« សេចក្ដីណែនាំ » ការសម្របសម្រួលក្រុមសម្រាប់ភាពខ្លួនទីពឹងខ្លួន ( ឆ្នាំ ២០១៨ )
សេចក្ដីណែនាំ
អ្នកសម្របសម្រួល
សេចក្ដីណែនាំជាក់លាក់សម្រាប់បុគ្គលដែលសម្របសម្រួលការបំពាក់បំប៉ននេះ នឹងមាននៅក្នុងប្រអប់ពណ៌ខៀវក្រោមពាក្យ « អ្នកសម្របសម្រួល » ជានិច្ច ។
របៀបប្រើសៀវភៅសិក្សានេះ
អ្នកសម្របសម្រួល
សៀវភៅសិក្សានេះត្រូវបានរៀបចំឡើងឲ្យប្រើជាក្រុមដើម្បីបំពាក់បំប៉នអ្នកសម្របសម្រួល ។ ដោយហេតុថាការសម្របសម្រួលក្រុមខុសពីការបង្រៀន នោះមនុស្សមួយចំនួនឃើញថា វាមានប្រយោជន៍ក្នុងការអនុញ្ញាតឲ្យបុគ្គលម្នាក់ៗរៀនអនុវត្តសម្របសម្រួលវគ្គមួយនៃសម្ភារសម្រាប់ការបំពាក់បំប៉ននេះ ។ ប្រសិនបើអ្នកចង់ប្រើវិធីសាស្ដ្រនេះ សូមរកមើលពាក្យដូចខាងក្រោម ។ វាជាការរំឭកមួយថា គឺត្រូវអនុញ្ញាតឲ្យនរណាម្នាក់ទៀតនៅក្នុងក្រុមមកសម្របសម្រួលនៅវគ្គក្រោយ ។
ផ្លាស់ប្ដូរអ្នកសម្របសម្រួល
ប្រសិនបើអ្នកចាត់ឲ្យមានអ្នកកំណត់ម៉ោងម្នាក់ ហើយធ្វើតាមម៉ោងដូចបានកំណត់មកនោះ ដូច្នេះការបំពាក់បំប៉នអ្នកសម្របសម្រួលនេះគួរតែចំណាយពេលតិចជាងពីរម៉ោង ។
សូមរៀបចំយកសៀវភៅសិក្សាវគ្គភាពខ្លួនទីពឹងខ្លួនមកបីបួនក្បាល ដើម្បីជួយអ្នកឲ្យបំពេញសកម្មភាពក្រុមមួយនៅក្នុងការហ្វឹកហ្វឺននេះនៅពេលក្រោយ ។