻa e fakamoʻuí. Fakakaukau ke huluʻi e foʻi vitiō ko ʻení mei he taimi 1:03 ki he 5:48. Mahalo te ke fie taʻofi fakataimi e vitioó ʻi he taimi 4:16 ke lava ʻa e kau akó ʻo aleaʻi ʻa e ʻuhinga ʻoku nau maʻu ʻi he talanoa fakatātaá. Hili hoʻomou fealēleaʻakí, te ke lava ʻo huluʻi e toenga ʻo e foʻi vitioó.

33:28

“ʻOua ʻe Loto Veiveiua, Kae Tui Pē”

Naʻe lea ‘a ʻEletā Dale G. Renlund ‘o e Kōlomu ʻo e Kau ‘Aposetolo ʻe Toko Hongofulu Mā Uá mo hono uaifi ko Sisitā Ruth L. Renlund, ‘i ha fakataha lotu fakaemāmani lahi maʻá e kakai lalahi kei talavoú ʻi he ‘aho Sāpate, 13 ’o Sanuali 2019.

Ko e tefito ʻo e tui hono hivá

Ke fakamatalaʻi lahi ange ʻa e ʻuhinga ʻo e “moʻui” ʻa e Siasi ʻo Sīsū Kalaisí, fakakaukau ke fakaafeʻi e kau akó ke lau ʻa e tefito ʻo e tui hono hivá, ʻo kumi e founga ʻokú ne fakahaaʻi ai ʻa e natula “moʻui” ʻo e Siasí. ʻE lava foki ke fakafekauʻaki ʻe he kau akó ʻa e tefito ʻo e tui ko ʻení mo e Tokāteline mo e Ngaahi Fuakava 1:30. ʻE lava ke ke ʻeke ange ki he kau akó ʻa e founga kuo nau fakamoʻoniʻi ai ʻa e hokohoko atu hono fakahā ʻe he Tamai Hēvaní ʻa e moʻoní ʻo fakafou ʻi he kau palōfita moʻuí.

Ko e fakamoʻoni ki he Siasí

Fakakaukau ke fakaafeʻi e kau akó ke fai ʻenau fakamoʻoni ki he Siasí. ʻE lava ke ke tomuʻa vahevahe ʻa e fakamoʻoni ko ʻeni ʻa Palesiteni Henelī B. ʻAealingi ʻo e Kau Palesitenisī ʻUluakí:

“ʻOku ou fai kiate kimoutolu ʻa ʻeku fakamoʻoní ʻi he loto-māluʻia ko e Siasi moʻoni mo moʻui ʻeni ʻo Sīsū Kalaisí. ʻE tali ʻe he Tamai Hēvaní hoʻo ngaahi lotu fakamātoató ke ke ʻiloʻi ia ʻiate koe pē. … ʻIkai ko ia pē, ka te ke lava ʻo ʻiloʻi ʻoku fakahoko ʻi he Siasí ni ha ngaahi ouau te nau lava ke fakamaʻa ʻa e laumālié pea nonoʻo ʻi māmani pea ʻi he langí, ʻo hangē ko ia ne fakahoko ʻi he ngaahi ʻaho ʻo Pita, Sēmisi, mo Sioné. Kuo fakafoki mai e ngaahi kī mo e ngaahi ouau ko iá he taimí ni ʻi honau kakató ʻi he Palōfita ko Siosefa Sāmitá pea kuo tukuʻau hifo ia ʻiate kinautolu ʻoku hokohoko hake ki aí. Ko e Kalaisí ʻa Sīsū. ʻOkú Ne moʻui. ʻOku ou ʻiloʻi ia” (Henry B. Eyring, “Ko e Siasi Moʻoni mo Moʻuí,” Liahona, Mē 2008, 24).

2:3

The True and Living Church

The Church of Jesus Christ of Latter-day Saints is true, and it lives on.

Te ke lava leva ʻo fehuʻi ange pe ʻoku ʻi ai ha kau ako te nau fie vahevahe ʻenau fakamoʻoni ki he Siasi moʻoni mo moʻuí. Fakakaukau ke fakahoko foki hoʻo fakamoʻoní.