ឧបសម្ព័ន្ធ

វិបសាយ ធនធានសម្រាប់ភាពខ្លួនទីពឹងខ្លួន

សូមចូលទៅ srs.lds.org ដើម្បីស្វែងរកព័ត៌មានបន្ថែមទៀត និងវីដេអូមានប្រយោជន៍នានាស្ដីពីការសម្របសម្រួលក្រុម ។

អ្វីដែលអ្នកត្រូវធ្វើពីមុនការប្រជុំក្រុម

សូមចូលទៅ srs.lds.org ដើម្បីទាញយកវីដេអូស្ដីពីគោលការណ៍ និងមេរៀននៃ មូលដ្ឋានគ្រឹះរបស់ខ្ញុំ ។
សម្រាប់ការប្រជុំលើកដំបូងរបស់អ្នក សូមឲ្យអ្នកជំនាញផ្នែកភាពខ្លួនទីពឹងខ្លួនផ្ដល់សៀវភៅសិក្សាដល់អ្នកឲ្យបានគ្រប់គ្រាន់ សម្រាប់មនុស្សគ្រប់គ្នាដែលបានចុះឈ្មោះ រួមទាំងសំណៅពីរច្បាប់បន្ថែមទៀត ។
ពិនិត្យឯកសារដើម្បីរៀបចំធ្វើការសម្របសម្រួល ប៉ុន្តែកុំរៀបចំបង្រៀនវាដូចជាមេរៀនមួយឡើយ ។
ក្រោយពីការប្រជុំលើកទីមួយរបស់អ្នកហើយ សូមធ្វើការជាមួយអ្នកជំនាញរបស់អ្នកដើម្បីចុះឈ្មោះក្រុមរបស់អ្នក ( សូមមើល srs.lds.org/report ) ។
សូមទូរសព្ទហៅ ឬផ្ញើសារទៅសមាជិកក្រុមដើម្បីរំឭកពួកគេអំពីកាលបរិច្ឆេទ ម៉ោង និងទីកន្លែងសម្រាប់ការប្រជុំជាក្រុម ។
សូមលើកទឹកចិត្តឲ្យដៃគូសកម្មភាពធ្វើការទាក់ទងគ្នា និងជួយគ្នាទៅវិញទៅមកក្នុងអំឡុងសប្តាហ៍ ។
សូមរៀបចំខាងវិញ្ញាណ ហើយធ្វើតាមការបំផុសគំនិតដែលអ្នកទទួលបាន ។
សូមមកដល់ថ្នាក់មុនម៉ោងដើម្បីរៀបចំកៅអី តុ និងវីដេអូឲ្យបានត្រឹមត្រូវ ។ សូមរៀបចំតុរបស់អ្នកដូចតទៅនេះ ( រូបផ្កាយបង្ហាញពីកន្លែងដែលអ្នកសម្របសម្រួលអង្គុយ ) ។

អ្វីដែលអ្នកត្រូវធ្វើអំឡុងការប្រជុំក្រុម

ស្វាគមន៍សមាជិកក្រុម ហើយរៀនស្គាល់ពួកគេ ។
សូមសរសើរ ហើយទះដៃអបអរសាទរចំពោះការសម្រេចបាន និងការរីកចម្រើនរបស់ពួកគេ ។
ចាត់អ្នកកំណត់ម៉ោងម្នាក់ដើម្បីគ្រប់គ្រងពេលវេលាដូចបានផ្ដល់ឲ្យ ។
លើកទឹកចិត្តឲ្យមានការពិភាក្សានៅក្នុងចំណោមសមាជិកក្រុម ។
គូសបញ្ជាក់អំពីការធ្វើតាមការតាំងចិត្តនៅចន្លោះការប្រជុំ ។
រំឭកសមាជិកក្រុមឲ្យគោរពដល់ព័ត៌មានសម្ងាត់ ។

ជាផ្នែកនៃការប្រជុំក្រុមចុងក្រោយរបស់អ្នក

សមាជិកក្រុមបំពេញការវាយតម្លៃផ្ទាល់ខ្លួន ។
អ្នកប្រមូលការវាយតម្លៃមក បំពេញរបាយការណ៍បញ្ចប់ក្រុម ហើយស្នើសុំវិញ្ញាបនបត្រ ( សូមមើល srs.lds.org/report ) ។
អបអរសាទរជាមួយគ្នា !

ការវាយតម្លៃផ្ទាល់ខ្លួនសម្រាប់អ្នកសម្របសម្រួល

បន្ទាប់ពីការប្រជុំក្រុមនីមួយៗ សូមរំឭកមើលសេចក្ដីថ្លែងការណ៍ដូចខាងក្រោមឡើងវិញ ។ តើអ្នកធ្វើល្អបានប៉ុណ្ណា ?

ការវាយតម្លៃក្រុម

វាអាចមានប្រយោជន៍ក្នុងការប្រើការវាយតម្លៃក្រុមផ្ទាល់ខ្លួននេះ ជាផ្នែកមួយនៃការប្រជុំក្រុមភាពខ្លួនទីពឹងខ្លួនរបស់អ្នកមួយចំនួន ដើម្បីពិនិត្យមើលក្រុមរបស់អ្នក និងដើម្បីដឹងថាតើពួកគេទទួលបទពិសោធន៍ពីវគ្គសិក្សានេះយ៉ាងណាដែរ ។ អ្នកអាចអញ្ជើញសមាជិកក្រុមម្នាក់ៗឲ្យមកបំពេញបែបបទ រួចហើយនិយាយអំពីវាជាក្រុម ។ អ្នកអាចធ្វើការណ៍នេះនៅដើមម៉ោងនៃការប្រជុំក្រុម ឬនៅចុងបញ្ចប់នៃវគ្គ « រៀន » ។ សកម្មភាពនេះចំណាយពេលប្រហែល ១០ នាទី ។

ជម្រើសការប្រជុំផ្សេងៗសម្រាប់ ការស្វែងរកការងាររបស់ខ្ញុំ

ប្រសិនបើអ្នកសម្របសម្រួលក្រុម ការស្វែងរកការងាររបស់ខ្ញុំ អ្នកអាចមានសមាជិកក្រុមដែលចង់មានការងារមួយភ្លាមៗ ហើយមិនអាចរង់ចាំដល់ ១២ សប្ដាហ៍ដើម្បីបំពេញឯកសារវគ្គសិក្សាទាំងអស់បាន ។ ប្រសិនបើអ្នកបើកទៅទំព័រពីរបីដំបូងនៃសៀវភៅសិក្សានេះ អ្នកនឹងរកឃើញជម្រើសការប្រជុំបន្ថែមទៀត ដែលអាចបំពេញតាមតម្រូវការរបស់សមាជិកក្រុមទាំងនេះបានកាន់តែប្រសើរ ។ អ្នកក៏អាចជជែកជាមួយនឹងអ្នកជំនាញភាពខ្លួនទីពឹងខ្លួនរបស់អ្នកដើម្បីរៀនបន្ថែមទៀតផងដែរ ។

សមាជិកក្រុមដែលមានសេចក្ដីជំនឿខុសគ្នា

គ្រប់បុគ្គលទាំងអស់ មិនថាមានសាវតាជំនឿយ៉ាងណាទេ ត្រូវបានស្វាគមន៍ឲ្យចូលរួមក្នុងវគ្គសិក្សាភាពខ្លួនទីពឹងខ្លួន ។ មានសំណើសាមញ្ញពីរបីដូចខាងក្រោមនេះ ដែលអាចជួយបង្កើតឲ្យមានបទពិសោធន៍វិជ្ជមាន និងកក់ក្ដៅសម្រាប់សមាជិកក្រុមទាំងអស់ ។

សូមប្រយ័ត្ន និងបើកចិត្តចំពោះសំណួរទាំងឡាយ ។
វាមានប្រយោជន៍ដើម្បីពន្យល់ពីបទគម្ពីរ ឬសម្ដីដកស្រង់ជាក់លាក់ណាមួយចំពោះសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
វាអាចចាំបាច់ដើម្បីកែសម្រួលការតាំងចិត្តមួយចំនួន ។
អ្នកជំនាញភាពខ្លួនទីពឹងខ្លួនរបស់អ្នកអាចជួយឆ្លើយនឹងសំណួរទាំងឡាយទាក់ទងទៅនឹងការចុះឈ្មោះ ដើម្បីធានាថាសមាជិកក្រុមទាំងអស់នឹងទទួលបានវិញ្ញាបនបត្រពីវគ្គសិក្សានេះ ។

ជំនួយបន្ថែម

ប្រសិនបើអ្នកមានបញ្ហា ឬកង្វល់ ឬក៏ត្រូវការជំនួយក្នុងការទាក់ទងសមាជិកក្រុមឲ្យត្រឡប់ទៅអង្គភាពវួដ ឬសាខារបស់ពួកគេវិញ សូមទៅរកការណែនាំ និងជំនួយពីអ្នកជំនាញរបស់អ្នក ។