1825–1828

Joseph me Emma

Angang fengen an epwe wato ngeni fonufan ewe Puken Mormon

Emma Hale a marita non ew watten famini non Pennsylvania, ese pwan towaw seni New York, ikewe Joseph Smith a nom ie. Emma me an famini ra nuku non Kot. Emma a sani an epwe annea, kon, fiti oris, me fotunei efoch wafotun non ewe chonupupu ren imwan ewe.

Souneng, 1:31–32

Nupwen Emma a 21, Joseph Smith me saman ra feitto ar repwe angang ngeni emon kewe ra nom non ewe tenin imwen ikewe Emma e nom ewe. Semen Emma a korireto ar repwe nom non imwan ewe.

Uruon—Joseph Smith 1:56–57; Souneng, 1:31–32

Joseph me Emma ra poputa ne sisine fengenir. Ra sani ar repwe kan chufengen. Nge semen me inen Emma rese sani Joseph. Rese nuku pwe a kuna emon chon nang.

Souneng, 1:32–33

Ina epwe ew ier mwirin, Joseph a tingorei Emma an epwe punuweni. Emma me Joseph ra tongefengenir. Ra pupunu me ra no nom ren semen me inen Joseph kewe non New York.

Uruon—Joseph Smith 1:57–58; Souneng, 1:34–35

Ruanu ier a no seni ewe fansoun Moronai a ureni Joseph ussun ekkewe seleich koon. Nupwen a tori fansoun, Emma me Joseph ra feito ngeni ngeni ewe chukuchukuta ikewe ekkewe seleich ra kop ie.

Uruon—Joseph Smith 1:59; Souneng, 1:36–37

Ewe chon nang Moronai a churi Joseph won ewe chukuchukuta me a ngeni ekkewe seleich. I a ureni Joseph pwe ika i a fori ukukun an tongeni ne tumunu ekkewe seleich, repwe tumun.

Uruon—Joseph 1:59; Souneng, 1:37–38

Aramas ra rong pwe a nom ren Joseph kewe seleich koon, me ekkoch me neir ra sotuni ne sonani ekkewe seleich koon seni i. A auchea an Joseph epwe kutta en neni epwe oper ian. Nupwe Joseph a mwarei kewe seleich seni ew neni a oper ie nein ewe ira, ekkoch mwan ra fiu ngeni i. A okufuretiw me a sa ngeni imwen saman me inan ewe.

Uruon—Joseph Smith 1:60; Souneng, 1:38, 40–41

Nupwen Joseph a wato ekkewe seleich ren imwer ewe, fefinan ewe a anisi i ne wata won ewe chepen. Moronai a fen ureni Joseph esap mut ngeni emon epwe kuna kewe seleich, nge an famini ra mefi ekkewe seleich nupwen ra tikutukuno non echo uf mangaku.

Souneng, 1:41

Kot a mochen an Joseph epwe chiakuni ekkewe seleich koon pwe aramas repwe tongeni anneanir. Nge aramas non New York ra chok achocho ne sotuni ar repwe sonani ekkewe seleich. Joseph a achocho ne opa ekkewe seleich ar repwe tumun. Iwe Joseph me Emma ra mokut ngeni ew imw mi arapakan ngeni imwen semen me inen Emma ewe. Ra anean pwe repwe tongeni chiakuni ekkewe seleich non kinamwe.

Uruoon—Joseph Smith 1:61–62; Souneng, 1:43, 45–46

Joseph a poputa ne chiakuni ekkewe seleich. A aea pisek mi auchea minne Kot a fen amonata an epwe anisi i. Nupwen Joseph a chiaku, Emma a makkeretiw met a apasa. Awa mwirin awa, ra angang fengen. Emma a fokkun murinno. A sinei punuwan a chiaku seni ewe manamanen Kot.

Uruon—Joseph Smith 1:35; Souneng, 1:49