Դաս 113. Վարդապետություն և Ուխտեր 98–101

Վարդապետություն և Ուխտեր 98

Բոլոր բաները միասին կգործեն մեր բարիքի համար

1833 թ-ի ամռանը Միսսուրի նահանգի բնակիչների և Սրբերի միջև լարվածությունը Ջեկսոնի գավառում հանգեցրեց նրան, որ բռնարար ամբոխը հարձակվեց տների վրա, ավերեց ձեռնարկությունները և պահանջեց հեռացնել Եկեղեցու բոլոր անդամներին այդ տարածքից: Վարդապետություն և Ուխտեր 98 բաժնում Փրկիչը մխիթարություն և խորհուրդ է տվել տառապող Սրբերին և հրահանգել է Եկեղեցու ղեկավարներին, թե ինչպես վարվել իրենց հանդեպ անարդար վերաբերմունքի հետ: Այս դասը կօգնի ուսանողներին համբերատար սպասել Տիրոջը նեղության ժամանակ:

Հնարավոր ուսումնական վարժություններ

Համբերություն

Կարող եք դասը սկսել՝ օգնելով ուսանողներին մտածել համբերության մասին: Դա կօգնի ուսանողներին սովորել համբերատար սպասել Տիրոջը նեղության ժամանակ: Կարող եք գրատախտակին գրել «համբերատար» բառը և տալ հետևյալ հարցերից մի քանիսը:

• Ե՞րբ է դժվար համբերատար լինել:

• Որո՞նք են այն իրավիճակները, երբ դուք ստիպված եք եղել համբերատար լինել:

• Ըստ ձեզ, որքա՞ն համբերատար եք դուք ըստ 1–10 սանդղակի, երբ 10-ը չափազանց համբերատարն է:

• Ո՞ր իրավիճակներում է Տերը կամենում, որ դուք համբերատար լինեք: Ինչո՞ւ։

Սրբերի վտարումը Միսսուրի նահանգի Ջեկսոն գավառից

Հետևյալ պարբերությունը կարող եք կարդալ կամ ամփոփել ձեր բառերով, որպեսզի օգնեք ուսանողներին հասկանալ բաժին 98-ի պատմական ենթատեքստը:

Երբ Սրբերը ժամանեցին Միսսուրի՝ կառուցելու Սիոնը, լարվածություն առաջացավ Ջեկսոն գավառի բնակիչների հետ: Քաղաքական հակամարտությունները, կրոնական տարաձայնությունները և անխոհեմ որոշումները (ներառյալ Փրկչի պատվիրած տաճարը չկառուցելը) ավելացրեցին խնդիրները: 1833 թվականի ամռանը զգոն խմբերը հավաքվեցին, որպեսզի բռնի ուժով քշեն Սրբերին Ջեկսոն գավառից: Եպիսկոպոս Էդվարդ Փարթրիջին և Չարլզ Ալենին ծեծեցին, մարմիններին ձյութ քսեցին և պատեցին փետուրներով: Վ․ Վ․ Ֆելպսի տպարանը ոչնչացվեց, իսկ Պատվիրանների գրքի էջերը ցրվեցին։ Վիեննա Ժակսը, Մերի և Քերոլայն Ռոլինս քույրերի հետ միասին, խիզախորեն փրկեցին հայտնությունների հնարավորինս շատ էջեր, նախքան դրանց կործանվելը: Նրանք փախան և թաքնվեցին ամբոխից՝ իրենց մոտ պահելով հայտնությունները։ Հարձակման ժամանակ շատ Սրբեր ստիպված եղան լքել իրենց տները զենքի սպառնալիքի տակ (տես Սրբեր. Հիսուս Քրիստոսի Եկեղեցու պատմությունը վերջին օրերում, հատոր 1, Ճշմարտության դրոշը, 1815–1846թթ. [2018թ.], 172–181)։

Ուսանողներին առաջարկեք մտածել փորձությունների կամ նեղությունների մասին, որոնց իրենք կարող են հանդիպել: Խրախուսեք նրանց փնտրել անձնական հայտնություն Վարդապետություն և Ուխտեր 98 բաժինն ուսումնասիրելիս և ականջալուր լինել Տիրոջ կամքին:

Կարդացեք Վարդապետություն և Ուխտեր 98․1–3 հատվածները՝ փնտրելով, թե Փրկիչն ինչպես է արձագանքել Ջեկսոն գավառի Սրբերի աղոթքներին:

• Ինչպե՞ս կարող էր այս խորհուրդն օգնել Միսսուրիի Սրբերին:

• Ինչպե՞ս կարող է դա օգնել ձեզ կամ ձեր ծանոթներից մեկին հաղթահարել որևէ դժվար իրավիճակ:

• Ի՞նչ սկզբունքներ կարող եք բացահայտել այս հատվածներից:

Ուսանողները կարող են կիսվել տարբեր սկզբունքներով: Որպեսզի օգնեք ուսանողներին բացահայտել սկզբունքները, կարող եք գրատախտակին գրել հետևյալ անավարտ խոսքերը և առաջարկել նրանց ավարտել այն:

Երբ մենք համբերատար սպասում ենք Տիրոջը, Նա ուխտ է կապում, որ

Ուսանողները կարող են ավարտել խոսքերը հետևյալ սկզբունքներով.

• մեր աղոթքները պատասխան կստանան:

• բարին կգա մեր նեղություններից:

Համբերատար սպասել Տիրոջը

Ոգեշնչում փնտրեք՝ իմանալու, թե որ սկզբունքների վրա է պետք կենտրոնանալ: Նկատի ունեցեք ձեր ուսանողների կարիքները և ընտրեք այնպիսի նյութ, որն, ըստ ձեզ, առավել օգտակար կլինի: Որոշեք, թե ստորև բերված որ նյութերով եք կիսվելու ձեր ուսանողների հետ: Կարիք չկա այդ ամենը քննարկելու։

Մեկ այլ տարբերակն այն է, որ ուսանողներին բաժանել խմբերի և յուրաքանչյուր խմբի հանձնարարել ուսումնասիրել խոսքերից մեկը կամ մեկ հատված Մորմոնի Գրքից: Ապա առաջարկեք ուսանողներին դասարանի հետ կիսվել իրենց սովորածով:

Տասներկու Առաքյալների քվորումից նախագահ Մ. Ռասսել Բալլարդն ուսուցանել է Տիրոջը սպասելու մասին: Կարդացեք հետևյալ խոսքերը կամ դիտեք «Հույս Քրիստոսում» տեսանյութը 09:13-10:06, որը հասանելի է ChurchofJesusChrist.org կայքում։

Հույս Քրիստոսում

Տիրոջը սպասելը ենթադրում է շարունակական հնազանդություն և հոգևոր առաջընթաց դեպի Նա: Տիրոջը սպասելը չի ենթադրում անգործության մատնվել: Երբեք չպետք է զգաք, որ սպասասրահում եք:

Տիրոջը սպասելը ենթադրում է գործել: Տարիներ շարունակ ես իմացել եմ, որ Քրիստոսում մեր հույսը մեծանում է, երբ ծառայում ենք ուրիշներին: Ծառայելով՝ ինչպես Հիսուսը ծառայեց, մենք, բնականաբար, մեծացնում ենք մեր հույսը Նրանում:

Անձնական աճը, որին կարելի է հասնել հիմա, մինչ Տիրոջն ու Նրա խոստումներին սպասելը, յուրաքանչյուրիս համար Նրա ծրագրի անգնահատելի, սրբազան տարրն է: (Մ. Ռասսել Բալլարդ, «Հույս Քրիստոսում», Լիահոնա, մայիս 2021, 55)

• Ի՞նչ եղանակներով կարող ենք համբերատար սպասել Տիրոջը նեղության ժամանակ:

Նախագահ Ռասել Մ. Նելսոնն օգտագործել է Վարդապետություն և Ուխտեր 98.1–3 հատվածները, որպեսզի ուսուցանի մեր աղոթքների պատասխանների մասին:

Face the Future with Faith

Երբ մենք աղոթում ենք, ունենալով հավերժության հեռանկար, մենք չպետք է մտածենք՝ արդյոք մեր ամենաարցունքոտ և ամենասրտառուչ աղերսանքները լսվում են: …

Տերն ընտրել է Իր ամենաուժեղ խոսքերը՝ մեզ վստահեցնելու համար: Կնիք Վկայություն Երդում Որոշում Անսասան ուխտ Եղբայրներ և քույրեր, հավատացեք Նրան: Աստված ուշադրություն կդարձնի ձեր անկեղծ և սրտառուչ աղոթքներին և ձեր հավատքը կզորացվի: (Ռասսել Մ․ Նելսոն, «Հավատքով դեմ առ դեմ կանգնեք ապագային», Լիահոնա, մայիս 2011, 35)

• Այս խոսքերն ի՞նչ են ուսուցանում ձեզ Տիրոջ մասին:

• Այս ուսմունքների ըմբռնումն ինչպե՞ս կարող է օգնել որևէ մեկին համբերատար սպասել Նրան:

Կարդացեք 2 Նեփի 2.1–2 հատվածները՝ փնտրելով, թե մարգարե Լեքին իր չարչարանքների մասին ինչ է ուսուցանել իր որդի Հակոբին:

• Որո՞նք են այն եղանակները, որոնցով Տերը կարող է «նվիրագործել [մեր] նեղությունները [մեր] օգտի համար»:

Փրկչի խորհուրդը

Վարդապետություն և Ուխտեր 98.11–22 հատվածներն ուսումնասիրելիս ուսանողները կարող են աշխատել իրենց դասընկերոջ հետ կամ փոքր խմբերով: Ուսանողները կարող են ընտրել մի սկզբունք, որի վրա պետք է կենտրոնանան, ապա փնտրեն Փրկչի խորհուրդը, որը կօգնի որևէ մեկին կիրառել այդ սկզբունքը:

Օրինակ՝ «հավատարիմներին նա տալու է տող առ տող» (հատված 12) խոսքերը կարող են օգնել որևէ մեկին համբերատար սպասել Տիրոջը, երբ Նա պատասխանում է իր աղոթքներին քիչ-քիչ՝ ամեն անգամ: «Թողեք ամեն մի չարիք և հարեք ամեն բարի բանի» (հատված 11) խոսքերը կարող են օգնել որևէ մեկին ապրել այնպես, որ Աստված կարողանա ստիպել, որ նրա չարչարանքները «գործեն միասին [իր] բարիքի համար» (հատված 3):

Կարդացեք Վարդապետություն և Ուխտեր 98.11–22 հատվածները՝ փնտրելով Փրկչի խորհուրդը, որը կարող է օգնել ձեզ կամ մեկ ուրիշին համբերատար սպասել Տիրոջը:

• Ի՞նչ գտաք այս հատվածներում, որոնք կարող էին օգնել որևէ մեկին համբերատար սպասել Տիրոջը:

• Ի՞նչ բառերով կամ արտահայտություններով կկիսվեք փորձության միջով անցնող որևէ մեկի հետ: Ինչո՞ւ։

Կարող եք առաջարկել ուսանողներին խորհել այն ժամանակի մասին, երբ Փրկիչն օգնեց իրենց տեսնել այն բարիքը, որը կարող է գալ փորձության ժամանակ: Կարող եք ցուցադրել «Աստված կբարձրացնի մեզ» (4:59) կամ «Բարձունքներ, որ պետք է հաղթահարել» (5:05) տեսանյութերը, որոնք հասանելի են ChurchofJesusChrist.org կայքում։

God Will Lift Us Up

Mountains to Climb

Պատրաստակամ ուսանողներին հնարավորություն տվեք կիսվել, թե ինչպես է Փրկիչն օգնել իրենց համբերատար սպասել Իրեն փորձության ժամանակ: Անհրաժեշտության դեպքում ուսանողները կարող են կիսվել փորձառությամբ, երբ իրենք տեսել են այն բարիքը, որը եկել է փորձության արդյունքում:

Կիրառեք Փրկչի ուսմունքները

Ձեր օրագրում աղոթքով պատասխանեք հետևյալ հարցերին՝ այսօր ձեր սովորածի մասին.

• Ձեր սովորածից ի՞նչը կարող է մեծացնել Տիրոջը համբերատար սպասելու ձեր կարողությունը:

• Ի՞նչ եք զգացել, երբ հուշում եք ստացել, որը կարող էր օգնել ձեզ համբերատար սպասել Փրկչին՝ դժվարությունների հանդիպելիս:

Դասի ավարտին կարող եք կիսվել մի փորձառությամբ, երբ դուք համբերատար սպասել եք Տիրոջը կամ երբ Նա ստիպել է, որ փորձությունը միասին գործի ձեր բարիքի և Նրա փառքի համար: Կարող եք ձեր վկայությունը բերել Երկնային Հոր պատրաստակամության մասին, որ օրհնի մեզ դժվարության պահին, մինչ մենք սպասում ենք Նրան:

Օժանդակ նյութեր

Ի՞նչ անել, եթե ինձ թվում է, որ իմ աղոթքները պատասխան չեն ստանում։

Տասներկու Առաքյալների Քվորումից երեց Ջեֆրի Ռ. Հոլլանդը վկայել է.

Տիրոջ ապաւինողները

Մեր կյանքում կլինեն ժամանակներ, երբ նույնիսկ մեր լավագույն հոգևոր ջանքերը և անկեղծ աղոթքները չեն տա այն հաղթանակները, որոնք մենք փափագում ենք՝ լինի դա համաշխարհային, թե փոքր խնդիրների վերաբերյալ։ Ուստի, մինչ մենք աշխատում ենք և միասին սպասում մեր որոշ աղոթքների պատասխաններին, ես տալիս եմ ձեզ իմ առաքելական խոստումը, որ դրանք կլսվեն և կստանան իրենց պատասխանը, չնայած, գուցե ոչ մեր ուզած ժամանակին կամ ոչ այնպես, ինչպես ուզում ենք։ Սակայն դրանք միշտ պատասխանվում են ժամանակին և այնպես, ինչպես ամենագետ ու հավերժ կարեկից ծնողը պետք է պատասխանի նրանց։ Իմ թանկագին եղբայրներ և քույրեր, խնդրում եմ, հասկացեք, որ Նա, ով երբեք չի քնում կամ ննջում, աստվածային բոլոր գործերից առաջ հոգ է տանում Իր զավակների երջանկության և վեհացման մասին։ Նա մաքուր սեր է, փառահեղ անձնավորություն, և Գթասիրտ Հայր է Նրա անունը։ (Ջեֆրի Ռ. Հոլլանդ, «Տիրոջ ապաւինողները», Լիահոնա, նոյեմբեր 2020,115–116)

Ի՞նչ կարող եմ անել՝ դժվարությունների հանդիպելիս:

Երիտասարդ կանանց գերագույն նախագահությունից քույր Միշել Դ. Քրեյգը բացատրել է.

Անկեղծ սրտով

Երբ գալիս են դժվար ժամանակներ, ես փորձում եմ հիշել, որ որոշում եմ կայացրել հետևել Քրիստոսին՝ նախքան երկիր գալը, և որ իմ հավատքի, առողջության և իմ համբերատարության հետ կապված բոլոր մարտահրավերներն իմ այստեղ լինելու պատճառի մի մասն են: Եվ երբեք չպետք է մտածեմ, որ այսօրվա փորձությունը կասկածի տակ է դնում Աստծո սերն իմ հանդեպ, և չպետք է թույլ տամ, որ այն կասկածի տակ դնի իմ հավատքը Նրա հանդեպ: Փորձությունները չեն ենթադրում, որ ծրագիրը ձախողվում է. դրանք ծրագրի մի մասն են, որը նախատեսված է օգնելու ինձ փնտրել Աստծուն: Ես ավելի եմ նմանվում Նրան, երբ համբերատար դիմանում եմ և հուսով եմ, որ մեծ տառապանքի ժամանակ Նրա նման ավելի եռանդուն եմ աղոթում։ (Միշել Դ․ Քրեյգ, «Անկեղծ սրտով», Լիահոնա, նոյեմբեր 2022, 61–62)

Որտե՞ղ կարող եմ ավելին իմանալ Ջեկսոն գավառից Սրբերի վտարման մասին:

• Սրբեր, 1․172–193

• Դեյվիդ Վ. Գրուա, «Սպասելով Տիրոջ խոսքին», Հայտնությունների համատեքստում [2016]

• Եկեղեցու պատմության թեմաներ, «Բռնություն Ջեկսոն գավառում», ChurchofJesusChrist.org/study/history/topics

Լրացուցիչ ուսումնական վարժություններ

Եպիսկոպոս Էդվարդ Փարթրիջի հեզությունը

Վերանայեք Եպիսկոպոս Փարտրիջի մարմնին ձյութ քսելու և փետուրներով պատելու պատմությունը Սրբեր, 1.179–180 հատվածներում։ Ուսանողներին առաջարկեք ուսումնասիրել եպիսկոպոս Փարթրիջի մտքերը հետևյալ դեպքի մասին (տես ստորև)՝ փնտրելով, թե նա ինչպես է ցուցադրել Փրկչի ուսմունքները Վարդապետություն և Ուխտեր 98.1–3 հատվածներում։ Ուսանողներին առաջարկեք մտածել, թե իրենք ինչպես կարող են նման կերպ արձագանքել։

Եպիսկոպոս Էդվարդ Փարթրիջը հիշում է.

Նախքան իմ մարմնին ձյութ քսելը և փետուրներով պատելը, ինձ թույլ տվեցին խոսել։ Ես նրանց ասացի, որ Սրբերը ստիպված են եղել հալածանքների ենթարկվել աշխարհի բոլոր ժամանակներում, որ ես ոչինչ չէի արել, որը կվիրավորեր որևէ մեկին, որ ինձ հալածելով՝ անմեղ մարդուն են հալածում, որ ես պատրաստ էի տառապել հանուն Քրիստոսի, սակայն ես այն ժամանակ պատրաստ չէի և համաձայն չէի լքել երկիրը: …

… Ես կրեցի ինձ բաժին հասած հալածանքն այնքան մեծ խոնարությամբ և հեզությամբ, որ թվում էր, թե այն ապշեցրել էր բազմությանը, որը թույլ տվեց ինձ լուռ հեռանալ․ շատերը հանդիսավոր տեսք ունեին, ըստ ինձ, նրանց կարեկցանքը հուզիչ էր, և ես այնքան լցված էի Աստծո Հոգով և սիրով, որ ատելություն չունեի ինձ հալածողների կամ որևէ մեկի հանդեպ: (Էդվարդ Փարթրիջ, Պատմություն, 1838–1856 [Եկեղեցու ձեռագիր պատմությունը], հատոր A-1, 327–28, josephsmithpapers.org, ուղղագրությունը, մեծատառը և կետադրական նշանները ստանդարտացված են)

Փրկելով Պատվիրանների Գիրքը

Որպեսզի օգնեք ուսանողներին տեսնել փորձության ժամանակ ուժ և քաջություն դրսևորող երիտասարդ կանանց օրինակը, կարող եք կիսվել Մերի և Քերոլայն Ռոլինս քույրերի պատմությունով Սրբեր, 1.178–79 հատվածներով։ Կարող եք քննարկել, թե այս քույրերի օրինակներն ինչպես կարող են ոգեշնչել երիտասարդներին այսօր:

Վարդապետություն և Ուխտեր 98․23–48։ Վրեժխնդրության, պատերազմի և ներման մասին Տիրոջ օրենքները

Եթե ուսանողների համար օգտակար կլինի ավելին իմանալ Փրկչի՝ հալածանքին արձագանքելու եղանակի մասին, առաջարկեք նրանց նկարագրել մի քանի եղանակ, որոնցով մարդիկ կարող են արձագանքել, երբ որևէ մեկը վիրավորում կամ ցավ է պատճառում իրենց: Բացատրեք, որ Վարդապետություն և Ուխտեր 98․23–48 հատվածների հայտնության մեջ Տերն ուսուցանում է այնպիսի սկզբունքներ, որոնք կարող են մեզ օգնել իմանալ, թե ինչպես արձագանքել այն դեպքում, երբ մեզ վիրավորում են ուրիշների խոսքերը կամ արարքները։ Կարող եք դասարանը բաժանել զույգերի կամ փոքր խմբերի: Ուսումնասիրելու համար յուրաքանչյուր խումբ կարող է ընտրել հետևյալ թեմաներից մեկը և իրենց սովորածով կիսվել դասարանի հետ:

1. Վարդապետություն և Ուխտեր 98․23–32․ Փրկչի օրենքը հալածանքին արձագանքելու մասին

2. Վարդապետություն և Ուխտեր 98․33–38․ Փրկչի օրենքը պատերազմի մասին

3. Վարդապետություն և Ուխտեր 98․39–48․ Փրկչի օրենքը ներման մասին

Կարող եք առաջարկել ուսանողներին քննարկել հետևյալ հարցերը՝ օգտագործելով ստորև ներկայացված սցենարները կամ ուսանողները կարող են ստեղծել իրենց առնչվող նմանատիպ իրավիճակներ:

• Ի՞նչ կցանկանայիք անել, եթե դա տեղի ունենար:

• Ըստ Փրկիչի կամքի, մենք ինչպե՞ս պետք է արձագանքենք՝ համաձայն Վարդապետություն և Ուխտեր 98 բաժնի։

• Նեփիի եղբայրները կապում են նրան և թողնում անապատում, գրեթե նրա մահվան պատճառն են դառնում դեպի խոստացված երկիր ուղևորվող նավի վրա և ծրագրում են սպանել նրան Լեքիի մահից հետո:

• Երբ դուք տեղադրում եք Փրկչի և տաճարի նկարներն առցանց, ձեր դպրոցից ինչ-որ մեկն անբարյացակամ մեկնաբանություններ է թողնում սոցիալական ցանցերում:

• Ձեր ծխից կամ ճյուղից ծառայող միսիոները ձեզ նամակ է գրում՝ ներողություն խնդրելով ավագ դպրոցի ընթացքում ձեզ հալածելու համար:

Կարող եք նաև ցուցադրել «Լինելով միասնական․ Հոլանդական կարտոֆիլի նախագծի պատմությունը» (11:57) տեսանյութը, որը հասանելի է ChurchofJesusChrist.org կայքում։ Այս տեսանյութը ներկայացնում է Նիդեռլանդների Սրբերի պատմությունը, որոնք Երկրորդ համաշխարհային պատերազմից հետո պատրաստակամորեն զոհաբերեցին իրենց սննդի չափաբաժինն իրենց նախկին թշնամիներին: Կարող եք առաջարկել ուսանողներին փնտրել, թե ինչպես է Փրկիչն օրհնել հոլանդացի Սրբերին իրենց Քրիստոսանման ջանքերի համար:

That We Might Be One: The Story of the Dutch Potato Project