Mga Estorya sa Kasulatan
Ang Templo sa Kirtland
Ang Dios misulti ni Joseph Smith nga magtukod og templo. Mahimo kini nga usa ka balay sa Dios.
Ang mga Santos nagtinabangay sa pagtukod sa templo. Ang kalalakin-an mitukod og tag-as nga mga bongbong. Ang kababayen-an mihimo og mga kurtina ug mga karpet. Ang mga bata mitabang sa pagdala sa mga himan ug sa tubig ngadto sa mga trabahante.
Sa dihang nahuman na ang templo, misulod ang mga Santos. Sila mikanta og himno ug misinggit og “Hosanna!” Si Joseph ang nag-ampo aron sa pagpahinungod (pagpanalangin) sa templo.
Paglabay sa usa ka semana, si Jesukristo mibisita ni Joseph Smith ug ni Oliver Cowdery didto sa templo. Si Jesus miingon nga gidawat Niya ang templo isip Iyang balay.
Karon adunay mga templo sa tibuok kalibutan! Ang matag templo usa ka balaan nga dapit. Sa umaabot nga adlaw ako mosulod ug mohimo og mga saad ngadto sa Dios.
Mga paghulagway pinaagi ni Apryl Stott