« ការសម្របសម្រួលក្រុម » ការសម្របសម្រួលក្រុមសម្រាប់ភាពខ្លួនទីពឹងខ្លួន ( ឆ្នាំ ២០១៨ )
« ការសម្របសម្រួលក្រុម »
ការសម្របសម្រួលក្រុម
ការចាប់ផ្ដើម ( ១០ នាទី ឬតិចជាងនេះ )
សូមស្វាគមន៍
អាន
ការបំពាក់បំប៉ននេះ និងសៀវភៅសិក្សាដែលយើងនឹងប្រើនៅក្នុងក្រុមរបស់យើង រួមមានអនុសាសន៍បែងចែកពេលវេលាសម្រាប់វគ្គ ការពិភាក្សា និងសកម្មភាពនានា ។ ការធ្វើបែបនេះនឹងជួយយើងឲ្យគ្រប់គ្រងពេលវេលា ហើយបង្រៀនសម្ភារមេរៀនបានល្អ ។ សូមចាត់តាំងឲ្យមានអ្នកកំណត់ម៉ោងម្នាក់ជានិច្ច សម្រាប់ការប្រជុំក្រុមនីមួយៗដើម្បីជួយឲ្យក្រុមធ្វើទាន់ពេល ។
អ្នកសម្របសម្រួល
សូមសួរបើមាននរណាម្នាក់ចង់ធ្វើជាអ្នកកំណត់ម៉ោងសម្រាប់ការបំពាក់បំប៉ននេះទាំងមូល ។
តើការមានភាពខ្លួនទីពឹងខ្លួនមានន័យដូចម្ដេច ?
អាន
« ភាពខ្លួនទីពឹងខ្លួនគឺជា លទ្ធភាព ការតាំងចិត្ត និងកិច្ចខិតខំដើម្បីផ្តល់នូវសេចក្ដីត្រូវការចាំបាច់ខាងវិញ្ញាណ និង ខាងសាច់ឈាមសម្រាប់ខ្លួនឯង និងក្រុមគ្រួសារ » ( ក្បួនខ្នាតភាគ ២ ៖ ការគ្រប់គ្រងសាសនាចក្រ [ ឆ្នាំ២០១០ ] ចំណុច ៦.១.១ ) ។ ការមានភាពខ្លួនទីពឹងខ្លួនពុំមានន័យថាយើងអាចធ្វើ ឬទទួលបាននូវអ្វីៗដែលយើងចង់បាននោះទេ ។ ប្រសិនបើយើងមានភាពខ្លួនទីពឹងខ្លួន នោះយើងដឹងថា តាមរយៈព្រះគុណ និងព្រះចេស្ដារបស់ព្រះយេស៊ូវគ្រីស្ទ រួមផ្សំនឹងសេចក្ដីជំនឿរបស់យើង នោះយើងអាចធ្វើការសម្រាប់ភាពចាំបាច់សម្រាប់ជីវិតទាំងខាងវិញ្ញាណ និងខាងសាច់ឈាម ដូចដែលយើងចង់បានសម្រាប់ខ្លួនយើង និងក្រុមគ្រួសាររបស់យើង ។ ក្រុមភាពខ្លួនទីពឹងខ្លួនត្រូវបានរៀបចំឡើងដើម្បីជួយយើងឲ្យផ្លាស់ប្ដូររបៀបដែលយើងរស់នៅ ដោយធ្វើការជាមួយនឹងព្រះអម្ចាស់ ដើម្បីក្លាយកាន់តែមានភាពខ្លួនទីពឹងខ្លួនខាងសាច់ឈាម និងខាងវិញ្ញាណខ្លាំងជាងមុន ។
យើងនឹងមើលវីដេអូមួយពីសមាជិកក្រុម និងអ្នកដឹកនាំដែលថ្លែងអំពីបទពិសោធន៍របស់ពួកគាត់ជាមួយនឹងក្រុមភាពខ្លួនទីពឹងខ្លួន ។ នៅពេលអ្នកមើលវីដេអូនេះ សូមស្ដាប់រករបៀបដែលក្រុមភាពខ្លួនទីពឹងខ្លួនជះឥទ្ធិពលលើមនុស្សទាំងខាងសាច់ឈាម និងខាងវិញ្ញាណ ។
មើល
« Self-Reliance: Tools to Become Better » មាននៅលើគេហទំព័រ srs.lds.org/videos ។ ( គ្មានវីដេអូឬ ? សូមបន្ដអាន ) ។
ពិភាក្សា ( ២ នាទី )
តើអ្នកធ្លាប់មានបទពិសោធន៍អ្វីខ្លះ ដែលបានជួយអ្នកឲ្យដឹងថា បទពិសោធន៍ខាងវិញ្ញាណ មានទំនាក់ទំនងជាមួយនឹងបទពិសោធន៍ខាងសាច់ឈាម ?
តើក្រុមភាពខ្លួនទីពឹងខ្លួនដំណើរការយ៉ាងដូចម្ដេច ?
អាន
ក្រុមភាពខ្លួនទីពឹងខ្លួនគឺជាក្រុមប្រឹក្សាតូចៗដែលផ្ដោតលើការជួយសមាជិកក្រុមម្នាក់ៗឲ្យរីកដុះដាលឡើង ។ មានក្រុមភាពខ្លួនទីពឹងខ្លួនបួនដែលត្រូវជ្រើសរើសយក ៖
-
ការអប់រំដើម្បីទទួលបានការងារដ៏ប្រសើរ
សមាជិកអាចរៀនអំពីក្រុមទាំងឡាយដោយខ្លួនឯងបាន នៅឯការប្រជុំធម្មនិដ្ឋាន ឬតាមរយៈការអញ្ជើញផ្ទាល់មួយ ។ សមាជិកជ្រើសរើសក្រុមដែលពួកគេចង់ចូលរួម ។
ជាធម្មតា ក្រុមទាំងឡាយគឺតូចៗ ដែលមានគ្នាតិចជាង ១២ នាក់ ។ ក្រុមជួបគ្នារាល់សប្ដាហ៍រយៈពេល ១២ សប្ដាហ៍ ហើយការប្រជុំនីមួយៗចំណាយពេលប្រហែលពីរម៉ោង ។
ក្រុមភាពខ្លួនទីពឹងខ្លួននីមួយៗត្រូវបានដឹកនាំដោយអ្នកសម្របសម្រួលម្នាក់ ( ពួកយើង ) ។ ក្រុមភាពខ្លួនទីពឹងខ្លួនត្រូវបានសម្របសម្រួល មិនមែនបង្រៀនដោយគ្រូបង្រៀននោះទេ ។ ក្នុងនាមជាអ្នកសម្របសម្រួល យើងមិនត្រូវបានរំពឹងទុកថាជាអ្នកឯកទេសក្នុងបញ្ហានេះទេ ។ ផ្ទុយទៅវិញ យើងជួយក្រុមឲ្យធ្វើតាមសម្ភារមេរៀនដែលបានចែងមក ហើយអញ្ជើញសមាជិកក្រុមទាំងអស់ឲ្យរួមចំណែក ។
ការប្រជុំក្រុមនីមួយៗធ្វើតាមជំពូកមួយនៅក្នុងសៀវភៅសិក្សានេះ ។ ជំពូកនីមួយៗមានវគ្គចំនួនប្រាំអមដោយពេលវេលាកំណត់មួយ ។ វគ្គទាំងប្រាំនេះគឺជាមូលដ្ឋាននៃការប្រជុំក្រុមភាពខ្លួនទីពឹងខ្លួន ។ ដើម្បីដឹកនាំការប្រជុំក្រុមមួយ សូមធ្វើតាមតែសម្ភារមេរៀន និងពេលវេលាដែលបានកំណត់—កុំរំលងវគ្គណាមួយឡើយ ។
ផ្លាស់ប្ដូរអ្នកសម្របសម្រួល
អាន
នៅចុងបញ្ចប់នៃការប្រជុំនីមួយៗ យើងអាចជួយសមាជិកក្រុមរបស់យើងឲ្យរើសយកដៃគូសកម្មភាពម្នាក់ ដើម្បីជួយគាំទ្រគ្នានៅអំឡុងសប្ដាហ៍ ។ ដៃគូសកម្មភាពអាចផ្លាស់ប្ដូររាល់សប្ដាហ៍ ។ ជាទូទៅដៃគូសកម្មភាពមានភេទដូចគ្នា ប៉ុន្ដែពុំមែនជាសមាជិកគ្រួសារទេ ។
ការរួមបញ្ចូលនៃគោលការណ៍ខាងវិញ្ញាណ ជំនាញអនុវត្ត ព្រមទាំងអំណាចនៃក្រុមនឹងបង្កើតជាបរិយាកាសរៀនសូត្រដ៏ពិសេសមួយ ដែលជួយសមាជិកឲ្យអភិវឌ្ឍជីវិតរបស់ពួកគេ ។ ដូចដែលអ្នកនឹងមើលវីដេអូដូចខាងក្រោមនេះ នៅក្នុងក្រុមភាពខ្លួនទីពឹងខ្លួនរបស់យើង យើងរៀនមកពីធនធានបី ៖ ពីឯកសារមេរៀន ពីគ្នាទៅវិញទៅមក និងពីព្រះវិញ្ញាណ ។
មើល
« The Power of the Group » មាននៅគេហទំព័រ srs.lds.org/videos ។ ( គ្មានវីដេអូឬ ? សូមបន្ដអាន ) ។
ពិភាក្សា ( ២ នាទី )
តើអ្នកគិតថា ក្រុមភាពខ្លួនទីពឹងខ្លួនរបស់អ្នកនឹងខុសពីថ្នាក់រៀន ឬសិក្ខាសាលាផ្សេងៗទៀតដែលអ្នកបានចូលរួមយ៉ាងដូចម្ដេច ? តើវានឹងស្រដៀងគ្នាយ៉ាងដូចម្ដេច ?
ផ្លាស់ប្ដូរអ្នកសម្របសម្រួល
តើខ្ញុំអាចធ្វើអ្វីខ្លះដើម្បីធ្វើជាអ្នកសម្របសម្រួលដ៏អស្ចារ្យម្នាក់ ?
អាន
ការធ្វើជាអ្នកសម្របសម្រួលម្នាក់អាចទទួលបានបទពិសោធន៍ដ៏អស្ចារ្យមួយ ។ អ្នកសម្របសម្រួលដែលមានប្រសិទ្ធភាពបំផុតធ្វើរឿងដ៏សំខាន់ខ្លាំងទាំងបីនេះ ៖
-
សម្របសម្រួល មិនមែនបង្រៀនទេ ។
-
ទទួលខុសត្រូវលើកិច្ចការពីរបីផ្សេងទៀត ។
-
បម្រើជាអ្នកគង្វាលសម្រាប់ក្រុម ។
សម្របសម្រួល មិនមែនបង្រៀនទេ
អាន
ក្រុមភាពខ្លួនទីពឹងខ្លួនត្រូវបានរៀបចំឡើងដោយមានគោលបំណងជាក់លាក់ដើម្បីសម្របសម្រួល ហើយមិនមែនដើម្បីបង្រៀនដោយគ្រូបង្រៀននោះទេ ។ អ្នកសម្របសម្រួលមិនរៀបចំមេរៀន បង្រៀនក្រុម ឬនិយាយច្រើនជាងសមាជិកក្រុមផ្សេងទៀតនោះទេ ។ អ្នកសម្របសម្រួលធ្វើតាមឯកសារមេរៀនវគ្គសិក្សា ហើយអញ្ជើញសមាជិកក្រុមម្នាក់ៗឲ្យរួមចំណែកស្មើៗគ្នា ។ អ្នកសម្របសម្រួលជួយបង្កើតបរិយាកាសមួយ ដែលព្រះវិញ្ញាណអាចបង្រៀនក្រុមនោះបាន ។
នៅក្នុងវីដេអូបន្ទាប់ សូមរកមើលរបៀបនានាដែលអ្នកសម្របសម្រួលម្នាក់បានផ្លាស់ប្ដូរពីការបង្រៀនទៅជាការសម្របសម្រួល និងរបៀបដែលវាបានជះឥទ្ធិពលលើក្រុម ។
មើល
« How to Facilitate a Group » មាននៅគេហទំព័រ srs.lds.org/videos ។ ( គ្មានវីដេអូឬ ? សូមបន្ដអាន ) ។
ពិភាក្សា ( ២ នាទី )
តើការសម្របសម្រួលខុសពីការបង្រៀនយ៉ាងដូចម្ដេច ?
ផ្លាស់ប្ដូរអ្នកសម្របសម្រួល
អាន
ក្នុងនាមជាអ្នកសម្របសម្រួល យើងទទួលខុសត្រូវលើការបង្កើតបរិយាកាសរៀនសូត្រដ៏វិជ្ជមានមួយ ចេះគោរពគ្នា និងរីករាយ ។ យើងជួយសមាជិកក្រុមរបស់យើងឲ្យយកចិត្តទុកដាក់ដល់គ្នាទៅវិញទៅមក ហើយបង្ហាញសេចក្ដីស្រឡាញ់ និងការគាំទ្រ ។
ផ្លាស់ប្ដូរអ្នកសម្របសម្រួល
អាន
ក្នុងនាមជាអ្នកសម្របសម្រួល យើងធ្វើជាគំរូ ។ យើងអាចជួយសមាជិកក្រុមរបស់យើងឲ្យបង្កើតបរិយាកាសរៀនសូត្រដ៏វិជ្ជមាន និងចេះយកចិត្តទុកដាក់មួយ ។ វាមិនតែងតែដំណើរការយ៉ាងរលូនឥតខ្ចោះនោះទេ ហើយពេលខ្លះ យើងត្រូវជួយសមាជិកក្រុមឲ្យឃើញពីរបៀបដែលសកម្មភាពរបស់ពួកគេជះឥទ្ធិពលលើក្រុម និងរបៀបដើម្បីផ្លាស់ប្ដូរពួកគេ ។ យើងនឹងជជែកគ្នាបន្ថែមទៀតអំពីរឿងនេះនៅក្នុងសកម្មភាពក្រោយរបស់យើង ។
អ្នកសម្របសម្រួល
សម្រាប់ការពិភាក្សាស្ដីពីការទទួលខុសត្រូវរបស់អ្នកសម្របសម្រួលខាងក្រោមនេះ វាអាចមានប្រយោជន៍ដើម្បីប្ដូរការសម្របសម្រួលទៅអ្នកសម្របសម្រួលដើមវិញ ។
ទទួលខុសត្រូវលើកិច្ចការពីរបីផ្សេងទៀត
អាន
ក្នុងនាមជាអ្នកសម្របសម្រួល យើងក៏មានការទទួលខុសត្រូវពីរបីទៀតខាងក្រៅការប្រជុំក្រុមរបស់យើងផងដែរ ។ សកម្មភាពបន្ទាប់នឹងផ្ដល់ឱកាសមួយឲ្យយើងជជែកគ្នាអំពីការទទួលខុសត្រូវទាំងនេះ ។
ផ្លាស់ប្ដូរអ្នកសម្របសម្រួល
បម្រើជាអ្នកគង្វាលសម្រាប់ក្រុមរបស់អ្នក
អាន
ឥឡូវដោយសារយើងបានរៀនពីរបៀបសម្របសម្រួល និងបានដឹងពីទំនួលខុសត្រូវមួយចំនួនផ្សេងទៀតរបស់យើងហើយ វាដល់ពេលនិយាយអំពីគន្លឹះដើម្បីសម្របសម្រួលឲ្យបានអស្ចារ្យ ។ អ្នកសម្របសម្រួលដ៏ល្អបំផុតស្រឡាញ់ និងថែទាំដល់សមាជិកក្រុមរបស់ពួកគេ ។ ពួកគេបម្រើក្រុមរបស់ពួកគេសឹងតែដូចជាអ្នកគង្វាលថែទាំហ្វូងសត្វមួយដែរ ។ ព្រះគ្រីស្ទបានប្រើគំរូរបស់អ្នកគង្វាល ដោយសារអ្នកគង្វាលស្គាល់ចៀមរបស់ពួកគេមួយៗតាមឈ្មោះ អត្តចរិត និងតម្រូវការ ។ អ្នកសម្របសម្រួលដ៏អស្ចារ្យស្គាល់សមាជិកក្រុមរបស់ពួកគេ យកចិត្តទុកដាក់លើជោគជ័យរបស់ពួកគេ ហើយជួយពួកគេឲ្យចូលរួម និងទទួលបានជោគជ័យ ។ វាអាចចំណាយពេលពីរបីសប្ដាហ៍ទម្រាំក្រុមរបស់អ្នកស្គាល់គ្នា ប៉ុន្ដែអ្នករៀនចប់ក្រុមភាពខ្លួនទីពឹងខ្លួនភាគច្រើននិយាយតែពីភាពស្និទស្នាលខ្លាំងដែលពួកគេបានមានជាមួយក្រុមរបស់ពួកគេ និងពីការថែទាំដ៏ខ្លាំងដែលពួកគេមានចំពោះគ្នាទៅវិញទៅមក ។ ក្នុងនាមជាអ្នកសម្របសម្រួលម្នាក់ យើងអាចជួយបង្កើតបរិយាកាសមួយដែលលើកទឹកចិត្តឲ្យធ្វើដូច្នេះ ។
សូមប្ដូរវេនគ្នាអានសំណើដូចខាងក្រោមនេះស្ដីពីការធ្វើជាអ្នកគង្វាលសម្រាប់ក្រុមរបស់អ្នក ។
ការធ្វើជាអ្នកគង្វាលសម្រាប់ក្រុមរបស់អ្នក
-
ទូរសព្ទហៅ ឬផ្ញើសារទៅសមាជិកក្រុម ។ អ្នកអាចទាក់ទងពួកគេ ហើយរំឭកពួកគេអំពីថ្ងៃ ម៉ោង និងទីកន្លែងនៃការប្រជុំ ។
-
ពេលសមាជិកមកដល់ សូមស្វាគមន៍ពួកគេដោយកក់ក្ដៅ ហើយរៀនស្គាល់ពួកគេ ។
-
សូមសរសើរ និងបង្ហាញក្ដីរីករាយចំពោះការរីកចម្រើនរបស់សមាជិកក្រុមអ្នក ។
-
រំឭកសមាជិកក្រុមឲ្យគោរពដល់ព័ត៌មានសម្ងាត់ ។
-
នៅចន្លោះការប្រជុំទាំងឡាយ សូមលើកទឹកចិត្តសមាជិកក្រុមដែលពិបាករៀន ។ ជួយដៃគូសកម្មភាពរបស់ពួកគេឲ្យទាក់ទងគ្នា ហើយគាំទ្រដល់ពួកគេផងដែរ ។
-
រួមគ្នាជាមួយសមាជិកផ្សេងទៀតនៅក្នុងក្រុម សូមឈោងទៅជួយសមាជិកក្រុមផ្សេងដែលអាចខកខានមិនបានមកការប្រជុំ ។
-
សូមអធិស្ឋានសម្រាប់សមាជិកក្រុមរបស់អ្នកតាមឈ្មោះ ។
-
ពិនិត្យមើលឯកសារមេរៀនសម្រាប់ការជួបប្រជុំក្រុមលើកក្រោយប្រកបដោយការអធិស្ឋាន ។
-
សូមនៅជិតនឹងព្រះវិញ្ញាណ ហើយធ្វើតាមគំនិត និងការបំផុសគំនិត ។
ពិភាក្សា ( ២ នាទី )
តើការធ្វើរឿងទាំងនេះនឹងជួយយើងឲ្យធ្វើជាអ្នកគង្វាលម្នាក់សម្រាប់ក្រុមភាពខ្លួនទីពឹងខ្លួនរបស់យើងតាមរបៀបណា ?
ផ្លាស់ប្ដូរអ្នកសម្របសម្រួល
ផ្លាស់ប្ដូរអ្នកសម្របសម្រួល
សេចក្ដីបញ្ចប់
អាន
យើងសង្ឃឹមថា ការបំពាក់បំប៉ននេះបានជួយយើងឲ្យយល់បន្តិចថែមទៀតអំពីភាពខ្លួនទីពឹងខ្លួន របៀបដែលក្រុមភាពខ្លួនទីពឹងខ្លួនដំណើរការ និងអ្វីដែលយើងអាចធ្វើបានដើម្បីធ្វើជាអ្នកសម្របសម្រួលដ៏អស្ចារ្យ ។ ការធ្វើជាផ្នែកនៃក្រុមភាពខ្លួនទីពឹងខ្លួនអាចជាបទពិសោធន៍ខុសពីមុន និងថ្មីមួយសម្រាប់យើង និងសមាជិកក្រុមរបស់យើង ។ វាថែមទាំងអាចចំណាយពេលបន្ដិចផងដែរ ដើម្បីមានអារម្មណ៍ស៊ាំនឹងដំណើរការ និងស្គាល់គ្នាទៅវិញទៅមក ។ សូមយោងទៅសៀវភៅសិក្សានេះឲ្យបានញឹកញាប់ ពិនិត្យមើលព័ត៌មានបន្ថែមនៅក្នុងឧបសម្ព័ន្ធ—ជាពិសេសការវាយតម្លៃ—ហើយចូលទៅមើលលើគេហទំព័រ srs.lds.org សម្រាប់ព័ត៌មានបន្ថែមទៀត និងវីដេអូដ៏មានប្រយោជន៍ជាច្រើន ។ ស្របតាមពេលវេលា និងការទុកចិត្តលើព្រះអម្ចាស់ នោះយើងនឹងមានបទពិសោធន៍ដ៏អស្ចារ្យមួយ ។
មើល
« Self-Reliance Facilitators: Bringing About Change » មាននៅលើគេហទំព័រ srs.lds.org/videos ។ ( គ្មានវីដេអូឬ ? សូមបន្ដអាន ) ។
ពិភាក្សា ( ៣ នាទី )
តើមានរឿងដ៏សំខាន់បំផុតអ្វីខ្លះ ដែលយើងបានរៀនតាមរយៈការហ្វឹកហ្វឺននេះ ?
សកម្មភាព ( ៣ នាទី )
សូមគិតរៀងៗខ្លួនអំពីអ្វីដែលអ្នកបានរៀនមកពីការហ្វឹកហ្វឺននេះ ហើយពិចារណាអំពីអ្វីដែលព្រះអម្ចាស់សព្វព្រះទ័យឲ្យអ្នកធ្វើ ។ សូមសរសេរចម្លើយរបស់អ្នកនៅខាងក្រោម ។
ដោយផ្អែកលើបទពិសោធន៍ដែលខ្ញុំបានមាននៅថ្ងៃនេះ ខ្ញុំចង់ ៖
ការអធិស្ឋាន
សូមអញ្ជើញនរណាម្នាក់ឲ្យអធិស្ឋានបិទ ។