Sauniaina o se Teuina o Meaai mo Faalavelave Faafuasei

O Le Faatomuaga

I tusitusiga paia, ua aoaoina i tatou e faatulaga i tatou lava ma “ia saunia mea manaomia uma” (Mataupu Faavae ma Feagaiga 109:8). E mafai ona e saunia mo taimi faigata e ala i le teuina o meaai mo faalavelave faafuasei ma isi mea taua e fesoasoani ia te oe e foia ai taimi faigata e le’i faamoemoeina. Matou te iloa o tagata uma i le salafa o le lalolagi e nonofo i se tulaga ese, ma atonu e le mafai e i tatou uma ona faatau pe teuina le aofaiga lava e tasi o meaai. Faaaoga fautuaga nei mo le teuina o meaai e fai ai ni sini mo lou lava tulaga e fesoasoani ai ia te oe ia saunia i le mea e mafai ai.

O le a le taua o le Teuina o Meaai?

Ua fautuaina tagata o le Ekalesia ina ia saunia mo faalavelave faafuasei e ala i le i ai o se sapalai autu o meaai, vai, ma isi mea e manaomia. Tatou te le iloa lava po o afea e oo mai ai se faalavelave faalenatura, faafitauli tau i le tamaoaiga, po o isi faalavelave faafuasei. E ala i le teuina o meaai mo faalavelave faafuasei ma isi mea taua ma le faatuatua ia Iesu Keriso, e mafai ai ona tatou tumau i le malosi i le feagai ai ma faigata.

E lua vaega autu o le teuina o meaai:

• Sapalai o meaai (taimi pupuu ma taimi uumi)

• Sapalai o le suavai

O le kiliki i sootaga o i luga, e mafai ai ona e maua nisi faamatalaga e uiga i vaega taitasi.

O A Meaai e Tatau Ona Ou Teuina?

Mo le teuina o meaai mo se taimi puupuu, teu ni meaai e avea o se vaega o au meaai masani. Faatau ni meaai mai vaega eseese o meaai e faamautinoa ai meaai e tatau ai ma fesuisuiai e le aunoa nei mea ina ia aloese ai mai le faaleagaina.

Mo le teuina o meaai mo se taimi umi, taulai atu i meaai e pei o saito, araisa, pasta, polesi, pi mamago, pateta, ma isi meaai e faasaoina lea e mafai ona 30 tausaga pe sili atu pe a afifiina lelei ma teuina i se nofoaga mālū ma matutu. Mo nisi faamatalaga i le teuina o meaai mo se taimi umi, faamolemole tagai i la matou taiala mo le teuina o meaai mo se taimi umi.

E taua le manatua e le tatau ona e soona faia pe a faatulagaina le teuina o au meaai. Mo se faataitaiga, e le o se mea atamai le nofo aitalafu i le teuina o au meaai i le taimi e tasi. Atiae malie ina ia le avea ma se avega mamafa tautupe. Mo se lisi o mea e fai po o a ituaiga o meaai e tatau ona e teuina, sii mai le lisi o mea e fai i le “An Approach to Long Term Food Storage”.

A o e mafaufau po o a meaai mo faalavelave faafuasei e manaomia ona e teuina, ia mafaufau foi i mea autu e manaomia e pei o se punavai o le vaitamini C, sapalai o le tumama, vaimama, pepa o faamatalaga taua, lavalava, ma isi mea faapena. E taua foi le faaaofia ai o le teuina o vai ma se tupe faaleoleo i au sapalai mo faalavelave faafuasei. Aoao e uiga i mea e teu mo manaoga faapitoa o la outou eria i le taiala o sauniuniga faaletino mo la outou eria.

O L A le Tele o Meaai e Teuina Ou te Manaomia mo le Tagata e Toatasi?

O le aofai o meaai e te teuina mo lou aiga e faalagolago lea i lou tulaga. I le avea ai ma se taiala lautele, mulimuli i nei fautuaga mo le teuina o meaai.

Mo le teuina o meaai mo se taimi puupuu, amata i le teuina o meaai ia lava e fafaga ai lou aiga mo se aso e tasi. Faatele lena aofai o meaai i le fitu e fai ai se sapalai mo le tasi le vaiaso. O le taimi lava e te maua ai se sapalai o meaai e teu mo le vaiaso, e mafai loa ona e faateleina i le masina, ma faasolo ai lava faapena.

Mo le teuina mo se taimi umi, ia faasolosolo malie ona fausia se sapalai o meaai lea o le a umi se taimi ma e mafai ona e faaaogaina e ola ai mo se taimi umi. Faatau mai nei meaai e teu i le aluga o taimi e aloese ai mai le tuuina o oe lava i se aitalafu. Mo nisi faamatalaga i le tele o meaai e tatau ona e teuina mo se taimi umi, tagai i la matou taiala mo le teuina o meaai mo se taimi umi.

Mo ni fautuaga patino i le tele o ituaiga o meaai taitasi e tatau ona e teuina mo le tagata e toatasi i lou aiga, faaaoga lenei taiala o le fuaina o meaai e teu.

Tagai i le taiala o sauniuniga faaletino mo la outou eria mo nisi faamatalaga e uiga i sauniuniga o meaai.

O Fea E Tatau Ona Ou Teuina ai Meaai mo Faalavelave Faafuasei?

O nisi o nofoaga sili ona lelei e teu ai au meaai mo se taimi umi, o loo i ai i le potu pito i lalo, sela, avanoa e totolo i ai, ma isi nofoaga e malu, pogisa, ma mago. E aoga foi faletaavale ma le tama’i potu i luga o le fa’alo ae e tele lava ina vevela ma e mafai ona aafia ai le tulaga lelei o meaai i se saoasaoa televave atu. Afai e teuina i se nofoaga vevela, ia mautinoa e fesuisuiai soo meaai. E mafai foi ona e teuina lau sapalai o meaai mo faalavelave faafuasei i kapoti teu lavalava, i luga o fata o pusatu maualuluga, i lalo ifo o se moega, i meaafale e iai pusatoso mo le teuina o meaai, i kapeneta i le umukuka, po o isi avanoa i soo se nofoaga. Afai e te iloa e le o ia te oe se avanoa mo le teuina o meaai, pe faasaina oe e le tulafono mai le teuina o le tele o meaai, ia teuina i le tele e te faatagaina ai ou tulaga.

Pe a saili mo se nofoaga e teu ai au meaai mo faalavelave faafuasei, ia manatua ia fautuaga nei mo le teuina:

• Ia mautinoa o loo teuina faalelei au meaai i totonu o se koneteina e le sao iai le ea. Teu aitema ua teuina i taga palasitika po o pusa i totonu o se koneteina e i ai se tapuni po o se pusa ua faamauina e le mafai ona oo i ai isumu ma manu ninii.

• Teu ni meaai i se nofoaga malu, mago, ma pogisa. O le aafia i le vevela, susu i le sau, po o le malamalama e faaleagaina ai le umi e lelei ai meaai e teu.

• Afai e teuina ni meaai i luga o le fola, aua nei teuina ni meaai i luga o le simā. O le simā e mafai ona afua ai ona elea apa ma mitiia ai e fagu palasitika le susū mai le foloa. Tuu se mea i le va o meaai ma le foloa e puipuia ai meaai mai le susū.

• Fai se lisi o nofoaga o loo teu ai au meaai e fesoasoani ia te oe e manatua ai le mea o i ai ma po o a au meaai o i ai.

O Fea e Mafai Ona Ou Faatauina ai Meaai e Teu?

E tele nofoaga e mafai ona e faatauina ai meaai e teu. O le auala sili ona faigofie e faatau ai meaai e teu e mai le faleoloa e faatau ai meaai i le lotoifale. Pe a e alu i le faatauga o meaai, faatau mai nisi o meaai apa ma isi meaai umi e faaopoopo i lau teuga meaai mo faalavelave faafuasei. E mafai foi ona e fatuina sau oe lava meaai e teu e ala i le faasaoina o meaai e pei ona otooto atu i le taiala mo meaai mo se taimi umi.

Afai e te fiafia e faatau ni meaai teu mai luga o le initoneti, e tele punaoa ma pusa avanoa o loo maua. Afai o e i ai i le Iunaite Setete, e mafai ona e maua ni meaai e teu mo se taimi umi mo le faatauina mai i le faleoloa a le Ekalesia i luga o le initoneti.

Nofoaga Autu e Teu ai Taumafa i Fale

Afai o e i ai i le Iunaite Setete po o Kanata, o nofoaga autu mo le teuina o meaai i le fale o se isi punaoa sili lea mo le aoina mai o aitema o meaai teu. I nofoaga autu mo meaai ua teuina mo le aiga, e mafai ona e maua ai le tele o meaai masani na muai teuina mo se taimi umi, e pei o saito, pi mamago, ma araisa. E mafai ona e maua nisi faamatalaga e uiga i nofoaga autu e mo meaai e teu iinei.

E Fia le Tau o le Teuina o Meaai?

E ono eseese tau e fuafua i le mea ma pe faapefea ona e faatauina au meaai e teu. E taua le manatua e le tatau ona e soona faia; mo se faataitaiga, aua le aitalafu ina ia fai ai lau teuga meaai i le taimi e tasi. Atiae ia faasolosolo malie e faasafua ai le tau i le aluga o taimi ina ia le avea ma se avega tautupe.

E mafai ona taugata le teuina o meaai. E mafai ona maualalo le tau o le teuina o au meaai e ala i le faasaoina o au lava meaai e ala i le faamagoina, tuufaguina, ma le faamaluluina. Mafaufau e toto se togalaau e fai ma faaopoopoga i lau teuga meaai.

Sootaga Fesootai

• Teuina o vai

• Teuina mo se taimi umi

• Fai se fuafuaga